Singx Nzung 22

Zuqc Kouv, Heuc Jienv Tov
Yaac Baaux Nzung Ceng

Jiu bun dorh nzung nyei mienh.
Longc “Lungh Ndorm Nziouv nyei
Njaih Nyeiz”pou.
Ndaawitv zoc nyei singx nzung.

• ¹ Yie nyei Tin-Hungh aah! Yie nyei Tin-Hungh! Meih weic haaix diuc guangc yie?
• Meih weic haaix diuc leih go, maiv njoux yie, maiv haiz yie njunh nyei waac? * Matv^taai 27:46 ; Maako 15:34
• ² O yie nyei Tin-Hungh aah! Lungh hnoi zanc yie heuc, meih yaac maiv dau yie.
• Lungh muonz zanc yie maiv dingh liouh nyei heuc yaac maiv duqv hitv kuonx. * Fai maiv dingh.
• ³ Mv baac meih zueiz weic benx Cing-Nzengc Wuov Dauh.
• Meih se I^saa^laa^en Mienh ceng wuov dauh. * Hipv^lu waac gorngv “Meih longc I^saa^laa^en Mienh ceng nyei waac zoux weic.”
• ⁴ Yie mbuo nyei ong-taaix kaux meih,
• ninh mbuo bangc meih, meih yaac njoux ninh mbuo.
• ⁵ Ninh mbuo heuc meih, ziouc duqv njoux aqv.
• Ninh mbuo kaux meih, ninh mbuo yaac maiv piatv. * Fai nyaiv.
• ⁶ Mv baac yie se hnangv norm gaeng-mau, maiv zeiz mienh.
• Yie zuqc mienh huotv, zuqc mienh mangc piex.
• ⁷ Da'faanh buatc yie nyei mienh jatv yie,
• ninh mbuo zuo nzuih baengx bun yie, yaac huangx m'nqorngv gorngv, * Matv^taai 27:39 ; Maako 15:29 ; Lugaa 23:35
• ⁸ “Ninh kaux Ziouv, * Fai “Zorqv ganh fungx bun Ziouv ”.
• bun Ziouv njoux ninh maah!
• Bun Ziouv tengx ninh,
• weic zuqc Ziouv a'hneiv haic ninh.” * Matv^taai 27:43
• ⁹ Se dongh meih bun yie yiem maa nyei ga'sie cuotv seix,
• yie hopv maa nyei nyorx nyei ziangh hoc,
• meih yaac goux jienv yie. * Fai “meih bun yie kaux meih”.
• ¹⁰ Yiem yie cuotv seix daaih yie kaux meih.
• Yiem yie nyei maa yungz yie daaih, meih zoux yie nyei Tin-Hungh.
• ¹¹ Tov meih maiv dungx leih go yie,
• weic zuqc zeqc naanc taux fatv aqv,
• yaac maiv maaih haaix dauh tengx.
• ¹² Win-wangv camv hnangv ngongh gouv nor weih gormx yie,
• yaac hnangv Mbaasaan henv haic nyei ngongh gouv ninh mbuo weih jienv biei bung.
• ¹³ Ninh mbuo se hnangv njunh jienv nyei sienh
• morngx nzuih baengx oix betv yie.
• ¹⁴ Yie zuqc dox cuotv hnangv wuom nor.
• Yie nyei yietc zungv mbungv-daaux piatv nzengc.
• Yie nyei mba'nziu se hnangv mueiz-nzing,
• yiem yie nyei la'kuotv yuqc nzengc.
• ¹⁵ Yie nyei qaqv nqaai nzengc hnangv hlengx nie-mor-huv nor, * Maaih deix sou faan daaih gorngv haah baah mbungv.
• yie nyei mbietc naetv jienv nzuih dungz.
• Meih zorqv yie guangc jienv hnangv ga'naaiv-daic.
• ¹⁶ Maaih guanh orqv mienh huing jienv yie,
• hnangv guanh juv weih gormx yie nor.
• Ninh mbuo yaac nzopv * Maaih deix Hipv^lu
  waac nyei sou caux Gikc waac faan daaih gorngv hnangv dauh sienh nor. Maaih deix loz-hnoi sou gorngv ninh mbuo betv. Maaih deix gorngv ninh mbuo ndoh. yie nyei buoz-zaux.
• ¹⁷ Yie nyei mbungv yie zungv haih saauv nzengc,
• ninh mbuo bungx m'zing nuqv-nuqv nyei mangc yaac jatv yie.
• ¹⁸ Ninh mbuo bun nqoi yie nyei lui-houx,
• yaac weic yie nyei lui ndouv mangc gaax haaix dauh duqv. * Matv^taai 27:35 ; Maako 15:24 ; Lugaa 23:34 ; Yo^han 19:24
• ¹⁹ O Ziouv aah! Tov meih maiv dungx leih go yie.
• Tengx yie wuov dauh Ziouv aah! Siepv-siepv nyei daaih tengx yie.
• ²⁰ Tov njoux yie nyei maengc biaux ndutv nzuqc ndaauv.
• Tov njoux yie nyei maengc leih ndutv naaiv deix juv.
• ²¹ Tov njoux yie biaux ndutv sienh nyei nzuih baengx,
• njoux * Hipv^lu waac gorngv meih dau yie mi'aqv. yie leih ndutv hieh ngongh nyei jorng.
• ²² Yie oix zunh meih nyei mengh mbuox yie nyei gorx-youz.
• Yie oix yiem gapv zunv nyei wuic mbu'ndongx ceng meih. * Hipv^lu 2:12
• ²³ Gamh nziex Ziouv nyei mienh aah! Oix zuqc ceng ninh.
• Yaakopv nyei zuangx zeiv-fun aah! Oix zuqc taaih ninh.
• I^saa^laa^en nyei yietc zungv hoz doic zeiv-fun aah! Oix zuqc gamh nziex ninh.
• ²⁴ Weic zuqc ninh maiv mangc piex yaac maiv youx
• siouc kouv nyei mienh zuqc siouc nyei kouv naanc.
• Ninh maiv buang jienv hmien maiv mangc ninh mbuo,
• mienh heuc jienv tov nyei ziangh hoc, ninh yaac muangx.
• ²⁵ Yiem mienh camv gapv zunv nyei dorngx yie ceng nyei waac yiem meih daaih.
• Yiem taaih meih nyei mienh nyei nza'hmien yie oix jaauv sung yie laengz nyei ngaengc waac.
• ²⁶ Mienh jomc mienh duqv nyanc beuv.
• Haaix dauh lorz Ziouv zungv oix ceng ninh.
• Tov bun meih mbuo yietc liuz ziangh jienv.
• ²⁷ Jomc lungh ndiev norm-norm dorngx nyei mienh oix jangx Ziouv
• ziouc huin nzuonx daaih lorz ninh.
• Maanc guoqv nyei maanc fingx
• oix yiem ninh nyei nza'hmien baaix ninh.
• ²⁸ Ziouv maaih hungh lingc,
• yaac gunv maanc guoqv.
• ²⁹ Yiem lungh ndiev zoux maux nyei mienh oix yiem ninh nyei nza'hmien gueic njiec baaix. * Hipv^lu waac gorngv oix nyanc yaac baaix.
• Da'faanh nzuonx benx nie-mbung nyei mienh,
• se maiv haih tengx ganh maaih maengc ziangh nyei mienh,
• oix gueic njiec baaix ninh.
• ³⁰ Doic-doic zeiv-fun oix fu-sux ninh.
• Mienh oix zorqv Ziouv nyei sic gorngv mbuox hoz doic mienh.
• ³¹ Ninh mbuo oix zunh ninh zoux baengh fim nyei jauv
• mbuox maiv gaengh cuotv seix nyei mienh,
• “Ninh njoux ninh nyei mienh aqv.”