Singx Nzung 132

Tov Ziouv Ceix Fuqv Bun Singx Dinc

Yangh faaux nyei nzung

• ¹ O Ziouv aac, tov meih jangx jienv Ndaawitv,
• dongh ninh diev nyei yietc zungv kouv naanc.
• ² Jangx jienv ninh hnangv haaix nor caux Ziouv houv jienv laengz waac,
• se caux Yaakopv nyei Nernh Jiex nyei Tin-Hungh.
• ³ “Yie zungv maiv bieqc yie nyei biauv
• yaac maiv faaux yie nyei coux.
• ⁴ Yie maiv bun yie nyei m'zing m'njormh,
• yaac maiv bun m'zing-ndopv njipv.
• ⁵ Zuov taux yie weic Ziouv lorz duqv dorngx yiem,
• se lorz dorngx bun Yaakopv nyei Nernh Jiex nyei Tin-Hungh.”
• ⁶ Muangx gaax, yie mbuo haiz gorngv Laengz Ngaengc Waac Faang yiem E^faa^taa,
• yie mbuo lorz buatc yiem Yaa^aa * Se Ki^li^yaatv Ye^aa^lim. nyei ndeic. * 2 Zunh Doic Douh 6:41-42
• ⁷ “Mbuo oix zuqc bieqc ninh yiem nyei dorngx,
• yiem ninh lorngx zaux nyei dorngx baaix.
• ⁸ Ziouv aac, daaih maah! Liemh meih caux
• biux mengh meih nyei qaqv wuov norm Laengz Ngaengc Waac Faang
• daaih bieqc meih hitv kuonx nyei dorngx.
• ⁹ Tov bun meih nyei sai mienh zanc-zanc zoux horpc, * Hipv^lu waac gorngv “Zuqv jienv zoux horpc nyei jauv”.
• yaac tov bun meih nyei cing-nzengc baeqc fingx njien-youh nyei heuc.”
• ¹⁰ Tov weic meih nyei bou, Ndaawitv,
• maiv dungx nqemh guangc * Faan zaqc gorngv niouv hmien maiv mangc. meih longc youh orn daaih wuov dauh.
• ¹¹ Ziouv dorng jienv Ndaawitv ziepc zuoqv nyei laengz ngaengc waac,
• ninh yaac maiv haih tuix. Ninh gorngv,
• “Yie oix liepc dauh meih ganh nyei dorn
• zueiz jienv meih nyei weic. * 2 Saa^mu^en 7:12-16 ; 1 Zunh Doic Douh 17:11-14 ; Singx Nzung 89:3-4 ; Gong-Zoh 2:30
• ¹² Se gorngv meih nyei dorn mbuo ei jienv yie laengz nyei ngaengc waac,
• yaac gan yie oix njaaux ninh mbuo nyei yietc zungv waac,
• ninh mbuo nyei zeiv-fun ziouc duqv yietc liuz
• zueiz jienv meih nyei weic.”
• ¹³ Weic zuqc Ziouv ginv Si^on.
• Ninh oix longc weic zoux ninh yiem nyei dorngx.
• ¹⁴ Ninh gorngv, “Naaiv se yie yietc liuz hitv nyei dorngx,
• yie oix yiem naaiv. Naaiv se yie nyei eix.
• ¹⁵ Yie oix ceix fuqv bun naaiv norm zingh nyei laangh ziqc bungx-zuoqc,
• yaac bun naaiv norm zingh nyei mienh jomc mienh duqv nyanc beuv.
• ¹⁶ Yie oix bun ninh nyei sai mienh duqv * Hipv^lu waac gorngv zuqv. njoux en.
• Ninh nyei baeqc fingx yaac oix njien-youh nyei heuc.
• ¹⁷ Yie oix bun Ndaawitv nyei yietc dauh zeiv-fun yiem wuov zoux hungh.
• Yie weic yie longc youh orn daaih wuov dauh liepc dauh nzipc jienv zoux hungh. * Hipv^lu waac gorngv, liepc norm dang. * 1 Hungh Douh 11:36
• ¹⁸ Yie oix bun ninh nyei win-wangv zuqc nyaiv,
• mv baac ninh ganh ndongx nyei hungh ningv oix aengv cuotv njang.