Singx Nzung 126

Zuqc Guaatv Mingh
Duqv Nzuonx Daaih Ceng Ziouv

Yangh faaux nyei nzung.

• ¹ Ziouv bun Si^on nzuonx daaih
  duqv longx hnangv loz wuov zanc, * Fai “dorh zuqc guaatv mingh nyei mienh nzuonx daaih yiem Si^on hnangv loz wuov nor”.
• yie mbuo hnangv mbeix buatc nor. * Fai “hnangv baengc mienh longx daaih”.
• ² Yie mbuo nyei nzuih ziouc qaqv jatv,
• yie mbuo nyei mbietc yaac njien-youh nyei heuc.
• Wuov zanc maanc guoqv mienh gorngv,
• “Ziouv weic ninh mbuo zoux hlo haic nyei sic.”
• ³ Ziouv weic yie mbuo zoux hlo haic nyei sic,
• yie mbuo ziouc njien-youh haic.
• ⁴ O Ziouv aac, tov bun yie mbuo nzuonx daaih duqv longx hnangv loz wuov nor,
• hnangv Negepc nyei wuom liouc njiec ndoqv-nzuonx.
• ⁵ Tov bun liouc jienv wuom-mueic zuangx nyei mienh
• duqv njien-youh nyei heuc jienv siou.
• ⁶ Liouc jienv wuom-mueic
• dorh nyim cuotv mingh zuangx nyei mienh,
• oix njien-njien youh youh nyei heuc,
• dorh jienv ninh nyei mbiauh zeiv nzuonx.