×
Singx Nzung 114
Singx Nzung 114
Siex Maengc Zipv
Nyei Nzung
-
1 I^saa^laa^en Mienh yiem I^yipv cuotv wuov zanc,
- se Yaakopv nyei zeiv-fun leih nqoi gorngv ganh nyungc waac nyei fingx,
-
2 Yu^ndaa benx Tin-Hungh nyei singx dinc,
- I^saa^laa^en benx ninh gunv nyei guoqv.
-
3 Koiv mangc buatc liuz ziouc biaux,
- Jor^ndaen Ndaaih yaac liouc daaux nqaang.
-
4 Zuangx mbong biu hnangv ba'gi yungh gouv nor,
- mbong-aiv tiux hnangv ba'gi yungh dorn.
-
5 O koiv aac, meih weic haaix diuc biaux?
- O Jor^ndaen Ndaaih aac, meih weic haaix diuc liouc daaux nqaang?
-
6 Domh mbong aac, meih weic haaix diuc biu hnangv ba'gi yungh gouv?
- Fiuv-mbong aac, meih weic haaix diuc tiux hnangv ba'gi yungh dorn?
-
7 Ndau-beih aac, oix zuqc yiem Ziouv
nyei nza'hmien dongz,
- se dorng jienv Yaakopv nyei Tin-Hungh,
-
8 dongh bun la'bieiv tiuv benx wuom-domh,
- bun la'bieiv-mbaengx
tiuv benx wuom-zingv wuov dauh.
