Singx Nzung 112 * Naaiv diuh nzung longc Hipv^lu waac nyei yietc norm jiex yietc norm nzaangc-maac zoux yietc liouz yietc liouz nyei nzaangc-gorn.

Taaih Ziouv Nyei Mienh
Duqv Orn-Lorqc

• ¹ Oix zuqc ceng Ziouv. * Hipv^lu waac gorngv Haa^le^lu Yaa.
• Taaih Ziouv nyei mienh,
• se za'gengh a'hneiv muangx ninh nyei lingc wuov deix,
• maaih orn-lorqc.
• ² Ninh nyei hoz doic yiem deic-bung zungv oix henv,
• hnyouv zingx mienh nyei hoz doic oix duqv fuqv.
• ³ Ninh nyei biauv zong butv zoih, benx haic,
• ninh zoux horpc nyei jauv yietc liuz yiem.
• ⁴ Kuv mienh yiem hmuangx gu'nyuoz maaih njang cuotv daaih.
• Ziouv * Hipv^lu waac maiv maaih Ziouv wuov joux waac. ceix en, maaih hnyouv korv-lienh mienh, yaac maaih gong-fim.
• ⁵ Zoux hnyouv jangv gaav ga'naaiv bun mienh wuov dauh duqv longx,
• ninh zoux nyei jauv yietc zungv baengh fim nyei.
• ⁶ Weic zuqc kuv mienh yietc liuz maiv zuqc ndanc dongz,
• mienh yietc liuz oix jangx ninh.
• ⁷ Ninh maiv gamh nziex ciouv nyei fienx,
• ninh bungx dingc hnyouv wuonv nyei kaux Ziouv.
• ⁸ Ninh zunv dingc hnyouv, maiv gamh nziex.
• Zuov taux buatc ninh nyei win-wangv zuqc suei nzengc.
• ⁹ Ninh zoux hnyouv jangv tengx mienh jomc mienh.
• Ninh zoux horpc nyei jauv yietc liuz yiem,
• ninh ziouc henv yaac duqv mienh taaih. * Faan zaqc gorngv “bouh ninh nyei ,jorng hlang weic taaih ninh.” Jorng beiv taux qaqv. * 2 Ko^lin^to 9:9
• ¹⁰ Orqv mienh buatc hnangv naaic ziouc qiex jiez,
• ngaatc jienv nyaah yaac baaic jienv njiec.
• Orqv mienh hnamv oix duqv nyei, ziang naaic baac mi'aqv.