Maiv Dungx Beu Mienh Nyei Zaeqv

• ¹ Yie nyei dorn aah! Se gorngv meih laengz waac beu meih nyei juangc laangz mienh nyei zaeqv,
• fai laengz zoux ndaam-daauh beu ganh dauh mienh * Faan zaqc gorngv ganh fingx mienh.
  nyei zaeqv,
• ² se gorngv meih gorngv nyei waac hlopv zuqc meih,
• meih nyei nzuih gorngv nyei waac ndoh jienv meih,
• ³ yie nyei dorn aah! Meih oix zuqc hnangv naaiv nor zoux njoux meih ganh,
• weic zuqc meih zuqc yiem meih nyei juangc laangz mienh nyei buoz-ndiev mi'aqv.
• Mingh aqv, mingh lorz meih nyei juangc laangz mienh aengx nyiemc ganh zoux faix qaqv tov. * Fai “Gaanv mingh lorz meih nyei gorx-youz qaqv tov”.
• ⁴ Maiv dungx bun meih nyei m'zing njipv jienv m'njormh,
• maiv dungx bun m'zing-ndopv nyuix.
• ⁵ Oix zuqc njoux ndutv ganh hnangv njaih leih ndutv zaeng hlaang mienh nyei buoz,
• yaac hnangv norqc biaux ndutv zaeng koux mienh nyei buoz-ndiev.

Maiv Dungx Lueic

• ⁶ Mienh lueic mienh aah! Meih oix zuqc mingh zaah mangc nziouv,
• hnamv taux nziouv zoux nyei jauv ziouc duqv cong-mengh.
• ⁷ Nziouv maiv maaih bieiv zeiv,
• maiv maaih jien, maiv maaih haaix dauh gunv,
• ⁸ mv baac nqaai gorng ninh liuc leiz nyanc hopv,
• gaatv gaeng-zuangx nyei ziangh hoc yaac siou nyanc nyei ga'naaiv.
• ⁹ Mienh lueic mienh aah! Meih oix bueix taux haaix zanc?
• Meih oix m'njormh taux haaix zanc cingx jiez sin daaih?
• ¹⁰ Aengx bueix dangh, m'njormh dangh,
• qopv jienv buoz m'njormh da'hngatv dangh, * Cong-Mengh Waac 24:33-34
• ¹¹ jomc nyei jauv ziouc hnangv janx-zaqc liemh zeih taux.
• Dangx-donx nyei jauv daaih hnangv mienh dorh jienv wuoqc ginc daaih taux.

Orqv Mienh Nyei Setv Mueiz

• ¹² Maiv lamh longc nyei orqv mienh
• jiex naaiv jiex wuov gorngv-baeqc.
• ¹³ Ninh nyapc m'zing,
• fengx zaux,
• buoz yaac nuqv jienv,
• ¹⁴ hnyouv pien daav orqv nyei za'eix,
• zanc-zanc coqv-huv.
• ¹⁵ Weic naaiv ninh oix liemh zeih zuqc zeqc naanc,
• nduqc dangh hnangv zuqc baaic waaic nzengc, maiv haih zorc.

Ziouv Nzorng Nyei Siec Nyungc

• ¹⁶ Ziouv nzorng nyei maaih juqv nyungc,
• ninh gamh nziev nyei, youx nyei maaih siec * Hipv^lu waac gorngv siec nyungc mv baac eix leiz se maiv maaih soux mouc. nyungc.
• ¹⁷ Maaih m'zing-jaax hlang,
• gorngv-baeqc nyei nzuih,
• buoz daix * Hipv^lu waac gorngv,
  bun nziaamv liouc cuotv. maiv zoux dorngc nyei mienh,
• ¹⁸ hnyouv daav orqv nyei za'eix,
• zaux tiux siepv nyei mingh lorz orqv nyei sic,
• ¹⁹ zoux jaav zorng-zengx nyei mienh tauv qiex kungx cuotv gorngv-baeqc nyei waac,
• caux mienh yiem ninh nyei gorx-youz mbu'ndongx coqv lunc mienh.

Kuinx Simv Nqoi
Buangh Liouh Nyei Jauv

• ²⁰ Yie nyei dorn aah! Oix zuqc gan longx meih nyei die hatc nyei waac,
• yaac maiv dungx guangc meih nyei maa njaaux nyei jauv-louc.
• ²¹ Oix zuqc zanc-zanc zaangh jienv meih nyei hnyouv,
• yaac kuangx * Hipv^lu waac gorngv ndoh. jienv meih nyei jaang.
• ²² Meih yangh jauv, ninh mbuo ziouc dorh meih,
• meih bueix nyei ziangh hoc, ninh mbuo oix beu jienv meih.
• Meih nyie daaih, ninh mbuo yaac caux meih gorngv.
• ²³ Weic zuqc naaiv deix hatc nyei waac zoux norm dang,
• njaaux nyei waac zoux njang.
• Gorngv-njaaux, mborqv njaaux se
• benx jauv bun mienh duqv maengc ziangh,
• ²⁴ weic beu jienv meih, tengx meih simv nqoi orqv nyei m'sieqv dorn,
• leih nqoi buangh liouh nyei auv gorngv yuoqc mienh nyei nzuih mbiaangc.
• ²⁵ Maiv dungx yiem hnyouv hanc ninh nzueic nyei jauv,
• yaac maiv dungx bun ninh nyei m'zing * Maaih deix sou gorngv m'zing-nziepv biei. Hipv^lu waac gorngv m'zing-ndopv. baeng zuqc meih.
• ²⁶ Weic zuqc mienh haih longc yietc norm njuov nyei jaax-zinh cingv maaic sin nyei m'sieqv dorn, * Naaiv gan Gikc waac faan. Hipv^lu waac gorngv “Laaix maaic sin nyei m'sieqv dorn, mienh kungx zengc nduqc norm njuov”.
• mv baac hienx nqox nyei auv zungv zorqv mienh jaaix mienh nyei maengc.
• ²⁷ Mienh haih qam jienv douz
• yaac maiv bun ninh nyei lui zuqc douz buov duqv nyei fai?
• ²⁸ Mienh haih yangh zieqc jienv douz nyei douz-taanx gu'nguaaic mingh,
• yaac maiv zuqc douz buov zaux fai?
• ²⁹ Haaix dauh mingh caux ganh dauh mienh nyei auv yaac fih hnangv nyei.
• Maiv maaih haaix dauh hluo liuz ninh yaac maiv zuqc dingc zuiz.
• ³⁰ Se gorngv mienh hnyouv sie ziouc nimc ga'naaiv tengx ninh beuv,
• mienh mangc piex ninh maiv zeiz? * Fai “mienh maiv mangc piex ninh”.
• ³¹ Se gorngv ninh zuqc zorqv ninh oix zuqc buih siec gouv,
• zungv bun nzengc ninh nyei biauv zong maaih nyei ga'naaiv.
• ³² Mv baac mienh hienx auv ninh hnamv duqv hngongx haic.
• Haaix dauh hnangv naaiv zoux zungv bun ninh ganh zuqc mietc.
• ³³ Ninh zuqc mun, zuqc nyaiv,
• ninh zuqc baaic hmien, yietc liuz maiv haih sortv guangc.
• ³⁴ Weic zuqc m'jangc dorn * Fai nqox. hanc, ninh m'daaih qiex jiez,
• taux jaauv win nyei ziangh hoc ninh maiv nyaangc zingh aqv.
• ³⁵ Ninh maiv longc haaix nyungc buih bun ninh.
• Bun zingh nyeic ndongc haaix camv ninh hnyouv maiv nqaai.