Le^mu^en Gorngv Nyei Waac

¹ Naaiv se Le^mu^en Hungh douc nyei waac, * Beiv mangc Cong-Mengh Waac 30:1 . se ninh nyei maa njaaux ninh wuov deix waac.

• ² “O yie nyei dorn aah! O yie yungz nyei dorn aah!
• Yie laengz ngaengc waac duqv daaih nyei dorn aah!
• Yie oix zuqc njaaux haaix nyungc meih?
• ³ Maiv dungx zorqv meih nyei qaqv bun nzengc m'sieqv dorn,
• maiv dungx bun naaiv nyungc jauv hoic hungh diex zuqc baaic.
• ⁴ “O Le^mu^en aah! Hungh diex maiv horpc zuqc,
• hungh diex maiv horpc zuqc hopv a'ngunc diuv.
• Zoux hlo gunv wuov dauh maiv horpc zuqc maaih hnyouv oix hopv diuv-kuv.
• ⁵ Nziex hopv liuz ziouc la'kuqv leiz-latc,
• yaac bun zuqc kouv nyei yietc zungv mienh horpc zuqc duqv nyei leiz pien mingh.
• ⁶ Bun diuv-kuv aav lamh daic nyei mienh hopv,
• bun a'ngunc diuv hnyouv nzauh kouv nyei mienh.
• ⁷ Bun ninh mbuo hopv ziouc la'kuqv jomc nyei jauv,
• maiv aengx jangx ninh mbuo nyei kouv naanc.
• ⁸ “Oix zuqc tengx hngongx,
  maiv haih gorngv waac nyei mienh gorngv,
• yaac beu jienv yietc zungv doh naanc nyei mienh horpc zuqc duqv nyei leiz.
• ⁹ Oix zuqc tengx gorngv yaac baengh fim nyei dunx sic.
• Oix zuqc beu jienv jomc nyei mienh caux dangx-donx mienh horpc zuqc duqv nyei leiz.”

Ceng Ziangh Horngh Nyei Auv

• ¹⁰ Haaix dauh haih lorz duqv ziangh horngh nyei auv?
• Ziangh horngh nyei auv gauh jaaix jiex la'bieiv-jaaix. * Cong-Mengh Waac 31:10-31 longc Hipv^lu waac nyei yietc norm jiex yietc norm nzaangc-maac zoux yietc yiemc yietc yiemc nyei nzaangc-gorn.
• ¹¹ Ninh nyei nqox kaux duqv zuqc ninh,
• yaac maiv ndortv buonv aqv.
• ¹² Ninh yietc seix zoux longx bun ninh nyei nqox,
• yietc liuz maiv zoux haaix nyungc hoic.
• ¹³ Ninh lorz ba'gi yungh biei caux la'maah,
• a'hneiv longc buoz zoux gong.
• ¹⁴ Ninh hnangv zoux saeng-eix nyei nzangv nor,
• wuonc ninh nyei nyanc hopv yiem go nyei daaih.
• ¹⁵ Lungh maiv gaengh njang ninh jiez sin daaih
• mbenc nyanc hopv bun hmuangv doic,
• yaac paaiv gong bun ninh nyei m'sieqv bou.
• ¹⁶ Ninh samx mangc lingh deic yaac maaiz daaih.
• Ninh longc ganh nyei buoz zornc daaih nyei nyaanh zoux huingx zuangx a'ngunc biouv.
• ¹⁷ Ninh cuotv qaqv zoux gong jienh,
• yaac bun ninh nyei buoz henv.
• ¹⁸ Ninh hiuv duqv ninh zoux daaih nyei huox maaih jaax-zinh,
• ninh lungh muonz buov dang zoux gong lauh nyei. * Faan zaqc gorngv “ninh nyei dang ziangh muonz maiv daic”.
• ¹⁹ Ninh weic ganh baeng suix
• yaac weic ganh ndatv ndie. * Faan zaqc gorngv “Ninh nanv jienv baeng suix nyei jaa-sic, buoz-ndoqv yaac nanv jienv ndatv ndie nyei ga'naaiv”.
• ²⁰ Ninh cuotv fim nzie mienh jomc mienh,
• yaac sung buoz tengx dangx-donx mienh.
• ²¹ Duih sorng nyei ziangh hoc ninh maiv nzauh ninh nyei biauv zong mienh,
• weic zuqc ninh nyei ziangh biauv mienh maaih lui-siouv * Hipv^lu waac gorngv lui-siqv. zuqv.
• ²² Ninh zoux dimc coux nyei ndie,
• yaac longc la'maah ndie-muonc caux setv luoqc nyei ndie zoux ganh nyei lui-houx.
• ²³ Ninh nyei nqox caux buonv-deic mienh gox zueiz zingh gaengh nyei ziangh hoc,
• zuangx mienh hiuv duqv ninh nyei nqox.
• ²⁴ Ninh longc la'maah ndie-muonc zoux lui-houx maaic,
• yaac fungx la'sin maaic bun saeng-eix mienh.
• ²⁵ Ninh maaih qaqv yaac duqv mienh taaih, * Faan zaqc gorngv “domh qaqv
  caux njang-laangc beiv ninh nyei lui-houx”.
• ninh yaac jatv hoz nqaang nyei hnoi-nyieqc.
• ²⁶ Ninh nyei nzuih gorngv cong-mengh waac.
• Ninh yaac longc suonc nyei hnyouv njaaux.
• ²⁷ Ninh zaangv longx ninh nyei jaa-dingh,
• maiv qopv jienv buoz yiem.
• ²⁸ Ninh nyei fu'jueiv jiez daaih gorngv ninh maaih fuqv,
• ninh nyei nqox yaac ceng ninh gorngv,
• ²⁹ “Maaih ziangh horngh nyei m'sieqv dorn camv nyei,
• mv baac meih gauh ziangh horngh jiex.”
• ³⁰ Mienh maaih yuoqc fei mv baac haih jaav nyei.
• Nzueic nyei jauv yaac haih jiex.
• Mv baac taaih Ziouv nyei m'sieqv dorn puix duqv ceng.
• ³¹ Tov bun ninh duqv zingh nyeic ziux ninh nyei buoz zoux nyei gong,
• yaac bun ninh zoux nyei gong yiem wuov zingh gaengh duqv mienh ceng.