Zeix Mienh Jomc Mienh
Wuov Deix
Zuqc Buangh Nyei Zeqc Naanc

• ¹ “Daav za'eix zoux waaic sic,
• yaac bueix jienv coux hnamv cuotv orqv nyei za'eix wuov deix mienh
• oix zuqc kouv aqv.
• Lungh yietv njang ninh mbuo ziouc cuotv mingh zoux aqv,
• weic zuqc ninh mbuo nyei buoz maaih qaqv zoux.
• ² Ninh mbuo mauv lingh deic yaac caangv aqv,
• mauv mienh nyei biauv yaac zorqv aqv.
• Ninh mbuo zeix mienh caux ninh nyei biauv zong hmuangv doic,
• liemh mienh caux ninh nzipc nyei buonc.”

³ Weic naaiv Ziouv hnangv naaiv nor gorngv,

• “Mangc maah! Yie mbenc
  zeqc naanc bun meih mbuo,
• meih mbuo yaac maiv haih jaiv maiv ndutv.
• Meih mbuo maiv haih ngorngz jienv jaang yangh jauv,
• weic zuqc meih mbuo oix zuqc kouv aqv.
• ⁴ Taux wuov zanc meih mbuo ziouc benx nzung
• bun mienh baaux huotv meih mbuo.
• Ninh mbuo oix nzauh nyiemv hnyouv mun nyei gorngv,
• ‘Yie mbuo zuqc baaic nzengc.
• Ziouv zorqv yie nyei baeqc fingx nzipc nyei buonc tiuv bun ganh dauh,
• yie nyei buonc ninh zorqv mi'aqv.
• Ninh zorqv yie mbuo nzipc nyei buonc ndau
• bun caangv yie mbuo mingh wuov deix mienh.’”
• ⁵ Weic naaiv yiem Ziouv gapv zunv nyei wuic
• meih mbuo maiv maaih haaix dauh duqv yiem jienv dingc maengc mangc, bun nqoi ndau.
• ⁶ Zuangx mienh zunh mbuox yie,
• “Maiv dungx zunh gorngv yie mbuo maah!
• Maiv horpc zuqc zunh naaiv deix sic.
• Nyaiv nyei jauv maiv haih zuqc yie mbuo lorqc.”
• ⁷ Yaakopv nyei zeiv-fun aah!
  Horpc zuqc hnangv naaiv gorngv aqv fai?
• “Ziouv nyei Singx Lingh maiv maaih noic aqv fai?
• Naaiv deix sic ninh za'gengh zoux nyei?”
• Yie gorngv nyei waac maiv haih tengx
• zoux horpc nyei mienh duqv longx fai?
• ⁸ Meih mbuo jiez daaih hnangv win-wangv nor,
• mborqv yie nyei baeqc fingx.
• Meih mbuo luv yiem longx nyei mienh nyei domh lui-ndaauv,
• se jiex jauv hnamv maiv zaaic haih buangh sic nyei mienh,
• liemh mborqv jaax nzuonx nyei mienh. * Fai “liemh maiv hnamv taux mborqv jaax nyei sic.”
• ⁹ Meih mbuo zunc yie nyei baeqc fingx gu'nyuoz nyei m'sieqv dorn
• cuotv ninh mbuo kuh yiem nyei biauv.
• Meih zorqv nqoi yie oix ceix bun
• ninh mbuo nyei naamh nyouz nyei fuqv * Hipv^lu waac gorngv njang-laangc. weic yietc liuz.
• ¹⁰ Jiez sin daaih mingh aqv,
• naaiv maiv zeiz meih mbuo hitv nyei dorngx.
• Laaix meih mbuo nyei zuiz,
• naaiv deix dorngx maaih uix, oix zuqc mietc,
• zungv hniev-hniev nyei zuqc mietc.
• ¹¹ Se gorngv maaih mienh jiex naaiv jiex wuov gorngv-baeqc nduov mienh ziouc gorngv,
• “Yie oix douc waac mbuox meih mbuo gunv hopv a'ngunc diuv caux diuv-kuv,”
• ninh haih zoux naaiv deix mienh oix longc nyei douc waac mienh.

Laengz Waac Bun I^saa^laa^en Mienh Maaih Lamh Hnamv Dorngx

• ¹² Yaakopv nyei zeiv-fun aah!
• Yie ndongc haaix zungv oix siou meih mbuo zunv.
• Yie oix gapv zunv zengc njiec nyei I^saa^laa^en Mienh.
• Yie oix dorh ninh mbuo yiem zunv yietc norm dorngx
• hnangv ba'gi yungh yiem ba'gi yungh laanh,
• se hnangv ba'gi yungh ciangv nyei ba'gi yungh guanh.
• Naaiv norm dorngx ziouc maaih mienh mbiouh mbiouh nyei mbui.
• ¹³ Tengx ninh mbuo koi jauv * Fai mbengx cuotv. wuov dauh oix yiem ninh mbuo nyei wuov ndaangc mingh.
• Ninh mbuo oix mborqv tong gan zingh laatc gaengh cuotv.
• Ninh mbuo nyei hungh ziouc mingh ndaangc,
• se Ziouv ciev bieiv dorh ninh mbuo.”