Daux Gaux Tov Ziouv Korv-Lienh

• ¹ O Ziouv aac, tov jangx jienv yie mbuo buangh nyei sic,
• mangc yie mbuo ndongc naaiv zuqc nyaiv.
• ² Yie mbuo nzipc nyei buonc benx ganh fingx mienh nyei mi'aqv.
• Ganh norm guoqv nyei mienh duqv yie mbuo nyei biauv.
• ³ Yie mbuo benx maiv maaih die nyei guh hanh fu'jueiv,
• yie mbuo nyei maa yaac hnangv auv-guaav.
• ⁴ Yie mbuo oix zuqc maaiz wuom hopv.
• Yie mbuo nyei zaangh yaac oix zuqc maaiz.
• ⁵ Ninh mbuo geh jienv yie mbuo nyei jaang zeix yie mbuo. * Fai “zunc jienv yie mbuo nyei zaux-nqo mingh.”
• Yie mbuo kouv haic, maiv duqv hitv kuonx.
• ⁶ Yie mbuo nyiemc suei * Hipv^lu waac gorngv nanv buoz. I^yipv caux Atc^si^lie
• weic duqv hnaangx gaux nyanc.
• ⁷ Yie mbuo nyei ong-taaix baamz zuiz, mv baac ih zanc maiv yiem aqv.
• Yie mbuo zuqc ndaam-dorng ninh mbuo nyei zuiz.
• ⁸ Zoux nouh nyei mienh gunv yie mbuo,
• yaac maiv maaih haaix dauh njoux yie mbuo biaux ndutv ninh mbuo nyei buoz-ndiev.
• ⁹ Yie mbuo maiv longc maengc nyei mingh lorz nyanc hopv,
• weic zuqc daix mienh nyei mienh nanv jienv nzuqc ndaauv yiem deic-bung-huaang.
• ¹⁰ Laaix ngorc hnaangx sin jorm,
• yie mbuo nyei ndopv yaac ndongc douz-louh jorm. * Fai jieqv.
• ¹¹ Yiem Si^on nyei m'sieqv dorn zuqc caa,
• yiem Yu^ndaa nyei fiuv-laangz maiv bueix jiex dorn nyei sieqv yaac zuqc caa.
• ¹² Yie mbuo nyei bieiv zeiv zuqc ndoh jienv buoz ndiux
• yaac maiv maaih haaix dauh taaih mienh gox.
• ¹³ Houh saeng zuqc aapv morc mbuonv,
• dorn zuqc nyiex zaangh hniev lingh lingh king-king nyei.
• ¹⁴ Maiv maaih mienh gox mienh mingh yiem wuov zingh gaengh aqv.
• Mienh lunx mienh yaac maiv patv daanh baah.
• ¹⁵ Yie mbuo nyei hnyouv nyei njien-youh jiex mi'aqv.
• Yie mbuo cangx heix nyei jauv tiuv benx nzauh nyiemv nyei sic.
• ¹⁶ Ningv yiem yie mbuo nyei m'nqorngv ndortv mi'aqv.
• Yie mbuo baamz zuiz, ih zanc zuqc kouv aqv.
• ¹⁷ Weic naaiv deix sic yie mbuo nyei hnyouv kouv haic,
• yaac laaix naaiv deix sic yie mbuo nyei m'zing mbiouz-mbiouz wuov, maiv njang.
• ¹⁸ Weic zuqc Si^on Mbong benx ndau-huaang mi'aqv,
• benx hieh juv mingh mingh daaih daaih nyei dorngx.
• ¹⁹ Mv baac Ziouv aac, meih yietc liuz zoux hungh.
• Meih nyei hungh weic oix yiem jienv taux maanc gouv maanc doic.
• ²⁰ Meih weic haaix diuc yietc liuz la'kuqv yie mbuo?
• Meih weic haaix diuc guangc yie mbuo ndongc naaiv lauh?
• ²¹ O Ziouv aac, tov bun yie mbuo nzuonx daaih lorz meih, yie mbuo ziouc duqv nzuonx daaih.
• Tov bun yie mbuo nyei hnoi-nyieqc nzuonx daaih siang nyei, hnangv loz-hnoi wuov nor.
• ²² Meih za'gengh yietc liuz nqemh yie mbuo fai?
• Meih za'gengh! qiex jiez yie mbuo taux daauh fai?