Nde^mbo^laa Caux Mbaalaakv
Nyei Nzung

¹ Wuov hnoi Nde^mbo^laa caux Aa^mbi^no^am nyei dorn, Mbaalaakv, ziouc baaux naaiv diuh nzung.

• ² “Oix zuqc ceng Ziouv,
• weic zuangx bieiv zeiv dorh
  I^saa^laa^en Mienh,
• baeqc fingx yaac nqoi eix tengx.
• ³ “Zuangx hungh diex aah! Muangx maah!
• Zuangx bieiv zeiv aac,
• oix zuqc baeng m'normh muangx.
• Yie oix baaux nzung ceng Ziouv,
• I^saa^laa^en Mienh nyei Tin-Hungh.
• ⁴ “Ziouv aah! Meih yiem Se^i cuotv wuov zanc,
• meih yiem E^ndom Deic cuotv jauv mingh nyei ziangh hoc,
• ndau ziouc dongz, lungh dox mbiungc njiec,
• mbuonx duih mbiungc njiec daaih.
• ⁵ Mbong yiem Ziouv nyei nza'hmien dongz,
• liemh Sinaai Mbong dorng jienv Ziouv, I^saa^laa^en nyei Tin-Hungh, dongz. * Cuotv I^yipv 19:18
• ⁶ “Yiem Aanaatv nyei dorn, Samgaa, nyei lungh ndiev,
• Yaa^en nyei seix, domh jauv maiv maaih mienh yangh.
• Yangh jauv nyei mienh kungx yangh jauv-dorn, jauv-njuotv.
• ⁷ Zoux lingh zoux ndeic nyei I^saa^laa^en Mienh * Hipv^lu waac gorngv “yiem laangz nyei I^saa^laa^en Mienh”. dingh gong,
• ninh mbuo dingh jienv taux yie, * Fai meih. Nde^mbo^laa, jiez daaih,
• se dingh njiec zuov taux
• yie jiez daaih zoux I^saa^laa^en Mienh nyei maa.
• ⁸ I^saa^laa^en Mienh ginv siang-zienh wuov zanc,
• mborqv jaax nyei jauv ziouc taux zingh gaengh aqv.
• Maiv buatc yietc norm torngv-baaih fai yietc diuh cang
• yiem biei waanc dauh I^saa^laa^en Mienh nyei mbu'ndongx.
• ⁹ Yie nyei hnyouv jangx I^saa^laa^en nyei bieiv zeiv,
• yaac jangx haic nqoi eix tengx nyei baeqc fingx. * Fai “se yiem baeqc fingx mbu'ndongx nqoi eix tengx baeqc fingx”.
• Oix zuqc ceng Ziouv.
• ¹⁰ “Meih geh lorh baeqc nyei mienh aah!
• Dongh zueiz jienv dimc geh orn nyei suangx,
• caux yangh jauv mingh daaih nyei mienh,
• muangx maah! ¹¹ Muangx yiem zaangh wuom dorngx baaux nzung mienh nyei qiex. * Naaiv joux Hipv^lu waac se maiv nangc mengh.
• Ninh mbuo nzamc jienv gorngv Ziouv hingh jiex nyei sic, * Fai “Ziouv zoux horpc nyei sic”.
• yaac gorngv I^saa^laa^en baeqc fingx duqv hingh jiex.
• Ziouv nyei baeqc fingx
• ziouc mingh wuov zingh gaengh.
• ¹² “Nde^mbo^laa aah! Dorh jauv, dorh jauv, * Fai nyie daaih.
• dorh jauv, baaux nzung dorh jauv maah!
• Mbaalaakv aah! Jiez daaih maah!
• O Aa^mbi^no^am nyei dorn aah!
• Dorh jienv meih caangv duqv daaih nyei mienh mingh aqv.
• ¹³ “Wuov zanc zengc njiec nyei mienh,
• caux zoux hlo wuov deix njiec daaih,
• se Ziouv nyei baeqc fingx
• mborqv jaax henv nyei baeng * Hipv^lu waac gorngv “mingh mborqv henv nyei mienh”. mingh lorz ninh.
• ¹⁴ Maaih gorn-buonv yiem Aa^maa^lekv nyei mienh yiem E^faa^im njiec daaih.
• Mben^yaa^min Mienh yiem meih nyei baeqc fingx mbu'ndongx gan jienv meih.
• Maaih bieiv zeiv yiem Maaki njiec daaih,
• yaac maaih domh baeng-bieiv yiem Se^mbu^lun njiec.
• ¹⁵ Itc^saax^kaa nyei bieiv zeiv caux
  Nde^mbo^laa daaih,
• Itc^saax^kaa caux jienv Mbaalaakv yaac daaih.
• Ninh mbuo gaanv gan jienv mingh bieqc horngz.
• Mv baac yiem Lu^mben nyei bungh buonc mienh
• qaqv zaah mangc ganh nyei hnyouv.
• ¹⁶ Meih mbuo weic haaix diuc yiem wuov ba'gi yungh laanh * Fai dorx.
• muangx biomv bun ba'gi yungh muangx nyei hlauv-ndongh nux nyei qiex?
• Lu^mben Mienh nyei bungh buonc mienh
• qaqv zaah mangc ganh nyei hnyouv.
• ¹⁷ Gi^le^aatc yiem wuov ngaanc ziqc Jor^ndaen Ndaaih.
• Ndaan Fingx weic haaix diuc yiem jienv wuov nzangv?
• Aa^se Fingx yiem jienv koiv-hlen maiv guen maiv sic nyei,
• zoux biauv yiem ganh nyei nzangv-bouc ga'hlen.
• ¹⁸ Se^mbu^lun Fingx maiv longc maengc nyei bieqc mingh mborqv jaax.
• Napv^taa^li Mienh yaac fih hnangv nyei
• yiem hlang nyei mborqv jaax ciangv.
• ¹⁹ “Yietc zungv hungh diex daaih taux ziouc mborqv jaax,
• Kaa^naa^an nyei zuangx hungh yiem Me^gitc^ndo nyei ndoqv-hlen, Taa^aa^naakv wuov mborqv jaax,
• mv baac ninh mbuo maiv duqv caangv nyaanh.
• ²⁰ Hleix yiem lungh tengx mborqv jaax,
• ziux ninh mbuo yangh nyei jauv mborqv Si^se^laa.
• ²¹ Kison Ndaaih guaatv ninh mbuo mingh,
• Kison Ndaaih, se loz-hnoi nyei ndaaih.
• Yie nyei hnyouv aac,
• gunv longc qaqv gan jienv mingh aqv.
• ²² Wuov zanc maaz-deih caaiv ndau mbui haic.
• Ninh nyei maaz-gouv lorpc lorpc nyei tiux mingh.
• ²³ Ziouv nyei fin-mienh gorngv, ‘Zioux Melotv maah!
• Oix zuqc hniev-hniev nyei zioux Melotv Mienh,
• weic zuqc ninh mbuo maiv cuotv daaih tengx Ziouv,
• maiv tengx Ziouv mborqv mienh henv mienh.’
• ²⁴ “Puix duqv ceng camv jiex wuov dauh m'sieqv dorn
• se Kenai Mienh, He^mbe nyei auv, Yaa^en.
• Ninh se yiem ndopv-liuh gauh puix duqv ceng jiex nyei m'sieqv dorn.
• ²⁵ Si^se^laa tov wuom, Yaa^en bun ngongh nyorx,
• longc jaaix nyei nzormc zaangh nyorx-njietc daaih cunv bun ninh.
• ²⁶ Yaa^en sung buoz zorqv corng ndopv-liuh nyei dongc daaih.
• Mbiaauc jieqv buoz nanv jienv mba'mborng-ngaengv,
• ninh mborng Si^se^laa yietc nzunc,
• zungv mborqv ninh nyei m'nqorngv huv mi'aqv.
• Ninh mborng Si^se^laa nyei mungh maih ga'hlen tong mingh.
• ²⁷ Si^se^laa king njiec ndau,
• king njiec Yaa^en nyei zaux-hlen.
• Ninh king njiec Yaa^en nyei zaux ga'hlen.
• Ninh king njiec haaix,
• ninh daic wuov mi'aqv.
• ²⁸ “Si^se^laa nyei maa yiem fong muonh wuov mangc.
• Ninh yiem fong muonh nyei piaeng heuc jienv gorngv,
• ‘Ninh nyei mborqv jaax cie zoux haaix nyungc ndongc naaic ngaih, maiv nzuonx?
• Ninh nyei mborqv jaax maaz-cie nyei cie-yienh taux ih zanc fungc maiv haiz mbui?’
• ²⁹ Ninh gauh cong-mengh jiex nyei juang-nyouz * Se yiem hungh dinc nyei m'sieqv dorn. dau ninh.
• Si^se^laa nyei maa zungv dau ninh ganh gorngv,
• ³⁰ ‘Ninh mbuo lorz jienv yaac bun nqoi mborqv jaax caangv duqv daaih nyei ga'naaiv maiv zeiz?
• Yietc dauh baeng duqv yietc dauh, i dauh sieqv,
• caangv duqv nyomc daaih nyei ga'naaiv weic Si^se^laa,
• nyomc daaih congx jienv biangh nyei lui,
• i kuaaiv nyomc daaih, congx daaih nyei ndie weic yie nyei jaang.’
• Naaiv deix yietc zungv se mborqv jaax caangv duqv daaih nyei ga'naaiv.
• ³¹ “O Ziouv aah! Tov bun meih nyei yietc zungv win-wangv
• hnangv naaiv nor zuqc mietc.
• Mv baac tov bun hnamv meih wuov deix hnangv mba'hnoi,
• cuotv daaih yuoqv jiex nyei ziangh hoc.”

Deic-bung ziouc taaix-baengh feix ziepc hnyangx.