(Yopv 4:1-14:22 )

E^li^fatv Gorngv Da'yietv Nzunc Waac

Yopv Oix Zuqc Maaih Lamh Hnamv

¹ Temaan Mienh, E^li^fatv, ziouc dau,

• ² “Se gorngv mienh caux meih gorngv joux waac, meih diev duqv nyei fai?
• Mv baac haaix dauh haih nyienz jienv maiv gorngv?
• ³ Hnamv mangc gaax meih ganh njaaux mienh camv,
• yaac tengx mau nyei buoz henv jiez daaih.
• ⁴ Meih nyei waac baav jienv ndiqv zuqc ndorpc nyei mienh,
• meih yaac tengx mau nyei cingh mborqc henv jiez daaih.
• ⁵ Mv baac ih zanc zeqc naanc taux meih, meih ziouc maiv maaih noic,
• zeqc naanc zuqc meih, meih ziouc hnyouv mau aqv.
• ⁶ Meih taaih Tin-Hungh ziouc bun meih maaih lamh kaux maiv zeiz?
• Meih zoux nyei sic maiv maaih dorngx nqemh,
• ziouc bun meih maaih lamh hnamv maiv zeiz?

Tin-Hungh Maiv Bun
Kuv Mienh Zuqc Siouc Kouv

• ⁷ “Hnamv mangc gaax! Maiv zoux dorngc nyei mienh maaih haaix dauh zuqc mietc jiex nyei fai?
• Maaih haaix dauh hnyouv zingx nyei mienh zuqc pai guangc?
• ⁸ Yie buatc jiex, zoux orqv * Faan zaqc Hipv^lu waac gorngv laih orqv sic.
• haaz waaic sic nyei nyim * Fai la'nyauv sic nyei nyim. nyei mienh,
• ziouc hnangv wuov nor siou.
• ⁹ Tin-Hungh biomv qiex bun ninh mbuo zuqc mietc,
• ninh nyei ga'qiex baetv cuotv bun ninh mbuo zutc nzengc.
• ¹⁰ Sienh heuc nyei qiex caux sienh ciouv nyei qiex sekv,
• sienh lunx nyei nyaah zuqc nauv.
• ¹¹ Sienh henv maiv maaih ga'naaiv zorqv nyanc ziouc daic mi'aqv.
• Sienh nyeiz nyei dorn yaac zuqc nzaanx nzengc.

E^li^fatv Buatc Laauc Yaangh Nyei Sic

• ¹² “Maaih joux waac sekv-sekv nyei taux yie,
• yie nyei m'normh haiz naaiv deix waac-sapv,
• ¹³ doix yie lungh muonz zanc m'njormh ndo nyei ziangh hoc,
• mbeix mbeix maiv benx, hnamv naaiv hnamv wuov, * Yopv 33:15
• ¹⁴ haeqv yie gamh nziex, sin zinx,
• bun yie ziangh sin nyanh nyanh nyei. * Faan zaqc gorngv “bun yie nyei yietc zungv mbungv dongz nzengc”.
• ¹⁵ Maaih gorng nziaaux * Fai Maaih norm wuonh. zuqc yie nyei hmien,
• yie nyei sin-biei jiez nzengc.
• ¹⁶ Nziaaux dingh yaac maaih nyungc yiem wuov,
• mv baac yie mangc maiv cuotv ninh nyei fangx zeiv.
• Yie nyei m'zing buatc nyungc ga'naaiv nyei fangx,
• sekv nzieqc nyei. Nqa'haav yie haiz qiex gorngv,
• ¹⁷ ‘Baamh mienh haih yiem Tin-Hungh nyei nza'hmien baengh fim nyei fai? * Fai “haih gauh baengh fim Tin-Hungh fai?”
• Baamh mienh haih yiem Zeix Ninh Daaih Wuov Dauh nyei nza'hmien cing-nzengc nyei fai? * Fai “haih gauh cing-nzengc Zeix Ninh Daaih Wuov Dauh fai?”
• ¹⁸ Tin-Hungh zungv maiv bungx hnyouv ninh nyei bou,
• yaac gox ninh nyei fin-mienh zoux dorngc,
• ¹⁹ hnangv naaic ninh gauh maiv bungx hnyouv
• longc nie zoux daaih nyei baamh mienh, * Hipv^lu waac gorngv “yiem longc nie zoux daaih nyei biauv.” Mv baac eix leiz se baamh mienh nyei sin.
• se maaih nie-mbung zoux gorn-ndoqv
• yaac haih zuqc mietc hnangv baeqc yieqc.
• ²⁰ Yiem lungh ndorm taux lungh hmuangx mbu'ndongx ninh mbuo zuqc mietc,
• yietc liuz maiv maaih haaix dauh liuc leiz.
• ²¹ Se gorngv yiem ninh mbuo nyei ndopv-liuh gu'nyuoz nyei hlaang zuqc baeng cuotv,
• ninh mbuo ziouc maiv daic
• yaac maiv maaih cong-mengh fai?’