Yopv Dau

Yopv Nqemh Ninh Nyei Doic Zoux Maux

¹ Yopv ziouc dau,

• ² “Meih mbuo oix zoux bun yie nyei hnyouv kouv,
• yaac longc waac morc yie ndongc haaix lauh?
• ³ Meih mbuo gorngv doqc yie
  maiv zeiv ziepc nzunc aqv.
• Meih mbuo dorngc yie,
  meih mbuo maiv nyaiv fai?
• ⁴ Se gorngv yie za'gengh zoux dorngc,
• yie zoux dorngc nyei kungx ndortv zuqc yie ganh hnangv.
• ⁵ Se gorngv meih mbuo ceng meih mbuo ganh gauh hlo yie,
• yaac funx yie buangh nyei kouv naanc bun cing yie zoux dorngc,
• ⁶ wuov nyungc meih mbuo oix zuqc hiuv duqv se Tin-Hungh hnangv naaiv zoux bun yie,
• yaac longc ninh nyei mungz nzenc jienv yie.

Yopv Gorngv Tin-Hungh Hoic Ninh
Hnangv Ninh Benx Win-Wangv Nor

• ⁷ “Yie heuc jienv gorngv, ‘Zuqc zoux doqc aav loh!’yaac maiv maaih haaix dauh dau.
• Yie heuc jienv tov tengx, mv baac maiv duqv baengh fim nyei jauv.
• ⁸ Tin-Hungh dangv jienv yie nyei jauv yie ziouc jiex maiv duqv.
• Ninh yaac bun yie nyei jauv hmuangx mingh.
• ⁹ Ninh zorqv nqoi yie nyei njang-laangc,
• yaac zorqv nqoi yie ndongx nyei ningv.
• ¹⁰ Ninh weih jienv yie biei bung mborqv yie,
• yie ziouc baaic nzengc mi'aqv.
• Yie maaih lamh hnamv nyei,
• ninh baeng cuotv hnangv baeng diuh ndiangx nor.
• ¹¹ Ninh qiex jiez, nouz haic yie,
• yaac funx yie benx ninh nyei win-wangv.
• ¹² Ninh nyei jun-baeng guanh lomh nzoih daaih.
• Ninh mbuo liuc leiz jauv mborqv yie,
• yaac liepc ciangv weih gormx yie.

Yopv Tov Loz-Gaeng Doic Korv-Lienh

• ¹³ Tin-Hungh bun yie nyei gorx-youz guangc yie,
• dongh yie zuoqc nyei mienh maiv laengz yie aqv.
• ¹⁴ Yie nyei cien-ceqv leih nqoi yie,
• yie nyei loz-gaeng doic la'kuqv yie mi'aqv.
• ¹⁵ Yiem yie nyei biauv nyei kaeqv mienh caux m'sieqv bou funx yie zoux ga'nyiec nyei mienh.
• Ziux ninh mbuo nyei m'zing mangc, yie zungv benx ganh fingx mienh.
• ¹⁶ Yie heuc yie nyei bou mv baac ninh maiv dau,
• yie oix zuqc longc nzuih jouh ninh mbuo.
• ¹⁷ Yie nyei auv youx yie nyei nzuih nyei qiex.
• Yie ganh nyei cien gorx cien youz * Hipv^lu waac gorngv yie nyei maa nyei dorn. gamh nziev yie.
• ¹⁸ Liemh faix nyei fu'jueiv mangc piex yie.
• Yie jiez sin ninh mbuo gorngv yie.
• ¹⁹ Yie zuoqc jiex nyei yietc zungv loz-gaeng doic youx yie,
• dongh yie hnamv nyei mienh yaac mbienv hmien bun yie.
• ²⁰ Yie nyei ndopv naetv jienv mbungv,
• yie biaux cuotv singx maengc ndongc yietc norm hmeiv-nauv. * Ziux Hipv^lu waac naaiv yiemc maiv nangc mengh. Faan zaqc gorngv “...ndongc yie nyei nyaah nyei ndopv”.
• ²¹ “Loz-gaeng aah! Korv-lienh yie maah! Tov korv-lienh yie,
• weic zuqc Tin-Hungh nyei buoz mborqv yie.
• ²² Meih mbuo weic haaix diuc oix hoic yie hnangv Tin-Hungh hoic?
• Meih mbuo corc zoux doqc bun yie maiv gaengh gaux?

Yopv Maaih Lamh Hnamv
Maaih Dauh Haih Zuoqc Ninh

• ²³ “Feix duqv yie gorngv nyei waac duqv fiev jienv,
• feix duqv faaux jienv yiem sou-daan.
• ²⁴ Feix duqv longc hlieqv-jaa-sic zuqc la'bieiv,
• aengx longc jungz dox zuqc liuz nyei dorngx, bun yietc liuz yiem.
• ²⁵ Weic zuqc yie hiuv duqv Zuoqc yie Wuov Dauh ziangh jienv,
• setv mueiz ninh oix daaih souv jienv ndau-beih. * Fai nie-mbung.
• ²⁶ Zuov yie ndopv huv nzengc,
• yiem yie nyei orv sin * Fai “maiv yiem yie nyei orv sin”. yie zungv duqv buatc Tin-Hungh. * Naaiv liouz nyei Hipv^lu waac se maiv nangc mengh.
• ²⁷ Yie ganh duqv buatc ninh,
• yie ganh nyei m'zing duqv mangc ninh, yaac maiv zeiz ganh dauh.
• Yie nyei hnyouv mau kouv haic.
• ²⁸ “Se gorngv meih mbuo gorngv,
  ‘Yie mbuo hnangv haaix nor haih hoic ninh?’
• Yaac gorngv, ‘Cuoqv sic nyei gorn-baengx yiem ninh ganh,’
• ²⁹ meih mbuo oix zuqc gamh nziex nzuqc ndaauv,
• weic zuqc Tin-Hungh qiex jiez, ninh longc nzuqc ndaauv dingc zuiz.
• Meih mbuo ziouc hiuv duqv maaih dauh siemv zuiz.”