×
Yopv 17
-
1 “Yie nyei mba'nziu yuqc,
- yie nyei hnoi-nyieqc yaac jiex mi'aqv.
- Zouv yaac zuov jienv yie.
-
2 Zien nyei, maaih jatv yie nyei mienh weih gormx yie,
- yie nyei m'zing yaac mangc jienv ninh mbuo cuoqv yie.
Yopv Jouh Tin-Hungh Beu Ninh
-
3 “Tin-Hungh aac, tov meih zoux buv-jaa beu yie.
- Cuotv liuz meih, maaih haaix dauh oix weic yie zoux buv-jaa?
-
4 Meih bun ninh mbuo nyei hnyouv maiv haih mengh baeqc.
- Weic naaiv meih ziouc maiv bun ninh mbuo hingh jiex.
-
5 Mienh maaic ganh nyei gorx-youz weic duqv zinh nyaanh,
- ninh nyei fu'jueiv oix zuqc siouc kouv.
Mienh Gorngv
Yopv Maiv Gan Longx Tin-Hungh
-
6 “Tin-Hungh bun yie yiem baeqc fingx mbu'ndongx zoux gouv gorngv.
- Ninh mbuo yaac tuiv wuom-nzuih naetv yie nyei hmien.
-
7 Laaix nzauh kouv yie nyei m'zing maiv njang aqv.
- Yie nyei buoz-zaux hnangv dongh linh nor.
-
8 Hnyouv zingx nyei mienh laaix naaiv deix sic za'gengh! gamh nziex haic.
- Maiv zoux dorngc nyei mienh jiez daaih gorngv yie maiv gan Tin-Hungh.
-
9 Kuv mienh gan longx ninh yangh nyei jauv.
- Buoz cing-nzengc nyei mienh gunv zoux gunv henv jienv faaux.
-
10 “Mv baac meih mbuo, se meih mbuo yietc zungv, gunv aengx daaih nzunc.
- Yiem meih mbuo mbu'ndongx yie zungv lorz maiv buatc yietc dauh cong-mengh mienh.
Yopv Gorngv Ninh Duqv Yiem Zouv
Maiv Zuqc Siouc Kouv Aqv
-
11 “Yie nyei hnoi-nyieqc jiex mi'aqv.
- Yie daav nyei za'eix, se yiem hnyouv hnamv nyei, dangx mi'aqv.
-
12 Yie nyei loz-gaeng doic
bun lungh muonz zanc benx lungh hnoi zanc.
- Ninh mbuo gorngv, ‘Njang se nitv fatv hmuangx.’
-
13 Se gorngv yie maaih lamh hnamv yiemh gen benx yie nyei biauv,
- se gorngv yie bueix njiec hmuangx nyei dorngx,
-
14 se gorngv yie mbuox zouv, ‘Meih zoux yie nyei die,’
- yaac mbuox gaeng-mau, ‘Meih se yie nyei maa,’ fai ‘Yie nyei dorc,’
-
15 wuov nyungc yie maaih lamh hnamv nyei yiem haaix?
- Yie maaih lamh hnamv nyei haaix dauh duqv buatc?
-
16 Yie maaih lamh hnamv nyei oix njiec taux yiemh gen nyei gaengh fai?
- Yie mbuo lomh nzoih oix njiec nie-mbung fai?”
