Yopv Dau

Yopv Gorngv Ninh Ndongc
Loz-Gaeng Doic Maaih Cong-Mengh

¹ Yopv ziouc dau,

• ² “Zeiz aqv, meih mbuo za'gengh guai haic nyei mienh. * Maaih deix sou faan daaih gorngv “meih mbuo benx zuangx mienh nyei qiex”.
• Cong-mengh yaac oix caux meih mbuo yietc njiec daic.
• ³ Mv baac yie yaac maaih cong-mengh caux meih mbuo fih hnangv nyei.
• Yie maiv gauh aiv meih mbuo.
• Meih mbuo gorngv naaiv deix sic fungc maaih haaix dauh maiv hiuv laeh?
• ⁴ “Yie benx yie nyei doic jatv nyei ga'naaiv.
• Zinh ndaangc yie jouh Tin-Hungh, ninh yaac dau yie.
• Yie se baengh fim, maiv lamh nqemh dorngx nyei mienh, yaac zuqc mienh jatv aqv.
• ⁵ Orn-lorqc nyei mienh
  yiem hnyouv mangc piex
  zuqc zeqc naanc nyei mienh,
• zeqc naanc zungv zuov jienv zaux mbaqc piatv nyei mienh.
• ⁶ Janx-zaqc nyei ndopv-liuh baengh orn nyei,
• cuoqv Tin-Hungh nyei mienh yiem duqv wuonv,
• maiv gunv ninh mbuo longc ganh nyei qaqv dorngx zienh. * Hipv^lu waac se maiv mengh. Camv-buonv faan daaih gorngv “ninh mbuo nyei buoz nanv jienv ninh mbuo nyei zienh dorh daaih”.

Tin-Hungh Bun Saeng-Kuv
Maaih Cong-Mengh

• ⁷ “Gunv naaic saeng-kuv, saeng-kuv ziouc njaaux meih.
• Naaic yiem lungh nyei norqc, ninh mbuo ziouc mbuox meih.
• ⁸ Caux ndau gorngv waac,
  ndau ziouc njaaux meih,
• yiem koiv nyei mbiauz yaac oix zunh mengh mbuox meih.
• ⁹ Yiem naaiv deix yietc zungv maaih haaix nyungc
• maiv hiuv duqv Ziouv nyei buoz hnangv naaiv zoux?
• ¹⁰ Da'faanh ziangh jienv maaih maengc nyei ga'naaiv
• caux zuangx baamh mienh tauv nyei qiex yiem ninh nyei buoz.
• ¹¹ M'normh maiv zeiz haih seix waac
• hnangv mbietc * Faan zaqc gorngv nzuih dungz. seix nyanc hopv nyei mueix fai?
• ¹² Mienh gox mienh maaih cong-mengh.
• Siouc nyuonh ndaauv nyei mienh gauh haih bieqc hnyouv.

Tin-Hungh Maaih Domh Qaqv

• ¹³ “Tin-Hungh maaih cong-mengh caux qaqv.
• Ninh maaih za'eix yaac haih bieqc hnyouv.
• ¹⁴ Tin-Hungh caeqv nyei, maiv maaih haaix dauh haih ceix jiez.
• Ninh wuonx mienh, maiv maaih haaix dauh haih bungx.
• ¹⁵ Se gorngv ninh dangv jienv wuom, wuom ziouc nqaai.
• Se gorngv ninh bungx wuom cuotv, wuom ziouc yiemx ndau-beih.
• ¹⁶ Tin-Hungh maaih qaqv, maaih cong-mengh,
• zuqc nduov nyei caux nduov mienh nyei mienh yiem ninh nyei buoz-ndiev.
• ¹⁷ Ninh se zorqv nzengc caangh laangh mienh nyei cong-mengh, * Naaiv joux Hipv^lu waac faan zaqc se “...mienh nyei zaux njang nyei mingh.” Maaih deix sou gorngv “...mienh laengh gaengv nyei mingh.”
• yaac bun siemv zuiz jien benx ga'naaiv-hngongx.
• ¹⁸ Ninh jaiv nqoi hungh diex ndoh mienh nyei limc, * Fai “Ninh jaiv nqoi zoux hungh nyei jangx-hoc.”
• aengx longc hlaang sai jienv hungh nyei jaaiv.
• ¹⁹ Ninh zorqv sai mienh laengh gaengv nyei dorh mingh, * Naaiv joux Hipv^lu waac faan zaqc se “...sai mienh nyei zaux njang nyei mingh.” Maaih deix sou gorngv “...sai mienh laengh gaengv nyei mingh”.
• yaac mbienv maaih lingc maaih qaqv nyei mienh.
• ²⁰ Ninh bun ziepc zuoqv nyei mienh * Fai “mienh kaux duqv zuqc nyei mienh”. sekv nzieqc, maiv haih gorngv waac,
• yaac zorqv nqoi mienh gox nyei cong-mengh.
• ²¹ Ninh mangc piex zoux hlo nyei mienh,
• yaac zorqv nqoi henv wuov deix nyei qaqv. * Faan zaqc gorngv “yaac jaiv nqoi henv wuov deix nyei houx-hlaang”.
• ²² Ninh bun yiem ndo, hmuangx nyei sic hinc cuotv,
• yaac dorh mapv hmuangx nyei dorngx * Fai yiemh gen nyei hmuangx. bieqc njang.
• ²³ Ninh bun guoqv henv, yaac mietc ninh mbuo.
• Ninh bun baeqc fingx hiaangx camv, aengx guaatv ninh mbuo mingh.
• ²⁴ Ninh zorqv lungh ndiev baeqc fingx nyei bieiv zeiv nyei cong-mengh mingh mi'aqv,
• yaac bun ninh mbuo youh jienv gan maiv maaih jauv nyei deic-bung-huaang mingh.
• ²⁵ Ninh mbuo yiem hmuangx gu'nyuoz huaax jienv mingh, maiv maaih njang.
• Ninh yaac bun ninh mbuo lungh lungh laih laih hnangv diuv nquin nyei mienh nor.