Douc Waac Gorngv
Mbaa^mbi^lon Zuqc Caangv

¹ Naaiv se Ziouv longc douc waac mienh, Ye^le^mi, douc waac gorngv Mbaa^mbi^lon, se Ken^ndie Mienh nyei deic-bung. * I^saa^yaa 13:1-14:23 ; 47:1-15 Ninh gorngv,

• ² “Oix zuqc yiem maanc guoqv mbu'ndongx zunh gorngv,
• liepc jiez geh aengx zunh mbuox,
• maiv dungx bingx, oix zuqc gorngv,
• ‘Mbaa^mbi^lon zuqc caangv mi'aqv.
• Mben zienh zuqc nyaiv,
• Me^lo^ndakc zienh zuqc gamh nziex.
• Mbaa^mbi^lon nyei miuc-fangx zuqc nyaiv,
• ninh nyei miuc-fangx zuqc gamh nziex.’
• ³ Weic zuqc maaih norm guoqv yiem baqv bung daaih mborqv ninh,
• oix bun ninh nyei deic-bung zuqc baaic huaang nzengc,
• maiv maaih haaix dauh yiem naaic,
• liemh mienh liemh saeng-kuv oix biaux nzengc.

Douc Waac Gorngv
I^saa^laa^en Duqv Nzuonx

• ⁴ Ziouv gorngv,
• “Wuov deix hnoi, wuov deix ziangh hoc,
• I^saa^laa^en Mienh caux Yu^ndaa Mienh oix gapv zunv daaih,
• yietc binc mingh yietc binc nyiemv,
• lorz Ziouv, ninh mbuo nyei Tin-Hungh.
• ⁵ Ninh mbuo oix naaic jauv mingh
  Si^on,
• maaih hmien huin jienv wuov bung mingh ziouc gorngv,
• ‘Daaih maah! Mbuo oix zuqc
• daaih caux Ziouv gapv jienv
• liepc yietc liuz nyei ngaengc waac,
• dongh maiv haih la'kuqv nyei waac.’
• ⁶ “Yie nyei baeqc fingx hnangv dorngc jauv nyei ba'gi yungh,
• ninh mbuo nyei goux ba'gi yungh mienh dorh ninh mbuo dorngc jauv,
• bun ninh mbuo yiem mbong gu'nguaaic huin ganh bung.
• Ninh mbuo ziouc yiem domh mbong mingh fiuv-mbong,
• taux la'kuqv ninh mbuo ganh nyei laanh.
• ⁷ Da'faanh lorz buatc ninh mbuo wuov deix
• zorqv ninh mbuo naqv nzengc mingh.
• Ninh mbuo nyei win-wangv gorngv, ‘Yie mbuo maiv zoux dorngc
• weic zuqc ninh mbuo baamz zuiz dorngc Ziouv,
• se ninh mbuo zien yiem nyei dorngx,
• dongh ninh mbuo nyei ong-taaix maaih lamh hnamv nyei Ziouv. ’
• ⁸ “I^saa^laa^en Mienh aah!
• Oix zuqc yiem Mbaa^mbi^lon gu'nyuoz biaux cuotv.
• Cuotv Ken^ndie Mienh nyei deic-bung maah! * Laauc Yaangh 18:4
• Zoux hnangv yiem ba'gi yungh guanh dorh jauv nyei yungh gouv.
• ⁹ Weic zuqc yie oix coqv ziex norm
• yiem baqv bung nyei domh guoqv
• benx domh guanh daaih mborqv Mbaa^mbi^lon.
• Ninh mbuo ziouc mbaih jienv daaih mborqv ninh.
• Mbaa^mbi^lon ziouc yiem naaic zuqc zorqv mi'aqv.
• Ninh mbuo nyei forng-cang se hnangv
• maaih buoz-dauh mborqv jaax henv nyei baeng
• maiv kungx-buoz nyei nzuonx.
• ¹⁰ Ken^ndie * Naaiv norm dorngx maaih i norm mbuox. Maaih deix heuc Ken^ndie. Maaih deix heuc Mbaa^mbi^lon. oix zuqc luv.
• Da'faanh luv ninh nyei mienh buangv eix nzengc.”
• Naaiv se Ziouv gorngv nyei waac.

Mbaa^mbi^lon Mbaang

• ¹¹ “Luv yie nzipc nyei baeqc fingx nyei mienh aah!
• Maiv gunv meih mbuo njien-youh, maiv gunv meih mbuo orn-lorqc,
• maiv gunv meih mbuo a'hneiv hnangv dauh ngongh zeic yiem miev-ciangv,
• yaac hnangv maaz-gouv haev haev nyei,
• ¹² meih mbuo nyei maa oix zuqc nyaiv taux ndoqv,
• yungz meih mbuo daaih wuov dauh zuqc baaic hmien.
• Ninh oix zuqc benx yiem maanc guoqv mbu'ndongx nqa'haav laai wuov guoqv,
• benx nqaai nyei deic-bung-haanz, deic-bung-huaang.
• ¹³ Weic zuqc Ziouv qiex jiez,
• Mbaa^mbi^lon ziouc maiv maaih mienh yiem.
• Da'faanh jiex Mbaa^mbi^lon nyei mienh gamh nziex haic,
• yaac weic ninh yietc zungv zuqc mun nyei dorngx huotv ninh.
• ¹⁴ “Meih mbuo yietc zungv baeng juang-zinx nyei mienh aah!
• Mbaih jienv weih gormx buonv Mbaa^mbi^lon maah!
• Gunv buonv yaac maiv dungx korv-fiqv forng,
• weic zuqc ninh baamz zuiz dorngc Ziouv.
• ¹⁵ Oix zuqc yiem ninh nyei biei bung heuc,
• ninh nyiemc suei mi'aqv.
• Ninh nyei laauh mbaang njiec,
• zingh laatc yaac mbaang.
• Weic zuqc naaiv se Ziouv jaauv win bun ninh,
• meih gunv jaauv win aqv.
• Ninh hnangv haaix nor zoux bun mienh,
• oix zuqc hnangv wuov nor zoux bun ninh.
• ¹⁶ Meih mbuo oix zuqc zorqv
• yiem Mbaa^mbi^lon zuangx ga'naaiv nyei mienh
• caux nanv nzuqc limh siou cun-gaeng nyei mienh pai guangc.
• Weic zeix mienh wuov deix nyei nzuqc ndaauv,
• mouz dauh mienh ziouc nzuonx ninh ganh nyei baeqc fingx,
• dauh dauh yaac biaux nzuonx ninh ganh nyei deic-bung.

I^saa^laa^en Mienh Nzuonx
Ganh Nyei Deic-Bung

• ¹⁷ “I^saa^laa^en Mienh se hnangv
• zuqc sienh zunc nzaanx nyei ba'gi yungh.
• Daauh dangh Atc^si^lie hungh nyanc ninh.
• Setv mueiz Mbaa^mbi^lon hungh, Ne^mbu^katv^netv^saa,
• hlaix ninh nyei mbungv.”

¹⁸ Weic naaiv Nernh Jiex nyei Ziouv, I^saa^laa^en nyei Tin-Hungh, hnangv naaiv gorngv,

• “Yie zungv oix dingc Mbaa^mbi^lon hungh caux ninh nyei deic-bung nyei zuiz,
• hnangv yie dingc Atc^si^lie hungh nyei zuiz nor.
• ¹⁹ Yie ziouc dorh I^saa^laa^en nzuonx ninh ganh nyei miev-ciangv,
• ninh ziouc yiem Kaanmen Mbong caux Mbaasaan nyanc miev.
• Ninh yaac yiem E^faa^im Mbong caux Gi^le^aatc Deic duqv nyanc beuv.”
• ²⁰ Ziouv gorngv, “Taux wuov deix hnoi-nyieqc, wuov deix ziangh hoc,
• yiem I^saa^laa^en lorz zuiz-nipc yaac maiv maaih aqv.
• Yiem Yu^ndaa lorz zuiz yaac lorz maiv duqv aqv.
• Weic zuqc yie oix guangc nzengc yie liouh njiec nyei mienh nyei zuiz.”

Tin-Hungh Dingc
Mbaa^mbi^lon Nyei Zuiz

• ²¹ Ziouv gorngv, “Mingh mborqv
  Me^laa^taa^im Deic-Bung, * Me^laa^taa^im nyei eix leiz se jaa ngaengc i gouv.
• yaac mborqv Bekotc * Bekotc nyei eix leiz se dingc zuiz. nyei baeqc fingx,
• oix zuqc daix, zunc jienv mingh mietc nzengc. * Beiv mangc Cuotv I^yipv 22:20 .
• Ziux yie paaiv meih nyei yietc zungv waac
• oix zuqc zoux ziangx nzengc.
• ²² Yiem deic-bung maaih mborqv jaax nyei qiex mbui,
• yaac maaih mietc nyei sic hlo haic.
• ²³ Lungh ndiev nyei wuov norm hlieqv-zueih
• zuqc hngaqv ndutv aengx mborqv huv mi'aqv.
• Mbaa^mbi^lon yiem maanc guoqv mbu'ndongx
• benx haeqv mienh gamh nziex nyei dorngx.
• ²⁴ Mbaa^mbi^lon aah! Yie weic meih zaeng hlaang,
• meih ziouc zuqc hlopv jienv yaac maiv hiuv haaix nyungc.
• Meih zuqc ninh mbuo lorz buatc yaac zuqc zorqv mi'aqv,
• weic zuqc meih caux Ziouv doix-dekc nzaeng.
• ²⁵ Ziouv koi nqoi ninh mborqv jaax nyei jaa-sic nyei lamz,
• zorqv cuotv ninh qiex jiez jienv longc nyei wuoqc ginc,
• weic zuqc Ziouv, Nernh Jiex nyei Tin-Hungh, maaih gong zoux
• yiem Ken^ndie Mienh nyei deic-bung.
• ²⁶ Yiem biei bung daaih mborqv ninh
• aengx koi ninh nyei lamz,
• zorqv ninh ndui jienv hnangv mbiauh ndui nor.
• Mietc nzengc ninh,
• maiv dungx liouh yietc deix.
• ²⁷ Daix nzengc ninh nyei ngongh gouv,
• bun ninh mbuo njiec mingh zuqc daix daic nyei dorngx.
• Ninh mbuo zuqc kouv aqv,
• weic zuqc ninh mbuo nyei hnoi-nyieqc taux,
• taux ziangh hoc ninh mbuo zuqc dingc zuiz.
• ²⁸ Muangx maah! Mienh yiem Mbaa^mbi^lon Deic-Bung biaux cuotv
• daaih yiem Si^on gorngv,
• ‘Ziouv, yie mbuo nyei Tin-Hungh, jaauv win,
• se weic zaangc ninh wuov norm biauv jaauv win.
• ²⁹ “Oix zuqc heuc buonv juang-zinx nyei mienh daaih,
• se yietc zungv haih buonv * Hipv^lu waac gorngv baeng. juang-zinx nyei mienh.
• Oix zuqc liepc ciangv weih gormx zingh,
• maiv dungx bun yietc dauh mienh biaux ndutv.
• Ziux Mbaa^mbi^lon zoux nyei sic winh bun ninh.
• Ninh hnangv haaix nor zoux bun mienh,
• oix zuqc hnangv wuov nor zoux bun ninh,
• weic zuqc ninh zoux maux, ngaengc jienv Ziouv,
• I^saa^laa^en nyei Cing-Nzengc Tin-Hungh. * Faan zaqc gorngv Cing-Nzengc Wuov Dauh. * Laauc Yaangh 18:6
• ³⁰ Weic naaiv ninh nyei mienh lunx mienh
• ziouc yiem domh zuangx zaamc zuqc daix daic,
• dongh wuov hnoi ninh nyei yietc zungv baeng oix zuqc mietc nzengc.”
• Naaiv se Ziouv gorngv nyei waac.

³¹ Ziouv, Nernh Jiex nyei Tin-Hungh, hnangv naaiv gorngv,

• “Mbaa^mbi^lon aah!
  Meih za'gengh maux haic.
• Yie ziouc caux meih doix-dekc,
• weic zuqc meih nyei hnoi-nyieqc taux aqv,
• se yie dingc meih nyei zuiz nyei ziangh hoc.
• ³² Zoux maux nyei guoqv * guoqv wuov joux ziux Hipv^lu waac gorngv dauh. oix ndiqv zuqc ndorpc,
• yaac maiv maaih haaix dauh ken ninh jiez sin.
• Yie oix yiem ninh nyei zingh diemv douz,
• douz ziouc buov qui * Hipv^lu waac gorngv naqv nzengc. weih gormx ninh nyei yietc zungv.”

³³ Nernh Jiex nyei Ziouv hnangv naaiv gorngv,

• “I^saa^laa^en Mienh zuqc zeix,
• Yu^ndaa Mienh fih hnangv nyei.
• Caangv ninh mbuo wuov deix
• nyau jienv ninh mbuo,
  maiv kangv bungx.
• ³⁴ Zuoqc ninh mbuo Wuov Dauh se henv nyei,
• ninh nyei mbuox heuc Nernh Jiex nyei Ziouv.
• Ninh ndongc haaix zungv oix tengx ninh mbuo caengx sic,
• weic bun lungh ndiev maaih baengh orn,
• mv baac bun yiem Mbaa^mbi^lon wuov deix baeqc fingx maiv baengh orn.”
• ³⁵ Ziouv gorngv,
• “Ken^ndie Mienh oix zuqc nzuqc ndaauv aqv.
• Yiem Mbaa^mbi^lon nyei baeqc fingx,
• liemh ninh nyei jien caux cong-mengh mienh yaac oix zuqc nzuqc ndaauv.
• ³⁶ Bun mbouv guaax mienh * Maaih deix sou faan daaih gorngv jaav douc waac mienh. zuqc nzuqc ndaauv
• weic bun ninh mbuo benx ga'naaiv-hngongx.
• Bun ninh henv nyei baeng zuqc nzuqc ndaauv aqv,
• weic bun ninh mbuo zuqc mietc.
• ³⁷ Bun ninh nyei maaz caux mborqv jaax nyei maaz-cie
• caux yiem ninh mbu'ndongx yietc zungv ganh fingx nyei baeng zuqc nzuqc ndaauv
• weic bun ninh mbuo hnangv m'sieqv dorn nor mau.
• Bun Mbaa^mbi^lon yietc zungv jaaix nyei ga'naaiv zuqc nzuqc ndaauv aqv,
• ziouc bun ninh zuqc luv.
• ³⁸ Bun lungh haanz hoic ninh nyei wuom nqaai nzengc.
• Weic zuqc ninh nyei deic-bung benx miuc-fangx nyei dorngx,
• mienh laaix oix miuc-fangx zungv hnangv maiv nzang aqv.
• ³⁹ “Weic naaiv deic-bung-huaang nyei hieh zoih
• caux hieh juv-ben * Maaih deix sou gorngv mienv. ziouc yiem Mbaa^mbi^lon,
• yaac maaih norqc lorh torh yiem naaic.
• Wuov norm zingh yietc liuz maiv maaih mienh yiem,
• yietc seix yietc doic maiv maaih aqv.” * Laauc Yaangh 18:2
• ⁴⁰ Ziouv gorngv,
• “Hnangv Tin-Hungh mbienv
  So^ndom caux Go^mo^laa
• caux weih gormx nyei zingh, * Tin Deic Douh 19:24-25
• Mbaa^mbi^lon fih hnangv nyei maiv maaih mienh yiem naaic,
• yaac maiv maaih baamh mienh dingh zepv yiem ninh gu'nyuoz.
• ⁴¹ “Mangc maah! Maaih yietc fingx yiem baqv bung daaih,
• benx yietc domh guoqv mienh caux camv-dauh hungh diex
• yiem lungh ndiev go jiex nyei dorngx zuqc coqv jiez daaih.
• ⁴² Ninh mbuo nanv juang-zinx caux cang,
• ninh mbuo youc ciouv youc doqc, maiv korv-lienh mienh.
• Ninh mbuo nyei qiex mbui hnangv koiv jiez laangc mbui zoz-zoz nyei.
• Ninh mbuo geh maaz, mbaih jienv daaih mborqv jaax,
• weic mborqv meih Mbaa^mbi^lon.” * Faan zaqc gorngv Mbaa^mbi^lon nyei Sieqv.
• ⁴³ Mbaa^mbi^lon hungh muangx haiz ninh mbuo nyei fienx,
• ninh nyei buoz ziouc mau mi'aqv.
• Ninh hnyouv za'gengh! mun haic,
• hnangv m'sieqv dorn mun gu'nguaaz nor.
• ⁴⁴ Hnangv sienh yiem Jor^ndaen Ndaaih hlen nyei lomc daaih
• borngz wuonv haic nyei ba'gi yungh laanh,
• yie liemh zeih bun Mbaa^mbi^lon Mienh * Hipv^lu waac kungx gorngv ninh mbuo. tiux biaux, leih nqoi naaiv norm deic-bung.
• Yie ginv haaix dauh yie ziouc paaiv wuov dauh gunv naaiv norm guoqv.
• Maaih haaix dauh hnangv yie? Maaih haaix dauh haih heuc yie daaih? * Maaih deix sou gorngv “Haaix dauh haih heuc yie bieqc sic dorngh”.
• Maaih haaix dauh goux ba'gi yungh nyei mienh
• haih diev duqv souv yie nyei nza'hmien?”
• ⁴⁵ Hnangv naaic meih mbuo oix zuqc muangx
• Ziouv daav nyei za'eix
• weic mborqv Mbaa^mbi^lon,
• caux ninh mborqv Ken^ndie Mienh dingc nyei za'eix.
• Ninh mbuo faix jiex nyei ba'gi yungh dorn
• ndongc haaix zungv oix zuqc tor mingh.
• Ninh mbuo nyei ba'gi yungh laanh ndongc haaix zungv oix zuqc mietc.
• ⁴⁶ Weic Mbaa^mbi^lon zuqc zorqv nyei qiex mbui
• ndanc ndau dongz,
• ninh heuc nyei qiex mbui
• yiem maanc guoqv mbu'ndongx muangx duqv haiz.”