Douc Waac Gorngv
Fi^li^saa^die Mienh

¹ Faalo maiv gaengh mborqv Gaasaa wuov zanc, douc waac mienh, Ye^le^mi, duqv zipv Ziouv nyei naaiv deix waac gorngv taux Fi^li^saa^die Mienh. * I^saa^yaa 14:29-31 ; E^se^ken 25:15-17 ; Yo^en 3:4-8 ; Aamotv 1:6-8 ; Se^fan^yaa 2:4-7 ; Se^kaa^li^yaa 9:5-7

² Ziouv hnangv naaiv gorngv,

• “Mangc maah! Wuom yiem baqv bung faaux daaih,
• yaac oix benx wuom-beqv yiemx.
• Wuom oix yiemx nzengc deic-bung caux yiem deic-bung yietc zungv ga'naaiv,
• liemh zingh caux zingh gu'nyuoz nyei mienh.
• Mienh oix heuc cuotv,
• yiem deic-bung nyei mouz dauh baeqc fingx yaac oix nyiemv.
• ³ Haiz maaz-gouv nyei deih tiux nyei qiex mbui,
• mborqv jaax nyei maaz-cie qaau-qaau nyei,
• cie-yienh qom-qom nyei mbui.
• Weic die nyei buoz ba'laqc mau haic,
• maiv haih huin nzuonx goux ganh nyei fu'jueiv.
• ⁴ Weic zuqc hnoi-nyieqc oix taux,
• oix mietc nzengc Fi^li^saa^die nyei yietc zungv mienh,
• pai guangc dongh haih tengx Tailaqv
• caux Sai^ndorn dauh dauh zengc njiec nyei mienh.
• Weic zuqc Ziouv oix mietc Fi^li^saa^die Mienh,
• se yiem Kapv^to * Se Kelitv Koiv-Nzou. nyei koiv-hlen zengc njiec nyei mienh.
• ⁵ Gaasaa oix zuqc hliouv njang nyei,
• Atc^ke^lon zuqc mietc mi'aqv.
• Zengc njiec nyei Aanaakv Mienh aah!
• Meih mbuo oix longc nzuqc gaatv sin ndongc haaix lauh?
• ⁶ Ziouv nyei nzuqc ndaauv aah!
• Meih taux haaix zanc cingx daaih dingh?
• Meih bieqc paiv mingh maah!
• Hitv kuonx yaac maiv dungx dongz.
• ⁷ Ziouv paaiv ziangx meih, * Fai ninh, se nzuqc ndaauv.
• meih hnangv haaix nor haih dingh?
• Ninh paaiv ziangx nzuqc ndaauv
• mingh Atc^ke^lon caux koiv-hlen nyei dorngx mborqv jaax.”