I^saa^laa^en Mienh
Guangc Tin-Hungh

¹ Yie zipv Ziouv nyei waac gorngv, ² “Meih oix zuqc mingh zunh bun yiem Ye^lu^saa^lem nyei mienh muangx haiz naaiv deix waac. ‘Ziouv hnangv naaiv gorngv,

• “‘Yie jangx duqv meih hnyangx-jeiv lunx nyei ziangh hoc meih ndongc haaix hnamv yie,
• zoux siang-mbuangz wuov zanc meih hnamv haic yie,
• meih yaac gan yie jiex deic-bung-huaang,
• jiex maiv zuangx jiex ga'naaiv nyei deic-bung.
• ³ I^saa^laa^en benx Ziouv nyei cing-nzengc nyei buonc,
• benx ninh siou daaih nyei daauh torngx biouv.
• Haaix dauh nyanc ziouc dorngc zuiz,
• yaac zuqc ciouv nyei zeqc naanc.’”
• Naaiv se Ziouv gorngv nyei waac.
• ⁴ Yaakopv nyei zeiv-fun aah!
• I^saa^laa^en zeiv-fun nyei fingx-fingx mienh aah!
• Oix zuqc muangx Ziouv nyei waac.

Ziouv hnangv naaiv gorngv,

• ⁵ “Meih mbuo nyei ong-taaix buatc yie dorngc haaix nyungc
• ninh mbuo cingx daaih leih go yie?
• Ninh mbuo mingh gan maiv lamh longc nyei ga'naaiv,
• ninh mbuo ganh ziouc maiv lamh longc aqv
• ⁶ ninh mbuo maiv gorngv, ‘Ziouv yiem haaix, dongh dorh yie mbuo cuotv I^yipv Deic-Bung,
• yienz yie mbuo jiex deic-bung-huaang,
• maaih ndau-huaang, kuotv ndo nyei deic-bung,
• se deic-bung-haanz, mapv hmuangx nyei dorngx,
• maiv maaih mienh jiex, maiv maaih haaix dauh mienh yiem nyei deic-bung?’
• ⁷ Yie dorh meih mbuo bieqc norm ndau-touv longx nyei deic-bung,
• bun meih mbuo a'hneiv nyanc deic-bung nyei biouv caux cuotv daaih longx nyei ga'naaiv.
• Mv baac meih mbuo bieqc daaih wuov zanc meih mbuo bun yie nyei deic-bung maaih uix,
• yaac bun yie nzipc nyei buonc benx gamh nziev nyei ga'naaiv.
• ⁸ Sai mienh zungv maiv naaic, ‘Ziouv yiem haaix?’
• Njaaux leiz wuov deix maiv hiuv duqv yie.
• Zoux hlo nyei mienh * Hipv^lu waac gorngv “goux ba'gi yungh nyei mienh”. ngaengc jienv yie,
• douc waac mienh kaux Mbaa^an zienh douc waac,
• yaac gan tengx maiv duqv haaix nyungc nyei ga'naaiv.”
• ⁹ Ziouv gorngv, “Weic naaiv yie aengx caux meih mbuo nzaeng,
• yaac oix caux meih mbuo nyei zeiv-fun nzaeng.
• ¹⁰ Meih mbuo gunv mingh taux Saibatc * Aengx maaih mbuox heuc Kitv^tim. Koiv-Nzou mangc gaax,
• fai paaiv mienh mingh Ke^ndaa zaah mangc longx,
• mangc gaax maaih jiex naaiv nyungc sic fai?
• ¹¹ Maaih haaix norm guoqv nyei mienh tiuv jiex ninh mbuo nyei zienh fai?
• Maiv gunv naaiv deix zienh se maiv zien.
• Mv baac yie nyei baeqc fingx zorqv ninh mbuo nyei njang-laangc
• yienc tengx maiv duqv haaix nyungc nyei ga'naaiv.
• ¹² Zuangx lungh aah! Oix zuqc gamh nziex haic,
• zuqc haeqv nyanh nyanh nyei.”
• Naaiv se Ziouv gorngv nyei waac.

• ¹³ “Weic zuqc yie nyei baeqc fingx zoux i nyungc orqv sic.
• Ninh mbuo guangc yie,
• se guangc wuom-daaih nyei zingv,
• yaac weic ganh zuqc cuotv siou wuom nyei kuotv,
• benx mbaaix nyei siou wuom dorngx,
• maiv haih siou maiv duqv wuom.
• ¹⁴ I^saa^laa^en benx nouh fai?
• Se yiem biauv cuotv seix nyei bou fai?
• Wuov nyungc ninh weic haaix diuc benx caangv daaih nyei ga'naaiv?
• ¹⁵ Sienh njunh ninh,
• njunh duqv mbui nyei,
• ninh mbuo bun ninh nyei deic-bung benx ndau-huaang,
• ninh nyei zingh zuqc baaic waaic,
• maiv maaih haaix dauh yiem.
• ¹⁶ Maiv daan mbuoqc naaiv,
  Memfitv Mienh caux Taa^baan^hetc Mienh
• mborqv meih nyei m'nqorngv-baengh mbaaix.
• ¹⁷ Meih zuqc naaiv deix sic se laaix meih ganh maiv zeiz?
• Weic zuqc Ziouv, meih nyei Tin-Hungh, dorh meih gan jauv mingh wuov zanc,
• meih guangc ninh.
• ¹⁸ Ih zanc meih mingh I^yipv Deic-Bung weic duqv haaix nyungc?
• Se weic hopv Nai^aa Ndaaih nyei wuom?
• Fai meih mingh Atc^si^lie Deic-Bung weic duqv haaix nyungc?
• Weic oix hopv Yu^fe^ditc Ndaaih nyei wuom fai?
• ¹⁹ Meih zoux nyei orqv sic oix mborqv njaaux meih,
• meih ngaengc jienv doz oix gox meih.
• Meih oix zuqc hiuv, oix zuqc buatc,
• meih guangc Ziouv, meih nyei Tin-Hungh,
• benx orqv sic caux im nyei sic.
• Meih yaac maiv maaih hnyouv taaih yie.”
• Nernh Jiex nyei Ziouv Tin-Hungh hnangv naaiv gorngv.

I^saa^laa^en Maiv Kangv Zaangc Ziouv

• ²⁰ “Zinh ndaangc loz-hnoi meih * Maaih deix sou gorngv yie. wuotv meih nyei ndiangx-gaaz nauv,
• yaac cutv ndutv ndoh meih nyei hlaang.
• Meih yaac gorngv, ‘Yie maiv fu-sux meih aqv.’
• Meih zungv yiem norm-norm mbong-hlang,
• caux diuh diuh ndiangx-nyiemz ga'ndiev,
• gueic njiec baaix zienh. * Yiem naaiv tipv joux waac gorngv “hnangv maaic sin nyei m'sieqv dorn.” Naaiv deix mienh mingh zaangc camv-nyungc zienh, maiv zaangc Tin-Hungh.
• ²¹ Yie zuangx meih benx gauh longx jiex nyei a'ngunc hmei,
• benx zien buonv nzengc.
• Wuov nyungc meih hnangv haaix nor gunv zoux gunv waaic,
• benx hieh a'ngunc hmei.
• ²² Maiv gunv meih longc nzie-wuom nzaaux
• yaac longc sa'mbu * sa'mbu wuov joux se gan Janx-Taiv waac. Janx-Kaeqv waac gorngv feih zaux. Yangh Yinh waac heuc soap. camv,
• guoqv meih wuov deix zoux dorngc nyei zuiz
• corc yiem yie nyei nza'hmien hinc cuotv nyei.”
• Naaiv se Ziouv Tin-Hungh gorngv nyei waac.
• ²³ “Meih hnangv haaix nor haih gorngv, ‘Yie maiv maaih uix,
• yie maiv gan Mbaa^an zienh’?
• Mangc meih yiem horngz zaangc nyei jauv maah!
• Meih ziouc hiuv duqv meih zoux haaix nyungc.
• Meih hnangv dauh lorh torh zeic tiux jiex naaiv jiex wuov,
• ²⁴ hnangv hieh lorh nyeiz guenx yiem deic-bung-huaang
• saeng haic ziouc hnomv nziaaux.
• Ninh ndongc naaic oix, haaix dauh haih laanh duqv ninh?
• Haaix dauh lorz ninh, maiv zuqc lorz kouv.
• Doix ninh saeng nyei hnoi-nyieqc * Hipv^lu waac gorngv hlaax nyieqc. ninh mbuo haih lorz buatc aqv.
• ²⁵ Maiv dungx zunc taux zaux huv, * Faan zaqc gorngv “Maiv dungx bun meih nyei zaux maiv maaih heh”.
• yaac maiv dungx bun meih nyei jaang nqaatv.
• Mv baac meih gorngv, ‘Maiv lamh hnamv aqv.
• Yie hnamv nyiec nyei zienh. * Faan zaqc gorngv “Yie hnamv yie maiv hiuv wuov deix”.
• Yie oix mingh gan ninh mbuo.’

I^saa^laa^en Horpc Zuqc Dingc Zuiz

• ²⁶ “Hnangv janx-zaqc zuqc zorqv daaih ziouc baaic hmien,
• I^saa^laa^en nyei zeiv-fun hnangv wuov nor oix zuqc baaic hmien,
• se ninh mbuo ganh, ninh mbuo nyei hungh diex, ninh mbuo zoux hlo nyei mienh,
• ninh mbuo nyei sai mienh caux ninh mbuo nyei douc waac mienh.
• ²⁷ Ninh mbuo gorngv mbuox ndiangx, ‘Meih zoux yie nyei die,’
• aengx gorngv mbuox la'bieiv, ‘Meih yungz yie daaih.’
• Ninh mbuo huin diqc daanz bun yie, maiv huin hmien,
• mv baac buangh zuqc kouv naanc nyei ziangh hoc ninh mbuo gorngv,
• ‘Jiez daaih njoux yie mbuo maah!’
• ²⁸ Mv baac meih weic ganh zoux daaih nyei zienh yiem haaix?
• Se gorngv ninh mbuo haih njoux meih,
• meih buangh zuqc kouv naanc nyei ziangh hoc
• heuc ninh mbuo jiez daaih maah!
• Yu^ndaa aah! Meih nyei zingh mbu'ziex,
• meih nyei zienh mbuoqc wuov.
• ²⁹ “Meih mbuo weic haaix diuc ngopv yie?
• Meih mbuo yietc zungv ngaengc jienv yie.”
• Ziouv hnangv naaiv gorngv.
• ³⁰ Yie mborqv meih mbuo nyei naamh nyouz,
• ninh mbuo yaac maiv muangx yie njaaux.
• Meih mbuo ganh nyei nzuqc ndaauv mietc * Hipv^lu waac gorngv naqv. meih mbuo nyei douc waac mienh
• hnangv sienh nor, oix zoux mietc.

³¹ “Meih mbuo naaiv doic mienh aah! Muangx longx Ziouv nyei waac maah!

• “Yie weic I^saa^laa^en benx deic-bung-huaang,
• fai hnangv mapv hmuangx nyei deic-bung fai?
• Wuov nyungc yie nyei baeqc fingx weic haaix diuc gorngv,
• ‘Yie mbuo zoux bungx nqoi nyei mienh,
• yie mbuo maiv aengx daaih lorz meih aqv’?
• ³² Sieqv haih la'kuqv ninh nyei siou-setv fai?
• Fai siang-mbuangz haih la'kuqv ninh zorng sin nyei ga'naaiv?
• Mv baac yie nyei baeqc fingx la'kuqv yie nyei hnoi zungv saauv maiv hingh.
• ³³ Meih za'gengh haih daav za'eix lorz mienh hnamv,
• zungv njaaux waaic nyei m'sieqv dorn hiuv duqv meih nyei za'eix.
• ³⁴ Meih nyei lui-juoqv buatc guoqv jienv
• maiv zoux dorngc nyei mienh jomc mienh nyei nziaamv.
• Meih yaac maiv zeiz buatc ninh mbuo borngz bieqc meih nyei biauv.
• Maiv gunv maaih naaiv deix yietc zungv sic,
• ³⁵ meih gorngv, ‘Yie maiv zoux dorngc haaix nyungc.
• Tin-Hungh ga'qiex fiu mi'aqv. Maiv qiex jiez yie aqv.’
• Mangc maah! Yie zungv oix bun meih zuqc siemv zuiz,
• weic zuqc meih gorngv, ‘Yie maiv baamz zuiz.’
• ³⁶ Meih hungh hec saau mingh saau daaih
• tiuv meih nyei jauv.
• Meih zungv oix zuqc I^yipv Mienh bun meih nyaiv
• hnangv zinh ndaangc Atc^si^lie Mienh bun meih nyaiv nor.
• ³⁷ Meih yaac oix longc buoz buang jienv m'nqorngv * Eix leiz se ninh mbuo zuqc nyaiv cingx longc buoz buang jienv m'nqorngv.
  
• yiem I^yipv Deic-Bung cuotv daaih,
• weic zuqc Ziouv nqemh meih kaux wuov deix,
• meih maiv haih bangc ninh mbuo duqv longx jienv faaux.