Ziouv
Dingc Ngaengc Ninh
Wuov Deix Mienh Nyei Zuiz
-
1 Ziouv,
gorngv, “Yie liuc leiz ziangx
- bun maiv naaic taux yie wuov deix, hiuv duqv yie,
- yaac liuc leiz ziangx bun maiv lorz yie wuov deix, duqv lorz buatc yie.
- Yie gorngv, ‘Yie yiem naaiv. Yie yiem naaiv,’
- mbuox maiv daux gaux jouh
yie nyei mengh nyei yietc guoqv mienh.’
-
2 Yie ziangh hnoi sung jienv yie nyei buoz
- bun yietc fingx hnyouv ngaengc nyei mienh.
- Ninh mbuo sueih ninh mbuo ganh nyei hnyouv hnamv cuotv nyei sic,
- yangh maiv horpc nyei jauv.
-
3 Naaiv deix baeqc fingx dorng jienv yie
- zanc-zanc cuoqv yie.
- Ninh mbuo yiem huingx
zorqv ga'naaiv fongc horc ziec,
- yaac yiem hui-zun ndui gu'nguaaic buov hung.
-
4 Ninh mbuo mingh zueiz jienv zouv mbu'ndongx,
- yiem wuov zouv gu'nyuoz jiex muonz.
- Ninh mbuo nyanc dungz-orv.
- Ninh mbuo nyei caeng-yienv gu'nyuoz maaih gamh nziev haic nyei orv-torng.
-
5 Ninh mbuo gorngv, ‘Simv nqoi, maiv dungx daaih fatv aqv,
- weic zuqc yie gauh cing-nzengc meih.’
- Naaiv deix mienh benx
- yiem yie nyei mba'zorng nyei sioux,
- benx ziangh hnoi zieqc jienv nyei douz.
-
6 “Mangc maah! Maaih waac fiev jienv yie nyei nza'hmien gorngv,
- yie maiv sekv. Yie oix winh nzengc bun ninh mbuo,
- yie zungv oix winh nzuonx bun ninh mbuo,
-
7 liemh ninh mbuo nyei zuiz caux ninh mbuo
nyei ong-taaix nyei zuiz.
- Weic zuqc ninh mbuo yiem mbong gu'nguaaic buov hung,
- yaac yiem mbong-aiv gorngv doqc ki yie.
- Yie ziouc ziux ninh mbuo zoux jiex daaih nyei sic
- hlaau nzuonx bun ninh mbuo.”
- Naaiv se Ziouv
gorngv nyei waac.
8 Ziouv
hnangv naaiv nor gorngv,
- “A'ngunc diuv yiem a'ngunc biouv-joih cuotv
- yaac maaih mienh gorngv, ‘Maiv dungx zoux waaic.
- Corc maaih lamh longc nyei.’
- Yie ziouc weic yie nyei bou hnangv naaiv nor zoux.
- Yie maiv mietc ninh mbuo yietc zungv.
-
9 Yie oix bun Yaakopv maaih hoz doic zeiv-fun,
- yaac bun yiem Yu^ndaa cuotv nyei mienh duqv nzipc yie nyei zuangx mbong.
- Yie ginv daaih nyei mienh yaac duqv nzipc.
- Yie nyei zuangx bou yaac duqv yiem naaic.
-
10 Saalon Ndau-Baengh oix benx ba'gi yungh caux yungh guanh nyei miev-ciangv,
- Aako Horngz
oix benx ngongh guanh bueix nyei dorngx
- weic yie nyei baeqc fingx, dongh lorz yie wuov deix.
-
11 “Mv baac meih mbuo guangc Ziouv
nyei mienh,
- se meih mbuo la'kuqv yie nyei cing-nzengc mbong
- yaac mbenc dieh weic Gaatc zienh,
- longc nzormc peux ziex nyungc diuv ciev ziec bun Meni zienh.
-
12 Yie ziouc dingc bun meih mbuo nyei hoz nqaang zuqc nzuqc ndaauv,
- meih mbuo yietc zungv oix zuqc mbaapv njiec zuqc daix.
- Weic zuqc yie heuc meih mbuo
mv baac meih mbuo maiv dau,
- yie gorngv mv baac meih mbuo maiv muangx.
- Daaux nzuonx meih mbuo yiem yie nyei nza'hmien zoux orqv sic,
- yaac ginv dongh yie maiv a'hneiv nyei sic.”
13 Weic naaiv Ziouv Tin-Hungh
hnangv naaiv nor gorngv,
- “Mangc maah! Yie nyei zuangx bou zungv duqv nyanc,
- mv baac meih mbuo oix zuqc hnyouv sie.
- Yie nyei zuangx bou duqv hopv,
- mv baac meih mbuo oix zuqc jaang nqaatv.
- Yie nyei zuangx bou oix duqv njien-youh,
- mv baac meih mbuo oix zuqc nyaiv.
-
14 Yie nyei zuangx bou oix baaux nzung
- weic hnyouv gu'nyuoz njien-youh,
- mv baac meih mbuo oix heuc cuotv
- weic meih mbuo hnyouv ba'laqc nzauh.
- Meih mbuo oix nyiemv kouv
- weic hnyouv mun duqv siang.
-
15 Meih mbuo zuqc guangc meih mbuo ganh nyei mbuox,
- bun yie ginv daaih nyei mienh longc benx zioux nyei waac.
- Ziouv Tin-Hungh
oix bun meih mbuo zuqc daix,
- mv baac ninh oix zorqv ganh norm mbuox bun ninh nyei bou mbuo.
-
16 Hnangv naaic, haaix dauh yiem deic-bung weic ganh tov fuqv,
- ziouc longc zien leiz nyei Tin-Hungh nyei mbuox tov.
- Haaix dauh yiem deic-bung houv waac,
- ziouc ziangv jienv zien leiz nyei Tin-Hungh nyei mbuox houv.
- Weic zuqc zinh ndaangc zuqc nyei zeqc naanc zungv la'kuqv mi'aqv,
- yie nyei m'zing yaac maiv buatc mi'aqv.
Siang-Lungh Siang-Ndau
-
17 “Mangc maah! Yie oix zeix siang-lungh siang-ndau.
- Zinh ndaangc nyei sic zungv maiv jangx,
- liemh maiv hnamv taux.
-
18 Mv baac oix zuqc a'hneiv, orn-lorqc
- weic yie zeix daaih nyei ga'naaiv.
- Weic zuqc yie oix zeix Ye^lu^saa^lem
- benx mienh a'hneiv nyei dorngx.
- Zingh gu'nyuoz nyei baeqc fingx
- yaac oix orn-lorqc.
-
19 Yie ziouc weic Ye^lu^saa^lem njien-youh,
- yaac weic yie nyei baeqc fingx orn-lorqc.
- Yiem zingh gu'nyuoz maiv maaih haaix dauh aengx haiz nyiemv nyei qiex
- fai heuc duqv nzauh nyei qiex.
-
20 “Yiem naaic gu'nyuoz yietc liuz maiv aengx maaih
- gu'nguaaz ziangh i ziex hnoi hnangv,
- fai maaih mienh gox mienh maiv ziangh buangv soux mouc.
- Duqv yietc baeqv hnyangx daic nyei mienh funx benx mienh lunx mienh,
- ziangh maiv taux yietc baeqv hnyangx daic wuov deix,
funx benx zuqc zioux nyei mienh.
-
21 Ninh mbuo oix zoux biauv weic ganh bieqc mingh yiem.
- Ninh mbuo oix zoux huingx zuangx a'ngunc biouv yaac nyanc huingx nyei biouv.
-
22 Ninh mbuo maiv zoux biauv bun ganh dauh yiem.
- Ninh mbuo maiv zoux huingx zuangx a'ngunc biouv bun ganh dauh nyanc.
- Weic zuqc yie nyei baeqc fingx ziangh nyei hnoi
- zungv hnangv ndiangx ziangh nyei hnoi-nyieqc.
- Yie ginv daaih nyei mienh ziouc a'hneiv
- ninh mbuo nyei buoz zoux nyei gong lauh nyei.
-
23 Ninh mbuo zoux nyei gong ninh mbuo maiv baeqc baeqc zoux,
- ninh mbuo yungz nyei gu'nguaaz yaac maiv zuqc zeqc naanc,
- weic zuqc ninh mbuo duqv zoux Ziouv
ceix fuqv nyei mienh,
- liemh ninh mbuo ganh caux ninh mbuo nyei hoz doic zeiv-fun.
-
24 Ninh mbuo maiv gaengh tov, yie ziouc dau.
- Ninh mbuo corc gorngv jienv waac nyei ziangh hoc yie ziouc haiz.
-
25 Hieh juv caux ba'gi yungh dorn oix juangc jienv nyanc.
- Sienh oix nyanc mbiauh nqaauv hnangv ngongh.
- Nie-mbung benx naang nyei nyanc hopv.
- Da'faanh yiem yie nyei cing-nzengc mbong nyei dorngx,
- ninh mbuo yietc zungv maiv hoic, maiv zoux mietc.”
- Ziouv
hnangv naaiv gorngv.
