Zei Duqv Horpc Nyei Jauv

• ¹ “Oix zuqc heuc mbui, maiv dungx nyienz jienv.
• Bun qiex mbui hnangv biomv jorng. * Fai nzatc.
• Zunh mbuox yie nyei baeqc fingx hiuv duqv ninh mbuo zoux dorngc nyei sic,
• mbuox Yaakopv nyei zeiv-fun ninh mbuo baamz nyei zuiz.
• ² Ninh mbuo hnoi-hnoi lorz yie,
• a'hneiv mengh baeqc yie nyei jauv.
• Hnangv yietc guoqv zoux horpc nyei mienh,
• maiv guangc ninh mbuo nyei Tin-Hungh nyei leiz nor.
• Ninh mbuo tov yie baengh fim nyei siemv.
• Ninh mbuo a'hneiv yiem nitv fatv Tin-Hungh.
• ³ Ninh mbuo gorngv, ‘Yie mbuo zei maiv nyanc haaix nyungc.
• Meih weic haaix diuc maiv mangc?
• Yie mbuo weic haaix diuc nyiemc ganh zoux faix,
• meih yaac hnangv maiv buatc nor.’
• “Mangc maah! Meih zei maiv nyanc haaix nyungc nyei hnoi,
• meih sueih ganh nyei hnyouv zoux hnangv,
• yaac zeix meih nyei yietc zungv gong-mienh.
• ⁴ Mangc maah! Meih zei maiv nyanc haaix nyungc
• weic nzaeng jaax mborqv jaax,
• longc orqv nyei buoz-juonh nzuei mienh.
• Meih zei maiv nyanc haaix nyungc hnangv ih hnoi,
• maiv dungx hnamv yiem hlang nyei dorngx
• muangx duqv haiz meih nyei qiex.
• ⁵ Hnangv naaic zei se yie ginv daaih
• bun mienh longc wuov norm hnoi zatv ganh zoux faix hnangv fai?
• Se mienh ndoqv m'nqorngv hnangv mboux-mbetv,
• yaac longc la'maah ndie-cou caux saaiv
• dimc jienv ndau bueix fai?
• Naaiv se meih heuc nyanc zei,
• benx Ziouv a'hneiv nyei hnoi fai?
• ⁶ “Yie ginv zei maiv nyanc se hnangv naaiv maiv zeiz?
• Se oix zuqc cutv ndutv hiuang orqv nyei limc,
• jaiv nqoi ndoh ndiangx-gaaz nyei hlaang.
• Oix zuqc bungx nqoi zuqc zeix nyei mienh
• yaac wuotv norm-norm ndiangx-gaaz nauv.
• ⁷ Oix zuqc zorqv meih nyei nyanc hopv bun nqoi hnyouv sie nyei mienh,
• dorh maiv maaih biauv nyei mienh jomc mienh bieqc meih nyei biauv.
• Buatc mienh njang sin, oix zuqc bun lui-houx ninh mbuo zuqv,
• yaac maiv dungx niouv hmien maiv mangc ganh nyei cien-ceqv. * Matv^taai 25:35-36
• ⁸ Hnangv naaic meih nyei njang ziouc cuotv hnangv lungh ndorm nziouv nyei njang.
• Meih yaac duqv siepv-siepv nyei zorc longx.
• Meih zoux horpc nyei jauv oix yiem meih nyei wuov ndaangc maengx.
• Ziouv nyei njang-laangc yaac oix yiem
• meih nqa'haav nqaang beu jienv meih.
• ⁹ Wuov zanc meih heuc jienv tov, Ziouv oix dau.
• Meih heuc jienv tov tengx, ninh ziouc gorngv, ‘Yie yiem naaiv.’
• “Se gorngv meih guangc maiv zeix mienh, * Faan zaqc gorngv “zeix mienh nyei ndiangx-gaaz”.
• maiv longc buoz-ndoqv nuqv mienh,
• yaac guangc maiv gorngv orqv nyei jauv,
• ¹⁰ se gorngv meih zorqv nyanc hopv bun hnyouv sie nyei mienh,
• bun zuqc kouv nyei mienh duqv buangv eix,
• meih nyei njang ziouc yiem hmuangx nyei dorngx cuotv daaih,
• meih yiem hmuangx ziouc tiuv benx lungh aanx zanc nyei njang.
• ¹¹ Ziouv yaac oix yietc liuz dorh jauv meih,
• bun meih duqv longx nyei ga'naaiv buangv hnyouv,
• bun meih nyei mbungv henv.
• Meih zungv oix hnangv nyiemz nyei huingx,
• yaac hnangv yietc liuz maiv nqaai nyei wuom-zingv.
• ¹² Meih oix siang-ceix jiez mbaang mingh lauh nyei dorngx,
• yaac oix liepc jiez ziex doic mienh nyei gorn-ndoqv.
• Meih ziouc duqv mbuox heuc,
• Siang-Ceix Jiez Zingh Laatc nyei Mienh caux
• Siang-Ceix Jiez Biauv-Mbaang * Maaih deix gorngv “Siang-Zorc Maaih Biauv Nyei Jauv nyei Mienh’. nyei Mienh.

Siou Dingh Gong Hnoi Nyei Leiz

• ¹³ “Se gorngv meih gan longx Dingh Gong Hnoi * Faan zaqc gorngv “Maiv dungx bun zaux zoux dorngc Dingh Gong Hnoi.” Wuov norm hnoi mienh maiv horpc zuqc cuotv jauv mingh haaix ndau go. Beiv mangc Cuotv I^yipv 16:29 . nyei leiz,
• se yiem yie nyei cing-nzengc hnoi maiv sueih ganh nyei hnyouv zoux,
• se gorngv heuc Dingh Gong Hnoi benx a'hneiv nyei hnoi,
• yaac taaih Ziouv nyei cing-nzengc hnoi,
• se gorngv meih taaih, maiv ei ganh nyei jauv yangh,
• fai sueih ganh nyei hnyouv zoux fai gorngv maiv lamh longc nyei waac,
• ¹⁴ meih ziouc kaux Ziouv a'hneiv.
• Gormx lungh ndiev nyei mienh ziouc taaih meih. * Faan zaqc gorngv “Bun meih geh jienv lungh ndiev gauh hlang jiex nyei dorngx”.
• Yie yaac oix bun meih nyei ong-taaix, Yaakopv, nzipc nyei buonc yungz meih.”
• Naaiv se Ziouv ganh nyei nzuih gorngv.