Ziouv Yietc Liuz Hnamv
I^saa^laa^en Mienh

• ¹ “O maiv haih maaih saeng-yungz,
• maiv yungz jiex gu'nguaaz nyei m'sieqv dorn aah!
• Gunv baaux nzung aqv.
• Maiv mun jiex gu'nguaaz nyei m'sieqv dorn aah!
• Oix zuqc njien-youh nyei baaux nzung, heuc qiex hlo nyei,
• weic zuqc guangc huaang nyei auv
• zungv oix maaih fu'jueiv gauh camv
• dorng jaa nyei m'sieqv dorn.” * Gaa^laa^tie 4:27
• Ziouv hnangv naaiv gorngv.
• ² “Oix zuqc capv meih corng ndopv-liuh nyei ndau,
• corng meih nyei ndopv-liuh nyei ndie jangv,
• maiv dungx zanv.
• Oix zuqc baeng meih corng ndopv-liuh nyei hlaang ndaauv,
• mborng meih corng ndopv-liuh nyei dongc wuonv.
• ³ Weic zuqc meih oix hiaangx mingh zaaix mingh mbiaauc.
• Meih nyei zeiv-fun yaac duqv nzipc camv-guoqv, * Faan zaqc gorngv camv-guoqv mienh,
• yaac duqv liepc nguaaz-gorn yiem ninh mbuo nyei zingh huaang.
• ⁴ “Maiv dungx gamh nziex weic zuqc meih maiv zuqc nyaiv.
• Maiv dungx nyaiv weic zuqc meih maiv zuqc siouc mangc piex nyei jauv.
• Meih zungv oix la'kuqv lunx nyei ziangh hoc zuqc nyaiv nyei sic,
• yaac maiv zuqc aengx jangx laaix zoux auv-guaav zuqc mienh daanh nyei jauv.
• ⁵ Weic zuqc Zeix Meih Daaih Wuov Dauh se meih nyei nqox.
• Ninh nyei mbuox se Nernh Jiex nyei Ziouv.
• I^saa^laa^en nyei Cing-Nzengc Tin-Hungh se Zuoqc Meih Wuov Dauh.
• Mienh heuc ninh benx gormx lungh ndiev nyei Tin-Hungh.
• ⁶ Ziouv heuc meih
• hnangv zuqc leih guangc, hnyouv mun, hnyouv nzauh nyei auv,
• hnangv hnyangx-jeiv lunx nyei auv zuqc leih guangc.”
• Naaiv se meih nyei Tin-Hungh gorngv nyei waac.
• ⁷ “Yie guangc meih dangh baav hnangv,
• mv baac yie za'gengh oix korv-lienh meih, dorh meih nzuonx.
• ⁸ Yie ga'qiex baetv cuotv
• ziouc bingx yie nyei hmien maiv mangc meih nduqc dangh hnangv,
• mv baac yie yietc liuz oix hnamv meih,
• korv-lienh meih.”
• Ziouv, dongh Zuoqc Meih Wuov Dauh, hnangv naaiv nor gorngv.
• ⁹ “Naaiv deix sic weic yie se hnangv Noyaa nyei lungh ndiev.
• Wuov zanc yie laengz maiv bun mbiungc-suiv-imx aengx yiemx lungh ndiev
• hnangv yiem Noyaa nyei ziangh hoc yiemx nor. * Tin Deic Douh 9:8-17
• Yie yaac hnangv wuov nor houv waac yie maiv aengx qiex jiez meih,
• yie yaac maiv hemx meih.
• ¹⁰ Maiv gunv domh mbong zuqc zorqv nqoi,
• fiuv-mbong zuqc ndanc dongz,
• yie oix yietc liuz ziepc zuoqv nyei hnamv meih, maiv bungx ndortv.
• Yie laengz baengh orn nyei ngaengc waac yietc liuz maiv leih nqoi meih.” * Fai “meih maiv zuqc ndanc dongz”.
• Naaiv se Ziouv, dongh korv-lienh meih wuov dauh, gorngv nyei waac.

Nqa'haav Hingv Nyei Ye^lu^saa^lem

• ¹¹ “O zuqc kouv, zuqc domh nziaaux buonc mingh buonc daaih
• yaac maiv duqv orn hnyouv nyei zingh aah!
• Yie oix longc la'bieiv maeng-mbuov ceix meih jiez, * Naaiv joux Hipv^lu waac se maiv nangh mengh.
• longc mbanv mbuov nzang nyei la'bieiv-jaaix liepc meih nyei gorn-ndoqv. * Laauc Yaangh 21:18-21
• ¹² Yie oix longc la'bieiv-jaaix siqv nyei, nzang nyei, zoux meih nyei laauh,
• longc njang nyei, nzang nyei la'bieiv zoux meih nyei zingh gaengh,
• yaac longc la'bieiv-jaaix zoux meih nyei yietc zungv zingh laatc.
• ¹³ Yie, Ziouv, oix njaaux meih nyei yietc zungv naamh nyouz.
• Meih nyei naamh nyouz yaac oix duqv baengh orn camv. * Yo^han 6:45
• ¹⁴ Meih oix kaux baengh fim nyei jauv liepc wuonv.
• Meih duqv leih nqoi zuqc zeix nyei jauv
• weic zuqc meih maiv zuqc gamh nziex.
• Haeqv mienh gamh nziex nyei sic leih meih go,
• weic zuqc haeqv mienh nyei sic maiv daaih nitv fatv meih.
• ¹⁵ Se gorngv haaix dauh coqv mienh gapv zunv mborqv meih
• se maiv zeiz yie zoux.
• Haaix dauh daaih mborqv meih,
• wuov dauh zungv oix laaix meih zuqc suei.
• ¹⁶ “Mangc maah! Yie zeix hlieqv-zaangc.
• Ninh biomv douz-taanx cuotv douz-mbietc,
• yaac zoux cuotv wuoqc ginc puix
• oix zuqc longc wuoqc ginc zoux nyei gong.
• Yie yaac zeix cuotv zoux mietc nyei mienh weic zoux waaic.
• ¹⁷ Zoux cuotv hoic meih nyei wuoqc ginc maiv haih hoic maiv zuqc.
• Da'faanh gox meih nyei mienh, meih haih bun ninh mbuo zuqc dingc zuiz.
• Naaiv se Ziouv nyei bou nzipc daaih nyei buonc.
• Yie yaac bun ninh mbuo duqv baengh fim nyei jauv.”
• Naaiv se Ziouv gorngv nyei waac.