Tin-Hungh Oix Dingc
E^ti^o^bie Nyei Zuiz

• ¹ Yiem wuov ngaanc ziqc E^ti^o^bie nyei ndaaih
• maaih ndaatv ndatc ndatc mbui * Fai jopv-nyeic. nyei deic-bung oix zuqc kouv aqv. * Se^fan^yaa 2:12
• ² Dongh longc cie-doix yienh miev zoux nzangv
• fungx douc fienx mienh gan koiv mingh wuov norm deic-bung.
• Meih mbuo siepv haic nyei douc fienx mienh aah! Mingh aqv.
• Mingh lorz yietc fingx hlo hlang nyei, ndopv mbiaangc nyei mienh.
• Benx yietc fingx dongh yiem go yiem fatv nyei mienh gamh nziex,
• se yietc fingx henv nyei mienh, kungx oix duqv hingh hnangv.
• Ninh mbuo nyei deic-bung maaih ndaaih bun nqoi.
• ³ Meih mbuo lungh ndiev nyei zuangx mienh,
• se yiem ndau-beih nyei mienh aah!
• Yiem mbong liepc geh wuov zanc,
• meih mbuo oix zuqc mangc.
• Haiz biomv jorng nyei qiex mbui, oix zuqc muangx!
• ⁴ Ziouv hnangv naaiv gorngv mbuox yie,
• “Yie oix yiem yie nyei dorngx sekv-sekv nyei mangc,
• hnangv lungh nzang nyei nyutc douz,
• hnangv siou gaeng-zuangx nyei ziangh hoc
• yuoqv nyei hnoi nyei mbiungc-suiv mouc.”
• ⁵ Weic zuqc maiv gaengh siou nyei ziangh hoc,
• nqoi biangh ziec liuz,
• biangh yaac benx oix zuoqc nyei a'ngunc biouv,
• ninh oix longc njiuv japv nqoi hmei-cunx,
• aengx hngaqv guangc louc mingh nyei hmei-nquaah.
• ⁶ Ninh oix guangc ninh mbuo bun yiem mbong nyei domh jaangv nyanc,
• yaac bun lomc nyei hieh zoih nyanc.
• Nqaai gorng maaih nyanc ga'naaiv-daic nyei norqc nyanc,
• dong-gen maaih hieh zoih daaih betv.

⁷ Taux wuov zanc, maaih mienh oix dorh zingh nyeic daaih bun Nernh Jiex nyei Ziouv.

• Se yietc fingx hlo hlang nyei, ndopv mbiaangc nyei mienh.
• Benx yietc fingx dongh yiem go yiem fatv nyei mienh gamh nziex.
• Se yietc fingx henv nyei mienh, kungx oix duqv hingh hnangv.
• Ninh mbuo nyei deic-bung maaih ndaaih bun nqoi.

Ninh mbuo oix dorh zingh nyeic daaih taux Si^on Mbong, se liepc Nernh Jiex nyei Ziouv nyei Mengh nyei dorngx.