Mo^apc Maiv Lamh Hnamv Dorngx

• ¹ Meih mbuo oix zuqc fungx ba'gi yungh dorn mingh
• bun gunv deic-bung wuov dauh,
• yiem Se^e^laa yangh deic-bung-huaang
• mingh taux Si^on Mbong * Hipv^lu waac gorngv Si^on nyei Sieqv.
• ² Mo^apc Mienh * Hipv^lu waac gorngv Mo^apc nyei sieqv. yiem Aannon Ndoqv nyei jauv-bouc,
• hnangv ndaix jienv nyei norqc,
• hnangv zuqc zunc cuotv lauz nyei norqc dorn.

³ Ninh mbuo mbuox Yu^ndaa Mienh,

• “Tov tengx yie mbuo hnamv,
• tengx yie mbuo dingc. * Fai “tov zoux baengh fim nyei”.
• Tov bun meih nyei dongh linh torngv
• hnangv lungh ziangx aanx benx lungh muonz zanc nyei hmuangx.
• Tengx bingx zuqc zunc nyei mienh,
• maiv dungx maaic biaux sic mienh.
• ⁴ Tov bun zuqc zunc cuotv nyei
  Mo^apc Mienh
• caux meih mbuo yiem,
• tov zoux ninh mbuo bingx nyei dorngx
• weic biaux ndutv oix mietc yie mbuo wuov dauh.”
• Zeix mienh wuov dauh jiex wuov zanc,
• zuqc mietc nyei jauv yaac dingh mi'aqv,
• yiem guoqv gu'nyuoz zeix mienh wuov dauh yaac maiv buatc mi'aqv.
• ⁵ Nqa'haav maaih dauh Ndaawitv nyei zeiv-fun * Hipv^lu waac gorngv “yiem Ndaawitv nyei ndopv-liuh”.
• longc ziepc zuoqv hnamv mienh nyei jauv liepc hungh weic.
• Ninh oix zueiz jienv ziepc zuoqv nyei gunv,
• ninh oix siemv zuiz yaac lorz baengh fim nyei jauv,
• yaac siepv-siepv nyei zoux horpc.
• ⁶ Yie mbuo haiz gorngv Mo^apc Mienh maux haic,
• za'gengh maux jiex ndaangc.
• Ninh mbuo ceng-hlo bungx waac-maux qiex jiez,
• mv baac ninh mbuo bungx nyei waac-maux benx kungx-waac.
• ⁷ Weic naaiv Mo^apc Mienh qaqv nyiemv,
• dauh dauh weic Mo^apc nyiemv mbui nyei.
• Ninh mbuo nzauh nyiemv kouv haic
• weic Kin Haa^le^setv nyei a'ngunc biouv-nqaai njuov.
• ⁸ Hetv^mbon nyei ndeic nqaai nzengc,
• Sipc^maa nyei a'ngunc hmei * Janx-Kaeqv waac gorngv puh tau. yaac nqaai.
• Gunv ziex norm guoqv nyei hungh
• zoux waaic gauh longx jiex nyei a'ngunc nquaah,
• dongh ndaauv mingh taux Yaase,
• aengx jiex mingh taux deic-bung-huaang.
• Nquaah nyei cunx hiaangx jienv mingh,
• zungv jiex wuov ngaanc ziqc koiv.
• ⁹ Weic naaiv yie nyiemv hnangv Yaase Mienh,
• weic Sipc^maa nyei a'ngunc hmei nyiemv.
• Hetv^mbon caux E^le^aa^le aac,
• yie nyei wuom-mueic oix liouc njiec bun meih ndorn.
• Njien-youh nyei heuc jienv * Maaih deix sou gorngv “maaih mborqv jaax nyei qiex mbui”. siou biouv-zuoqc
• caux laangh ziqc nyei qiex sekv nzengc mi'aqv.
• ¹⁰ Yiem biouv nyei huingx njien-youh orn-lorqc nyei jauv zuqc zorqv mi'aqv.
• Yiem a'ngunc huingx maiv maaih haaix dauh baaux nzung fai heuc,
• yiem a'ngunc diuv nyei zorngh maiv maaih haaix dauh nyueih a'ngunc biouv,
• weic zuqc yie, Tin-Hungh, bun heuc nyei qiex sekv.
• ¹¹ Weic naaiv yie nyei hnyouv nzauh nyiemv Mo^apc. * Hipv^lu waac aengx gorngv “hnangv daanh baah nyei qiex”.
• Yie nyei hnyouv ndo jiex nyei dorngx yaac weic Kin Haa^le^setv nyiemv.
• ¹² Mo^apc Mienh mingh yiem hlang zaangc zienh nyei dorngx,
• ninh mbuo kungx zoux bun ganh kouv hnangv.
• Ninh mbuo mingh taux ninh mbuo nyei zienh nyei dorngx daux gaux,
• ninh mbuo maiv duqv haaix nyungc.

¹³ Naaiv se Ziouv jaa-ndaangc gorngv taux Mo^apc nyei waac. ¹⁴ Mv baac ih zanc Ziouv gorngv, “Jiex liuz buo hnyangx, ziux cingv gong nyei hnyangx-soux buangv, Mo^apc nyei njang-laangc caux ninh nyei zuangx mienh camv zungv zuqc mangc piex. Duqv maengc cuotv nyei mienh youc zoqc youc mau.”