I^saa^laa^en Mienh
Duqv Nzuonx Daaih

• ¹ Ziouv oix korv-lienh Yaakopv,
• aengx ginv I^saa^laa^en Mienh,
• bun ninh mbuo yiem njiec
• ninh mbuo ganh nyei deic-bung.
• Ganh fingx mienh yaac oix daaih caux jienv ninh mbuo yiem,
• aengx zorpc jienv Yaakopv nyei zeiv-fun.
• ² Ganh fingx mienh oix dorh ninh mbuo
• nzuonx taux ninh mbuo ganh nyei dorngx.
• I^saa^laa^en nyei zeiv-fun ziouc yiem Ziouv nyei deic-bung
• duqv ganh fingx mienh zoux ninh mbuo nyei nouh gauv nouh beiz.
• Ninh mbuo duqv guaatv daaih dongh zinh ndaangc guaatv ninh mbuo mingh wuov deix,
• yaac duqv gunv dongh zinh ndaangc zeix ninh mbuo wuov deix mienh.

³ Ziouv bun meih mbuo biaux ndutv zuqc mun, zuqc faanv lunc, zuqc aapv zoux gong kouv nyei sic ziouc duqv hitv wuov hnoi, ⁴ meih mbuo ziouc longc naaiv deix waac gorngv huotv Mbaa^mbi^lon nyei hungh diex.

• Zeix mienh nyei mienh wuov dauh sekv nzengc mi'aqv.
• Ninh doqc haic, ciouv haic nyei qaqv * Naaiv joux Hipv^lu waac se maiv nangc mengh. dingh mi'aqv.
• ⁵ Ziouv wuotv nauv orqv mienh nyei biaav,
• se zoux hlo wuov deix gunv mienh nyei lingc. * Faan zaqc Hipv^lu waac gorngv hungh biaav.
• ⁶ Ninh mbuo qiex jiez,
• maiv dingh liouh nyei mborqv ziex fingx mienh.
• Ninh mbuo nouz jienv gunv ziex norm guoqv,
• zoux doqc hoic mienh yaac maiv dingh.
• ⁷ Ziangh norm lungh ndiev duqv hitv kuonx, taaix-baengh mi'aqv.
• Mienh cuotv qiex baaux nzung.
• ⁸ Liemh saibatc zongh caux
  Le^mbaa^norn nyei si^ndaa zongh ndiangx,
• laaix meih njien-youh ziouc gorngv,
• “Yiem meih zuqc ndortv njiec mingh,
• maiv maaih goix ndiangx nyei mienh daaih goix yie mbuo.”
• ⁹ Yiemh gen a'hneiv nyei liuc leiz
• weic zipv meih njiec.
• Daic mingh wuov deix,
• se zinh ndaangc zoux lungh ndiev nyei bieiv zeiv wuov deix yietc zungv,
• jiez daaih zipv meih.
• Zoux jiex ziex guoqv nyei hungh wuov deix yietc zungv
• yiem ninh mbuo nyei weic jiez sin daaih.
• ¹⁰ Ninh mbuo yietc zungv oix gorngv
• yaac gorngv mbuox meih,
• “Meih ih zanc mau hnangv yie mbuo nor,
• meih se hnangv yie mbuo aqv.”
• ¹¹ Meih nyei njang-laangc caux
• meih nyei daanh baah nyei qiex
• zuqc njiec taux yiemh gen.
• Dimc meih ga'ndiev se gaeng-mau,
• meih homc nyei se gaeng-junv.
• ¹² O lungh ndorm nyei hleix, lungh ndorm nziouv nyei dorn aah!
• Meih yiem wuov lungh zuqc ndortv njiec.
• Meih zoux bun ziex norm guoqv zuqc baaic,
• ih zanc meih zuqc pai njiec taux ndau. * Laauc Yaangh 8:10 ; 9:1
• ¹³ Meih yiem hnyouv gorngv,
• “Yie oix faaux gu'nguaaic lungh,
• gauh hlang jiex Tin-Hungh nyei zuangx hleix.
• Yie oix liepc yie nyei weic yiem wuov norm hlang nyei dorngx.
• Yie oix zueiz jienv gapv zunv nyei wuic nyei mbong,
• se yiem baqv bung go jiex nyei dorngx. * Matv^taai 11:23 ; Lugaa 10:15
• ¹⁴ Yie oix faaux taux mbuonx gu'nguaaic.
• Yie oix bun yie ganh caux Yiem Hlang Jiex Wuov Dauh fih ndongc.”
• ¹⁵ Daaux nzuonx meih zuqc njiec yiemh gen,
• se taux kuotv ndo jiex nyei dorngx.
• ¹⁶ Buatc meih wuov deix oix qaqv mangc meih
• yaac yiem hnyouv hnamv taux meih,
• “Se dongh naaiv laanh mienh bun baamh gen zuqc ndanc dongz,
• yaac nqamv dongz ziex norm guoqv fai?
• ¹⁷ Bun lungh ndiev benx ndau-huaang,
• bun zingh mbienv nzengc,
• yaac maiv bungx guaatv daaih nyei mienh nzuonx biauv
• se dongh naaiv dauh fai?”
• ¹⁸ Zuangx guoqv nyei yietc zungv hungh diex zangx duqv maaih mengh dauh,
• gorqv-mienh yiem gorqv-mienh nyei zouv.
• ¹⁹ Mv baac meih zuqc zoi guangc,
• maiv duqv zangx ganh nyei zouv,
• hnangv gamh nziev nyei ga'naaiv-daic * Naaiv se gan Gikc waac nyei sou. Hipv^lu waac gorngv “hnangv gamh nziev nyei nquaah”. nor.
• Meih nyei lui se daic mingh nyei mienh,
• dongh zuqc nzuqc ndaauv nzopv nyei mienh.
• Se zuqc ndortv njiec ndo haic, maaih la'bieiv nyei kuotv,
• benx zuqc mienh caaiv nyei sei.
• ²⁰ Meih maiv duqv caux hungh zangx,
• weic zuqc meih baaic waaic meih nyei guoqv,
• yaac daix meih nyei baeqc fingx.
• Orqv mienh nyei zeiv-fun aah!
• Mienh yietc liuz maiv nzamc taux.
• ²¹ Oix zuqc liuc leiz daix ninh nyei fun-faqv
• laaix ninh mbuo nyei ong-taaix zoux nyei zuiz.
• Gamh nziex ninh mbuo jiez daaih duqv nzengc baamh gen,
• aengx liepc zingh buangv lungh ndiev.

Tin-Hungh Oix Mietc Mbaa^mbi^lon

• ²² Nernh Jiex nyei Ziouv gorngv,
• “Yie oix jiez daaih mborqv ninh mbuo.
• Yie yaac oix pai guangc Mbaa^mbi^lon nyei mengh
• caux duqv maengc cuotv, zengc njiec nyei mienh,
• yaac pai guangc ninh nyei dorn-jueiv zeiv-fun.”

Naaiv se Ziouv gorngv nyei waac.

• ²³ “Yie oix bun Mbaa^mbi^lon benx njaangh,
• benx norqc guv long * Fai ndienh nzeic. yiem nyei dorngx.
• Yie oix bun zuqc mietc hnangv longc gaanv puotv njang nzengc.”
• Naaiv se Nernh Jiex nyei Ziouv gorngv nyei waac.

Tin-Hungh Oix Mietc Atc^si^lie

²⁴ Nernh Jiex nyei Ziouv houv jienv hnangv naaiv nor gorngv,

• “Yie daav nyei za'eix za'gengh oix hnangv wuov nor zoux cuotv.
• Yie hnangv haaix nor dingc, za'gengh oix hnangv wuov nor cuotv daaih. * I^saa^yaa 10:5-34 ; Naa^hum 1:1-3:19 ; Se^fan^yaa 2:13-15
• ²⁵ Yie oix mborqv baaic yiem yie nyei deic-bung nyei Atc^si^lie Mienh.
• Yiem yie nyei norm-norm mbong yie oix caaiv ninh mbuo njiec.
• Atc^si^lie Mienh bun yie nyei baeqc fingx, I^saa^laa^en Mienh,
• gaaz nyei ndiangx-gaaz yie oix zorqv nqoi,
• ninh mbuo zuqc ndaam nyei ndaamx
• yie yaac bouh njiec mba'dauh.”1 ²⁶ Naaiv se yie weic ziangh norm lungh ndiev dingc daaih nyei za'eix,
• naaiv se sung cuotv yiem maanc guoqv gu'nguaaic nyei buoz.
• ²⁷ Nernh Jiex nyei Ziouv dingc hnangv naaiv zoux,
• haaix dauh haih dangv jienv maiv bun zoux?
• Ninh nyei buoz sung cuotv daaih,
• maaih haaix dauh haih bun ninh hluotv nzuonx?

Tin-Hungh Oix Mietc
Fi^li^saa^die Mienh

²⁸ Aa^hatc Hungh guei seix wuov hnyangx, naaiv se yiem Tin-Hungh daaih nyei waac. * 2 Hungh Douh 16:20 ; 2 Zunh Doic Douh 28:27

• ²⁹ Meih mbuo Fi^li^saa^die Mienh aah! Meih mbuo yietc zungv maiv dungx a'hneiv
• weic mborqv meih mbuo wuov diuh biaav nauv.
• Weic zuqc yietc diuh naang * Faan zaqc Hipv^lu waac gorngv naang nyei gorn. oix cuotv diuh naang-doqc.
• Nqa'haav aengx cuotv diuh jung-hungh ndaix. * Maaih deix sou gorngv “maaih douz nyei jung-hungh ndaix”. * Ye^le^mi 47:1-7 ;
  E^se^ken 25:15-17 ; Yo^en 3:4-8 ; Aamotv 1:6-8 ; Se^fan^yaa 2:4-7 ; Se^kaa^li^yaa 9:5-7
• ³⁰ Gauh jomc jiex nyei mienh * Maaih deix sou faan daaih gorngv “Mienh jomc mienh nyei dorn-la'gauv”. oix duqv nyanc,
• dangx-donx mienh duqv baengh orn nyei bueix,
• mv baac yie oix bun meih mbuo Fi^li^saa^die Mienh, * Hipv^lu waac gorngv meih mbuo nyei nzungh. ngorc hnaangx daic.
• Duqv maengc cuotv nyei mienh yie oix daix daic.
• ³¹ O Fi^li^saa^die nyei zuangx mienh aah! Yiem meih mbuo nyei zingh gaengh qaqv nyiemv mbui nyei. * Faan zaqc gorngv “Zingh gaengh aah! Oix zuqc nyiemv. Zingh aah! Oix zuqc heuc aqv.”
• Oix zuqc gamh nziex, mba'nziu yuqc nzengc,
• weic zuqc yiem baqv bung maaih douz-sioux cuotv daaih,
• ninh mbuo nyei guanh yaac maiv maaih yietc dauh lorqc nqaang.
• ³² Oix zuqc hnangv haaix nor dau
• wuov norm guoqv fungx daaih nyei douc fienx mienh?
• Oix zuqc mbuox ninh mbuo, “Ziouv liepc Si^on.
• Yiem ninh nyei baeqc fingx mbu'ndongx kouv nyei mienh,
• haih duqv yiem naaic maaih ndaauh kaux nyei dorngx.”