Go^me Maiv Ziepc Zuoqv,
I^saa^laa^en Mienh
Yaac Maiv Ziepc Zuoqv

¹ “Oix zuqc gorngv mbuox meih mbuo nyei youz, ‘Ammi,’ * Ammi nyei eix leiz se yie nyei baeqc fingx. yaac mbuox meih mbuo nyei muoc, ‘Lu^haa^maa,’ * Lu^haa^maa nyei eix leiz se duqv Tin-Hungh korv-lienh.

• ² “Meih mbuo oix zuqc qaqv tov meih mbuo nyei maa. Za'gengh oix zuqc qaqv tov, * qaqv tov fai hniev-hniev nyei gorngv.
• weic zuqc ninh maiv zeiz yie nyei auv,
• yie yaac maiv zeiz ninh nyei nqox.
• Oix zuqc heuc ninh guangc nqoi maaic sin nyei hmien-mueic,
• yaac guangc nqoi ninh hienx nqox nyei jauv. * Hipv^lu waac yaac tipv waac gorngv “...nyei jauv, yiem ninh nyei i norm nyorx mbu'ndongx-qangx”.
• ³ Maiv zei aeqv, yie oix ciev ninh nyei lui-houx,
• bun ninh laengh gaengv nyei yiem hnangv ninh cuotv seix wuov hnoi.
• Yie yaac oix bun ninh hnangv deic-bung-huaang,
• zoux bun ninh benx mborngx nqaai nyei ndau,
• yaac bun ninh jaang nqaatv taux daic.
• ⁴ Yie yaac maiv korv-lienh ninh nyei fu'jueiv
• weic zuqc ninh mbuo se maaic sin mienh duqv daaih nyei fu'jueiv.
• ⁵ Ninh mbuo nyei maa mingh maaic sin.
• Duqv ninh mbuo daaih wuov dauh maa zoux nyaiv haic nyei sic.
• Ninh gorngv, ‘Yie mingh gan hnamv yie wuov deix,
• dongh bun hnaangx bun wuom yie,
• bun ba'gi yungh biei caux la'maah ndie yie,
• yaac bun ga'lanv youh caux a'ngunc diuv.
• ⁶ Weic naaiv yie oix longc njimv-m'njormh mbiorngz jienv ninh nyei jauv,
• yie yaac oix zoux laatc dangv jienv ninh,
• ninh ziouc lorz maiv buatc jauv mingh.
• ⁷ Ninh oix zunc ninh hnamv wuov deix mv baac zunc maiv zaaic.
• Ninh oix lorz ninh mbuo mv baac lorz maiv buatc.
• Ninh ziouc gorngv, ‘Yie mingh aqv.
• Yie mingh lorz yie nyei loz-nqox,
• weic zuqc wuov zanc yie duqv gauh longx ih zanc.’
• ⁸ Ninh maiv hiuv duqv se dongh yie bun mbiauh,
• a'ngunc diuv caux ga'lanv youh,
• aengx jaa tipv jiem nyaanh camv nyei bun ninh,
• dongh ninh mbuo longc weic zaangc Mbaa^an zienh.
• ⁹ Weic naaiv taux siou mbiauh nyei ziangh hoc,
• caux zoux ziangx siang-a'ngunc diuv nyei ziangh hoc,
• yie oix zorqv nzuonx.
• Yie nyei ba'gi yungh biei caux la'maah ndie,
• dongh longc buang jienv ninh laengh gaengv nyei sin,
• yie yaac oix zorqv nzuonx.
• ¹⁰ Ih zanc yie oix yiem dongh ninh hnamv wuov deix nyei nza'hmien
• biux mengh ninh zoux laih hlopv nyei sic,
• yaac maiv maaih haaix dauh njoux ninh
• biaux ndutv yie nyei buoz-ndiev.
• ¹¹ Yie oix bun ninh yietc zungv njien-youh nyei jauv baac mi'aqv,
• se ninh jiex nyei zipv, ninh bieqc Siang-Hlaax nyei zipv, ninh nyei Dingh Gong Hnoi,
• caux ninh nyei yietc zungv dingc daaih nyei zipv.
• ¹² Yie yaac oix zoux waaic ninh nyei a'ngunc hmei caux ninh nyei ngongh nyorx ndiangx,
• dongh ninh gorngv, ‘Naaiv se hnamv yie wuov deix bun yie weic cingv yie.’
• Yie ziouc bun wuov deix ndiangx benx lomc.
• Lomc-huaang nyei hieh zoih ziouc naqv nzengc naaiv deix ndiangx.
• ¹³ Yie oix dingc ninh nyei zuiz,
• weic ninh jiex zipv nyei hnoi buov hung bun Mbaa^an zienh,
• yaac weic ninh dangh jienv buoz-ndoqv-nzaeng * Fai m'normh hiun. caux siou-setv
• mingh gan hnamv ninh wuov deix
• yaac la'kuqv yie.”
• Naaiv se Ziouv gorngv nyei waac.

Ziouv Hnamv Ninh Nyei Baeqc Fingx

• ¹⁴ Weic naaiv mangc maah! Yie oix yuoqc ninh,
• dorh ninh bieqc deic-bung-huaang
• gorngv orn hnyouv nyei waac.
• ¹⁵ Yiem wuov yie oix zorqv a'ngunc huingx bun ninh,
• aengx zorqv Aako Horngz * Aako nyei eix leiz se zeqc naanc. benx maaih lamh hnamv nyei gaengh.
• Ninh ziouc dau * dau fai baaux nzung. hnangv ninh lunx nyei ziangh hoc,
• hnangv yiem I^yipv cuotv daaih nyei ziangh hoc.” * Yo^su^waa 7:24-26
• ¹⁶ Ziouv gorngv, “Taux wuov hnoi
• meih oix heuc yie, ‘Yie nyei nqox.’
• Yiem naaiv mingh meih maiv heuc yie zoux, ‘Yie nyei Mbaa^an.’
• ¹⁷ Weic zuqc yie oix zorqv Mbaa^an zienh nyei mbuox cuotv ninh nyei nzuih,
• ninh ziouc maiv aengx heuc naaiv deix mbuox.
• ¹⁸ Taux wuov zanc yie oix weic ninh * ninh fai ninh mbuo gorngv zuqc ninh nyei baeqc fingx.
• caux lomc-huaang nyei hieh zoih, caux ndaamv-lungh nyei norqc,
• caux nyorng ndau nyei ga'naaiv liepc jiez ngaengc waac.
• Yie yaac oix wuotv nauv * Hipv^lu waac gorngv wuotv nauv. Maaih deix sou faan daaih gorngv mietc.
• yiem guoqv gu'nyuoz nyei juang-zinx caux nzuqc ndaauv,
• yaac bun mborqv jaax nyei jauv dangx.
• Yie yaac oix bun ninh baengh orn nyei bueix njiec.
• ¹⁹ Yie oix gorngv ziangh meih, bun meih yietc liuz benx yie nyei auv.
• Yie oix longc zoux horpc nyei jauv, baengh fim nyei,
• ziepc zuoqv hnamv mienh nyei hnyouv
• caux korv-lienh nyei hnyouv gorngv ziangh meih.
• ²⁰ Yie oix ziepc zuoqv nyei gorngv ziangh meih.
• Meih ziouc hiuv duqv yie, Ziouv. ”
• ²¹ Ziouv gorngv, “Taux wuov hnoi yie oix dau lungh,
• lungh ziouc dau ndau. * Naaiv deix i yiemc gorngv taux Tin-Hungh ei ninh caux I^saa^laa^en Mienh laengz nyei ngaengc waac zoux. Hipv^lu waac gorngv dau camv-nzunc. Eix leiz se ziux mienh tov nyei waac Tin-Hungh bun lungh duih mbiungc tengx ndau, ndau yaac cuotv ga'naaiv.
• ²² Ndau yaac oix dau mbiauh,
• a'ngunc diuv caux ga'lanv youh.
• Naaiv deix yaac oix dau Yitv^le^en. * Yitv^le^en nyei eix leiz se Tin-Hungh zuangx. Yiem naaiv ninh mbuo longc gorngv taux yietc fingx I^saa^laa^en Mienh.
• ²³ Yie oix weic yie ganh zorqv ninh
• zuangx jienv naaiv norm deic-bung.
• Yie ziouc korv-lienh Lo Lu^haa^maa * Beiv mangc Ho^se^yaa 1:6 . yaac gorngv mbuox Lo Ammi, * Beiv mangc Ho^se^yaa 1:9 .
• ‘Meih se yie nyei baeqc fingx.’
• Ninh ziouc gorngv, ‘Meih se yie nyei Tin-Hungh.’ * Lomaa 9:25 ; 1 Bide 2:10