Tin-Hungh Hnamv Ninh
Hnyouv Ngaengc Nyei Baeqc Fingx

• ¹ “I^saa^laa^en hnyangx-jeiv lunx nyei ziangh hoc
• yie hnamv ninh,
• yaac heuc yie nyei dorn yiem
  I^yipv cuotv daaih. * Cuotv I^yipv 4:22 ; Matv^taai 2:15
• ² Yie yietc zei heuc ninh mbuo,
• ninh mbuo yietc zei leih go yie.
• Ninh mbuo zanc-zanc fongc horc ziec bun Mbaa^an zienh,
• yaac buov hung bun miuc-fangx.
• ³ Mv baac se dongh yie njaaux
  E^faa^im yangh jauv,
• yie longc yie * Gikc waac gorngv yie. Hipv^lu waac gorngv ninh. nyei buoz hlorpv jienv ninh mbuo,
• ninh mbuo yaac maiv hiuv duqv se yie zorc ninh mbuo longx.
• ⁴ Yie longc korv-lienh mienh nyei hnyouv zoux hlaang * Hipv^lu waac gorngv baamh mienh. ken ninh mbuo,
• yaac longc hnamv mienh nyei hnyouv zoux kou kou jienv ninh mbuo.
• Yie bun ninh mbuo nyei ndiangx-gaaz * Hipv^lu waac gorngv “...yiem ninh mbuo nyei haah baah mbungv...” heng njiec,
• yaac ndoqv njiec uix ninh mbuo.
• ⁵ Ninh mbuo oix zuqc nzuonx * Maaih deix sou faan daaih gorngv maiv kangv nzuonx.
  I^yipv Deic-Bung,
• Atc^si^lie duqv gunv ninh mbuo, * Faan zaqc gorngv “duqv zoux ninh mbuo nyei hungh”.
• laaix ninh mbuo maiv kangv nzuonx daaih lorz yie.
• ⁶ Mienh oix longc nzuqc ndaauv yiem ninh mbuo nyei zingh mborqv jaax,
• baaic waaic ninh mbuo nyei zingh nyei gaengh sorn,
• yaac laaix ninh mbuo caangh laangh daav nyei za'eix * Fai “yaac yiem ninh mbuo weih wuonv nyei dorngx”.
• bun ninh mbuo zuqc mietc.
• ⁷ Yie nyei baeqc fingx kungx maaih hnyouv oix leih nqoi yie,
• ninh mbuo ziouc zuqc dingc ziangx oix zuqc gaaz ndiangx-gaaz,
• yaac maiv maaih haaix dauh haih tengx ninh mbuo zorqv nqoi. * Naaiv deix Hipv^lu waac se maiv nangc mengh. Maaih deix sou faan daaih gorngv “maiv gunv ninh mbuo heuc Yiem Hlang Jiex Wuov Dauh, ninh maiv tengx bouh ninh mbuo faaux yietc deix”.
• ⁸ “E^faa^im aah! Yie hnangv haaix nor haih bungx guangc meih?
• I^saa^laa^en aah! Yie hnangv haaix nor haih zorqv meih jiu bun ganh dauh?
• Yie hnangv haaix nor haih bun meih hnangv Atc^maa?
• Yie hnangv haaix nor haih zoux bun meih hnangv zoux bun Se^mbo^yim? * Nzamc Leiz-Latc 29:23
• Yie nyei hnyouv faanv-fei lunc,
• weic zuqc yie za'gengh korv-lienh ninh mbuo.
• ⁹ Yie maiv ei yie qiex jiez haic nyei jauv zoux bun meih mbuo.
• Yie maiv aengx mietc E^faa^im,
• weic zuqc yie se Tin-Hungh,
  maiv zeiz baamh mienh.
• Yie se yiem meih mbuo mbu'ndongx nyei Cing-Nzengc Tin-Hungh.
• Yie yaac maiv zeiz qiex jiez nyei daaih lorz meih mbuo. * Fai mietc meih mbuo. Hipv^lu waac gorngv caux youh jienv mingh.
• ¹⁰ Ninh mbuo oix gan jienv Ziouv,
• ninh oix hnangv sienh nor njunh.
• Zeiz nyei, ninh za'gengh oix njunh.
• Ninh nyei naamh nyouz ziouc yiem fai bung
• sin zinx jienv daaih.
• ¹¹ Ninh mbuo ziouc sin zinx jienv daaih hnangv I^yipv daaih nyei norqc,
• yaac hnangv yiem Atc^si^lie daaih nyei baeqc gopv.
• Yie oix dorh ninh mbuo nzuonx ninh mbuo ganh nyei biauv.”
• Naaiv se Ziouv gorngv nyei waac.

I^saa^laa^en Caux Yu^ndaa
Zuqc Dingc Zuiz

• ¹² E^faa^im longc gorngv-baeqc nyei waac,
• I^saa^laa^en longc guv guaix nyei jauv weih jienv yie.
• Yu^ndaa ngaengc Tin-Hungh, * Gikc waac gorngv
  “Yu^ndaa caux Tin-Hungh youh mingh youh daaih”.
• se ngaengc jienv ziepc zuoqv nyei Cing-Nzengc Tin-Hungh. * Maaih deix sou faan daaih gorngv “mv baac Yu^ndaa corc caux Tin-Hungh youh mingh youh daaih, yaac ziepc zuoqv nyei gan Cing-Nzengc Wuov Dauh”.