• ¹ Yie oix souv jienv siouv gaeng nyei dorngx
• yiem laauh gu'nguaaic mangc.
• Mangc gaax Ziouv oix gorngv haaix nyungc mbuox yie,
• yie yaac oix zuqc hnangv haaix nor dau naaiv deix ngopv nyei waac?
  
  

Ziouv Dau Haa^mbaa^gukc

² Ziouv hnangv naaiv dau yie,

• “Zorqv naaiv deix laauc yaangh nyei sic,
• fiev jienv mengh nyei yiem la'bieiv-benv,
• bun tiux nyei mienh hec duqv doqc.
• ³ Weic zuqc naaiv deix laauc yaangh nyei sic
• corc zuov taux dingc ziangx nyei ziangh hoc cingx daaih cuotv.
• Wuov deix ziangh hoc oix siepv-siepv nyei taux,
• yaac za'gengh zien nyei. * Faan zaqc gorngv maiv gorngv-baeqc fai maiv jaav.
• Se gorngv buatc ngaih nor, oix zuqc zuov taux cuotv,
• ninh ndongc haaix zungv oix cuotv daaih,
• yaac maiv zaih jiex ndaangc. * Hipv^lu 10:37
• ⁴ “Mangc maah! Hnyouv maiv zingx nyei mienh zungv maiv duqv ziangh,
• mv baac caux Tin-Hungh horpc hnyouv nyei mienh,
• weic ninh sienx kaux Tin-Hungh * Fai weic ninh ziepc zuoqv. duqv ziangh jienv. * Lomaa 1:17 ; Gaa^laa^tie 3:11 ; Hipv^lu 10:38
• ⁵ Maiv daan mbuoqc naaiv. Zinh zoih * Fai diuv. nduov mienh zoux dorngc,
• zoux maux nyei mienh hnyouv maiv hiuv duqv sekv. * Fai maiv duqv yiem biauv. Naaiv deix i liouz Hipv^lu waac se maiv nangc mengh.
• Ninh mauv ga'naaiv nyei hnyouv hlo hnangv yiemh gen,
• beiv hnangv zuqc daic nyei qaqv yietc liuz maiv haih beuv.
• Ninh siou maanc guoqv mienh daaih weic ninh ganh,
• yaac zorqv maanc fingx mienh gapv zunv benx ninh nyei buonc.

Orqv Mienh Oix Zuqc Kouv

⁶ “Naaiv deix guoqv nyei mienh oix saac yaev aengx huotv dongh hingh ninh mbuo wuov deix maiv zeiz? Ninh mbuo gorngv,

• “‘Siou ga'naaiv camv-camv nyei
• yaac maiv zeiz ganh nyei ga'naaiv
• wuov nyungc mienh oix zuqc kouv aqv.
• Ninh mbuo hnangv naaiv zoux ndongc haaix lauh?
• Ninh mbuo yaac siou jienv mienh nyei dorngx-daauh ga'naaiv camv nyei.’
• ⁷ Qiemx zaeqv wuov deix maiv zeiz oix liemh zeih jiez daaih fai?
• Bun meih sin zinx wuov deix yaac maiv zeiz oix liemh zeih nyie fai?
• Meih ziouc zuqc ninh mbuo luv aqv.
• ⁸ Weic zuqc meih luv camv-norm guoqv nyei mienh,
• wuov deix guoqv zengc njiec nyei mienh ziouc oix daaih luv meih,
• laaix meih daix mienh bun nziaamv liouc cuotv,
• zoux doqc hoic lungh ndiev,
• se mietc zingh caux yiem zingh nyei yietc zungv mienh.
• ⁹ “Weic ganh nyei biauv zornc duqv maiv zingx nyei zinh zoih,
• weic yiem hlang nyei dorngx zoux ganh nyei lauz,
• hnamv daaih haih biaux ndutv zeqc naanc,
• naaiv nyungc mienh oix zuqc kouv aqv.
• ¹⁰ Mv baac meih daav nyei za'eix
• zoux bun meih nyei biauv zong mienh zuqc nyaiv.
• Weic zuqc meih bun camv-guoqv nyei baeqc fingx zuqc guangc maengc,
• meih ganh nyei maengc yaac oix zuqc guangc.
• ¹¹ Njongc nyei la'bieiv zungv oix heuc cuotv gorngv meih,
• biauv nyei haengh nyei ndiangx yaac oix dau.
• ¹² “Daix mienh bun nziaamv liouc cuotv weic liepc mungv,
• longc zoux zuiz nyei jauv weic liepc zingh,
• naaiv nyungc mienh oix zuqc kouv aqv.
• ¹³ Maanc guoqv mienh laauh luic zoux nyei se weic bun douz buov.
• Maanc fingx mienh zoux kouv yaac maiv duqv haaix nyungc.
• Hnangv naaic se maiv zeiz Nernh Jiex nyei Ziouv zoux fai?
• ¹⁴ Hiuv Ziouv nyei njang-laangc nyei mienh oix yiem buangv lungh ndiev,
• hnangv wuom buangv koiv nor. * I^saa^yaa 11:9
• ¹⁵ “Haaix dauh bun weih gormx nyei mienh hopv diuv
• yaac zorpc deix ndie-doqc * Fai qiex jiez nyei jauv. ziouc nquin mingh,
• weic mangc ninh mbuo laengh gaengv nyei sin,
• wuov dauh oix zuqc kouv aqv.
• ¹⁶ Meih ganh oix zuqc nyaiv taux ndiev,
• maiv zeiz duqv njang-laangc.
• Meih ganh hopv maah! Ziouc lungh lungh laih laih nyei. * Fai “bun cing maiv jiex gaatv nyei leiz”.
• Yiem Ziouv nyei mbiaauc jieqv buoz
• wuov norm zaanv oix guinh taux meih aqv.
• Meih nyei njang-laangc ziouc zuqc goiv benx nyaiv nyei sic.
• ¹⁷ Meih zoux doqc bun Le^mbaa^norn nyei sic oix winh bun meih.
• Hieh zoih zuqc mietc yaac oix haeqv meih gamh nziex, * Hipv^lu waac se maiv mengh.
• laaix meih daix mienh bun nziaamv liouc cuotv,
• zoux doqc hoic ndau-beih,
• hoic zingh caux yiem zingh nyei yietc zungv mienh.
• ¹⁸ “Miuc-fangx maaih haaix nyungc maaih lamh longc?
• Kungx benx mienh diu daaih,
• dox daaih nyei miuc-fangx,
• zoux gorngv-baeqc nyei waac nyei fin-saeng.
• Miuc-fangx maaih haaix nyungc maaih lamh longc?
• Zoux daaih nyei mienh kaux ninh ganh zoux daaih nyei ga'naaiv,
• se maiv haih gorngv waac nyei miuc-fangx? * Singx Nzung 135:15-18
• ¹⁹ Gorngv mbuox longc ndiangx zoux daaih nyei ga'naaiv, ‘Nyie daaih maah!’
• Yaac mbuox maiv haih gorngv waac nyei la'bieiv, ‘Gunv jiez sin daaih maah!’
• Naaiv nyungc mienh oix zuqc kouv aqv.
• Naaiv nyungc ga'naaiv haih njaaux haaix nyungc fai?
• Maaih jiem maaih nyaanh buang jienv ga'nyiec,
• gu'nyuoz yaac maiv maaih yietc deix tauv nyei qiex.
• ²⁰ Mv baac Ziouv yiem ninh nyei cing-nzengc nyei singx dinc.
• Bun lungh ndiev maanc mienh yiem ninh nyei nza'hmien nzieqc nzingz.”