Yaakopv Gorngv Zinh Hoz Waac

¹ Yaakopv heuc ninh nyei dorn mbuo daaih nzoih. Ninh gorngv, “Meih mbuo daaih gapv zunv yie naaiv. Yie oix gorngv nqa'haav hingv meih mbuo oix buangh nyei sic.

• ² “Yaakopv nyei dorn aac, meih mbuo daaih zunv muangx.
• Daaih muangx meih nyei die,
  I^saa^laa^en, gorngv.
• ³ “Lu^mben aac, meih zoux yie nyei dorn-hlo.
• Meih se yie nyei qaqv.
• Yie benx domh mienh duqv daaih nyei daauh dauh dorn.
• Meih zoux domh gorx,
• yietc buoqv dorn meih gauh maaih mengh jiex,
• meih yaac gauh henv.
• ⁴ Meih beiv hnangv wuom-seix nor, ziouc maiv duqv zoux hlo,
• weic zuqc meih bueix meih nyei die nyei auv-dorn,
• bun die nyei coux maaih uix.
• ⁵ “Si^me^on caux Lewi zoux i muoz.
• Ninh mbuo nyei nzuqc ndaauv se zoux doqc nyei wuoqc ginc.
• ⁶ Ninh mbuo daav za'eix, yie maiv caux ninh mbuo caangh laangh.
• Ninh mbuo gapv zunv nyei ziangh hoc, yie maiv caux ninh mbuo zoux doic,
• weic zuqc ninh mbuo qiex jiez daix mienh.
• Ninh mbuo sueih eix hngaqv ngongh gouv nyei domh luangc jaan dangx.
• ⁷ Laaix ninh mbuo qiex jiez, ciouv, ninh mbuo zuqc houv.
• Laaix qiex beqv, hnyouv doqc, ninh mbuo zuqc zioux.
• Yie oix bun ninh mbuo nzaanx mingh gormx I^saa^laa^en Deic-Bung,
• yaac oix bun ninh mbuo zorpc jienv I^saa^laa^en Mienh yiem.
• ⁸ “Yu^ndaa aac, meih nyei muoz-doic oix ceng meih.
• Meih longc meih nyei buoz nanv jienv meih nyei win-wangv nyei jaang.
• Meih nyei muoz-doic oix gueic njiec ndau baaix meih.
• ⁹ Yu^ndaa aac, meih se hnangv dauh sienh dorn nor. * Saauv Mienh 24:9 ; Laauc Yaangh 5:5
• Yie nyei dorn aac, meih cuotv mingh ngaatc orv aengx nzuonx meih nyei dorngx.
• Meih mbaapv njiec aengx bueix njiec hnangv sienh gouv.
• Hnangv sienh nyeiz nor, haaix dauh haih gaamv haeqv ninh nyie?
• ¹⁰ Yu^ndaa oix yietc liuz nanv jienv hungh diex nyei biaav.
• Ninh gunv mienh nyei biaav-mbiaac zungv maiv leih ninh nyei i jieqv zaux mbu'ndongx,
• zuov taux wuov diuh biaav-mbiaac nyei ziouv * ziouv fai Silo. daaih taux.
• Maanc fingx mienh yaac muangx ninh nyei waac.
• ¹¹ Ninh nyei lorh gouv ninh ndoh jienv a'ngunc hmei,
• lorh dorn ndoh jienv gauh longx jiex nyei a'ngunc hmei nquaah.
• Ninh oix longc a'ngunc diuv nzox ninh nyei lui-houx,
• longc a'ngunc wuom siqv nyei hnangv nziaamv nor, nzox ninh nyei lui-ndaauv. * Naaiv deix i yiemc beiv taux Yu^ndaa Deic benx ndau-touv longx nyei dorngx. A'ngunc biouv camv. Ndoh lorh sueih nyanc a'ngunc hmei yaac duqv. A'ngunc wuom yaac camv, zungv gaux longc nzox lui-houx.
• ¹² Weic hopv a'ngunc diuv, ninh nyei m'zing siqv,
• weic ninh hopv ngongh nyorx, ninh nyei nyaah yaac baeqc.
• ¹³ “Se^mbu^lun duqv yiem wuov koiv-hlen,
• benx norm nzangv-bouc bun nzangv dingh.
• Ninh nyei gapv-jaaix mingh daaux jienv Sai^ndorn Zingh.
• ¹⁴ “Itc^saax^kaa hnangv lorh nor henv,
• mbaapv njiec ninh nyei ba'gi yungh laanh * ba'gi yungh laanh fai dorx. mbu'ndongx.
• ¹⁵ Ninh buatc ninh hitv nyei dorngx longx,
• wuov norm deic-bung kuh yiem,
• ninh ziouc nyiex jienv ga'naaiv jutv-jutv nyei mingh,
• laengz zoux nouh bun mienh aapv zoux gong kouv.
• ¹⁶ “Ndaan oix baengh fim nyei siemv ninh nyei baeqc fingx.
• Ninh nyei fingx se yietc fingx
  I^saa^laa^en Mienh.
• ¹⁷ Ndaan oix benx diuh naang yiem wuov jauv,
• benx diuh naang-doqc yiem wuov jauv-hlen,
• nyorqv maaz nyei zaux,
  hoic geh maaz nyei mienh
• da'nziaaux faan, ndortv ga'ndiev ndau mingh.
• ¹⁸ “Ziouv aac, yie zuov jienv meih njoux yie.
• ¹⁹ “Gaatc oix zuqc guanh janx-zaqc caangv,
• mv baac ninh daaux sin zunc jienv nitv jienv zaux-nqo mingh.
• ²⁰ “Aa^se nyei deic-bung bungx-zuoqc, ga'naaiv-zuangx longx,
• haih zoux duqv puix hungh diex nyanc.
• ²¹ “Napv^taa^li benx dauh njaih nyeiz bungx wuov lomc,
• ninh njiec duqv dorn nzueic nyei. * Fai “gorngv waac kuh muangx nyei” fai “benx diuh ndiangx hiaangx nyei”.
• ²² “Yosepv se ziangh biouv camv nyei ndiangx-nquaah,
• se yiem wuom-zingv hlen ziangh biouv gitv nyei nquaah.
• Ninh nyei nquaah yaac yormc cuotv ga'nyiec ziqc laatc.
• ²³ Buonv juang-zinx nyei mienh daaih caux ninh mborqv jaax zoux doqc,
• buonv ninh, zoux hoic ninh.
• ²⁴ Mv baac ninh zaangv dingc ninh nyei juang-zinx.
• Ninh nyei buoz yaac maaih qaqv henv
• weic Yaakopv nyei Nernh Jiex nyei Tin-Hungh,
• weic Goux Ba'gi Yungh nyei Mienh,
• se I^saa^laa^en nyei La'bieiv.
• ²⁵ Weic meih nyei die nyei Tin-Hungh, dongh tengx meih wuov dauh,
• yaac weic Nernh Jiex nyei Tin-Hungh * Hipv^lu waac gorngv En Satv^ndai. ceix fuqv bun meih.
• Ninh bun gu'nguaaic nyei fuqv,
• ga'ndiev ndau nyei fuqv,
• caux maaih saeng-kuv caux duqv fu'jueiv nyei fuqv. * Hipv^lu waac gorngv “yiem nyorx caux saeng-yungz nyei fuqv”.
• ²⁶ Meih nyei die bun meih duqv nyei fuqv
• se gauh hlo jiex yietc liuz yiem nyei mbong
  duqv daaih nyei fuqv.
• Se gauh hlo jiex yie nyei ong-taaix bun daaih nyei fuqv. * Fai “se gauh dunh yunh jiex yietc liuz yiem nyei mbong-aiv”.
• Tov naaiv deix fuqv yiem Yosepv nyei m'nqorngv,
• yaac yiem zinh ndaangc leih ninh nyei muoz-doic wuov dauh nyei biorngh.
• ²⁷ “Mben^yaa^min hnangv dauh hieh juv cei orv,
• lungh ndorm nyanc ninh ngaatc daaih nyei orv,
• lungh hmuangx bun nqoi ninh caangv daaih nyei ga'naaiv.”

²⁸ Naaiv se I^saa^laa^en nyei ziepc nyeic fingx. Yaac ziux ninh mbuo nyei die buang nyei waac puix duqv ninh mbuo dauh dauh.

Yaakopv Guei Seix

²⁹ Yaakopv paaiv waac bun ninh nyei dorn mbuo, “Yie aav lamh guei seix aqv. * Beiv mangc Tin Deic Douh 25:8 . Oix zuqc dorh yie mingh caux yie nyei ong-taaix mbuo zangx jienv Hitv^tai Mienh, E^fo^lon, nyei ndau, ³⁰ Makv^be^laa, nyei mbaengx-kuotv. Naaiv deix ndau yiem Kaa^naa^an Deic-Bung, Mamle nyei dong bung maengx. Se Apc^laa^ham tengx wuov dauh Hitv^tai Mienh, E^fo^lon, maaiz wuov nzong ndau caux wuov norm mbaengx-kuotv zoux zouv-gemh. * Tin Deic Douh 23:3-20 ³¹ Apc^laa^ham caux ninh nyei auv, Saalaa, zangx wuov. * Tin Deic Douh 25:9-10
I^sakc caux ninh nyei auv, Le^mbe^kaa, yaac zangx wuov. * Tin Deic Douh 35:29 Yie yaac zangx Le^aa yiem wuov norm dorngx. ³² Wuov nzong ndau caux mbaengx-kuotv tengx Hitv^tai Mienh maaiz daaih.”

³³ Yaakopv paaiv waac mbuox liuz ninh nyei dorn mbuo, ninh bueix njiec coux * Hipv^lu waac gorngv hluotv zaux faaux coux. ziouc dangx qiex, guei seix mi'aqv. * Beiv mangc Tin Deic Douh 25:8 . * Gong-Zoh 7:15