Mose Buang Waac Bun
I^saa^laa^en Nyei Fingx-Fingx Mienh

¹ Naaiv se Tin-Hungh nyei mienh, Mose, maiv gaengh guei seix wuov zanc buang waac bun I^saa^laa^en Mienh. ² Ninh gorngv,

• “Ziouv yiem Sinaai Mbong daaih,
• yaac hnangv mba'hnoi yiem
  Se^i faaux daaih aengv ninh mbuo.
• Ninh yiem Baalaan Mbong ziux njang cuotv daaih.
• Yiem cin-cin waanc-waanc cing-nzengc nyei wuov deix daaih,
• yiem ninh nyei mbiaauc jieqv buoz maaih zieqc jienv nyei douz. * Naaiv joux Hipv^lu waac se maiv nangc mengh.
• ³ Ninh za'gengh hnamv ninh nyei baeqc fingx.
• Zuangx cing-nzengc mienh * Faan zaqc gorngv cing-nzengc wuov deix. Naaiv gorngv zuqc dongh benx ninh nyei mienh wuov deix. yiem ninh nyei buoz gu'nyuoz,
• ninh mbuo yietc zungv gueic njiec meih nyei zaux-hlen
• zipv meih paaiv nyei waac.
• ⁴ Mose zorqv leiz-latc jiu bun mbuo,
• benx Yaakopv nyei zeiv-fun nzipc nyei buonc.
• ⁵ Baeqc fingx nyei bieiv zeiv gapv zunv nyei ziangh hoc,
• fingx-fingx I^saa^laa^en Mienh yaac daaih nzoih,
• Ziouv zoux Ye^su^lun * Beiv mangc Nzamc Leiz-Latc 32:15 . Yiem 33:16 fih hnangv nyei. nyei hungh diex.

⁶Mose hnangv naaiv nor gorngv taux Lu^mben Fingx, * Hipv^lu waac maiv maaih naaiv deix waac mv baac eix leiz se hnangv naaiv nor. Yiem naaiv mingh Hipv^lu waac kungx gorngv Yaakopv nyei dorn nyei mbuox mv baac eix leiz se gorngv zuqc ninh mbuo nyei fingx.

• “Tov bun Lu^mben Fingx duqv ziangh jienv maiv daic,
• yaac maiv dungx bun ninh mbuo nyei mienh zoqc.”

⁷ Mose hnangv naaiv nor gorngv taux Yu^ndaa Fingx,

• “O Ziouv aac, tov muangx Yu^ndaa Fingx nyei qiex,
• tov dorh ninh mbuo bieqc daaih juangc wuov deix fingx. * Fai “Tov dorh ninh daaih duqv caux ninh ganh nyei buonv-fingx”.
• Ninh mbuo longc ganh nyei buoz weic ganh mborqv jaax.
• Tov tengx ninh mbuo mborqv hingh ninh mbuo nyei win-wangv.”

⁸ Mose hnangv naaiv nor gorngv taux Lewi Fingx,

• “Ziouv aac, meih nyei Ulim caux Tummim
• caux gan longx Tin-Hungh nyei mienh yiem. * Naaiv se gan Hipv^lu waac. Gikc waac gorngv “Zorqv meih nyei Ulim caux Tummim bun gan longx...”
• Yiem Matv^saax meih seix liuz ninh mbuo. * Cuotv I^yipv 17:7 ; Saauv Mienh 20:13
• Yiem Me^li^mbaa Wuom meih duqv caux ninh mbuo doix-dekc.
• ⁹ Lewi gorngv taux ganh nyei diex maac. Ninh gorngv,
• ‘Yie maiv hiuv duqv ninh mbuo aqv.’
• Ninh maiv jangx ninh nyei muoz-doic,
• yaac maiv nyiemc ninh ganh nyei naamh nyouz.
• Weic zuqc ninh gan longx meih nyei lingc,
• yaac ziepc zuoqv nyei ei jienv
• meih caux ninh laengz jiex nyei ngaengc waac.
• ¹⁰ Lewi Fingx dorh meih nyei leiz njaaux Yaakopv,
• yaac dorh meih nyei leiz-latc njaaux I^saa^laa^en Mienh.
• Ninh mbuo zorqv hung an meih nyei nza'hmien,
• yaac zorqv ziangh dauh buov nyei saeng-kuv an meih nyei ziec-dorngh.
• ¹¹ O Ziouv aac, tov ceix fuqv bun ninh mbuo maaih nyei ga'naaiv,
• yaac a'hneiv ninh mbuo nyei buoz zoux nyei gong.
• Tov ngatv ninh mbuo nyei win-wangv,
• bun nzorng ninh mbuo wuov deix maiv haih aengx henv jiez daaih.”

¹² Mose hnangv naaiv gorngv taux Mben^yaa^min Fingx,

• “Ziouv hnamv nyei mienh duqv kaux ninh baengh orn nyei yiem,
• weic zuqc ninh ziangh hnoi ziangh muonz nzie jienv ninh mbuo,
• yaac yiem ninh mbuo mbu'ndongx.” * Hipv^lu waac gorngv “yaac yiem ninh nyei mba'dauh mbu'ndongx”.

¹³ Ninh yaac hnangv naaiv nor gorngv taux Yosepv nyei zeiv-fun,

• “Tov Ziouv ceix fuqv bun ninh mbuo nyei ndau,
• duqv lungh zaangc nyei mbiungc-suiv, * Faan zaqc gorngv “duqv lungh zaangc longx jiex nyei ga'naaiv”.
• yaac duqv ndau-ndiev nyei wuom saamx cuotv.
• ¹⁴ Yaac duqv mba'hnoi nyei nyutc tengx ga'naaiv-zuangx longx,
• duqv hlaax-nyutc yungz gaeng-zuangx bungx-zuoqc.
• ¹⁵ Duqv loz-hnoi nyei mbong cuotv gauh longx jiex nyei ga'naaiv,
• caux yietc liuz yiem nyei mbong-aiv ziangh gauh longx jiex nyei buonc.
• ¹⁶ Duqv baamh gen maaih nyei yietc zungv
• gauh longx jiex nyei ga'naaiv.
• Yaac duqv yiem zieqc jienv nyei ndiangx-dorn-fomv * Cuotv I^yipv 3:2
• wuov dauh a'hneiv ninh mbuo.
• Tov bun naaiv deix fuqv yietc zungv njiec taux Yosepv nyei zeiv-fun nyei m'nqorngv,
• se njiec taux yiem ninh nyei gorx-youz mbu'ndongx zoux bieiv zeiv wuov dauh nyei m'nqorngv-baengh.
• ¹⁷ Yosepv henv hnangv dauh daauh toi ngongh gouv.
• Ninh nyei jorng hnangv hieh ngongh nyei jorng,
• ninh oix longc ninh nyei jorng ceux maanc fingx,
• zunc fingx-fingx taux jomc lungh ndiev.
• Ninh nyei jorng se E^faa^im nyei waanc-waanc mienh,
• yaac zoux Maa^natv^se nyei cin-cin.”

¹⁸ Ninh hnangv naaiv nor gorngv taux Se^mbu^lun Fingx,

• “Se^mbu^lun Fingx aac, meih mbuo cuotv mingh oix zuqc njien-youh.
• Itc^saax^kaa Fingx aac, yiem meih nyei ndopv-liuh gu'nyuoz oix zuqc orn-lorqc.
• ¹⁹ Ninh mbuo oix heuc fingx-fingx mienh daaih gapv zunv wuov mbong,
• yaac yiem wuov fongc horc horpc zuqc ziec nyei ga'naaiv.
• Ninh mbuo oix bangc koiv duqv kuh yiem kuh nyanc,
• yaac bangc yiem saa-ziou gu'nyuoz duqv daaih nyei ga'naaiv.”

²⁰ Mose yaac hnangv naaiv nor gorngv taux Gaatc Fingx,

• “Ceng Ziouv, dongh tengx Gaatc Fingx nyei deic jangv wuov dauh.
• Gaatc mbaapv njiec hnangv sienh,
• zuov jienv betv ga'naaiv nyei buoz-zuih fai m'nqorngv-baengh.
• ²¹ Ninh mbuo weic ganh ginv gauh longx jiex nyei ndau,
• se liouh bun bieiv zeiv horpc zuqc duqv nyei buonc.
• I^saa^laa^en Mienh nyei zuangx bieiv zeiv gapv zunv nyei ziangh hoc,
• ninh mbuo ziux Ziouv nyei eix zoux,
• yaac ei jienv ninh baengh fim nyei leiz.”

²² Mose hnangv naaiv nor gorngv taux Ndaan Fingx,

• “Ndaan Fingx se hnangv dauh sienh dorn,
• yiem Mbaasaan Deic biu cuotv daaih.”

²³ Ninh hnangv naaiv nor gorngv taux Napv^taa^li Fingx,

• “O Napv^taa^li Fingx aac, meih mbuo duqv Ziouv camv-camv nyei ceix en,
• yaac duqv ninh nyei fuqv buangv nzengc.
• Ninh mbuo nzipc nyei deic-bung yiem fai bung * yiem fai bung fai yiem koiv-dorn. caux naamh bung maengx.”

²⁴ Ninh hnangv naaiv nor gorngv taux Aa^se Fingx,

• “Aa^se Fingx duqv fuqv gauh camv zuangx muoz-doic,
• yaac duqv ninh mbuo nyei gorx-youz a'hneiv ninh gauh camv,
• yaac bun ninh mbuo nyei deic-bung zuangx ga'lanv biouv gitv. * Hipv^lu waac gorngv “bun ninh nyei zaux ziemx jienv ga'lanv youh”.
• ²⁵ Meih mbuo nyei laatc gaengh nyei sorn longc hlieqv caux dongh siqv zoux daaih.
• Meih mbuo nyei qaqv oix puix meih mbuo nyei hnoi-nyieqc.
• ²⁶ “Maiv maaih haaix dauh haih beiv duqv taux Ye^su^lun * Beiv mangc Nzamc Leiz-Latc 32:15 .
  nyei Tin-Hungh.
• Ninh geh jienv mbuonx daaih tengx meih,
• ninh maaih haangh daauh nyei njang-laangc jiex lungh daaih.
• ²⁷ Yietc liuz nyei Tin-Hungh se meih yiem nyei dorngx.
• Ninh yietc liuz nyei buoz bouh jienv meih.
• Ninh oix zunc meih nyei win-wangv cuotv meih nyei wuov ndaangc maengx,
• yaac gorngv, ‘Mietc ninh maah!’
• ²⁸ Hnangv naaiv nor, I^saa^laa^en ziouc baengh orn nyei yiem.
• Yaakopv nyei zeiv-fun duqv ganh yiem hnangv,
• yiem norm maaih mbiauh hmeiv caux siang-a'ngunc diuv nyei deic-bung,
• maaih yiem lungh njiec nyei mbiungc-suiv yungz ndau.
• ²⁹ O I^saa^laa^en Mienh aac, meih mbuo za'gengh orn-lorqc haic.
• Maaih haaix dauh hnangv meih mbuo
• benx yietc fingx duqv Ziouv njoux nyei mienh?
• Ninh zoux meih mbuo nyei torngv-baaih tengx meih mbuo,
• yaac zoux meih mbuo nyei nzuqc ndaauv bun meih mbuo duqv hingh.
• Meih mbuo nyei win-wangv oix daaih qaqv tov meih mbuo korv-lienh,
• meih mbuo ziouc caaiv jienv ninh mbuo yiem hlang zaangc zienh nyei dorngx.” * “caaiv jienv ninh mbuo yiem hlang zaangc zienh nyei dorngx” fai “caaiv jienv ninh mbuo nyei sin”.