Da'feix Nyungc Hinc Yaangh Nyei Sic

Yietc Ndaan Biouv

¹ Ziouv Tin-Hungh bun yie buatc naaiv nyungc hinc yaangh nyei sic. Yie mangc ziouc buatc ndaan nqaai gorng nyei biouv. ² Ninh naaic, “Aamotv aac, meih buatc haaix nyungc?”

Yie dau, “Yie buatc ndaan nqaai gorng nyei biouv.”

Ziouv gorngv mbuox yie, “Yie nyei baeqc fingx, I^saa^laa^en Mienh, setv mueiz nyei ziangh hoc taux aqv. Yiem naaiv mingh yie maiv liouh ninh mbuo.”

³ Ziouv Tin-Hungh gorngv, “Wuov hnoi singx dinc * Se zaangc Ziouv nyei biauv fai hungh dinc. gu'nyuoz baaux nzung nyei qiex ziouc tiuv benx nzauh nyiemv nyei qiex. Haaix ndau yaac maaih janx-daic nyei sei camv haic, guangc jienv sekv nzieqc nyei.”

I^saa^laa^en Setv Mueiz
Nyei Hnoi Taux Fatv Aqv

• ⁴ “Meih mbuo caaiv dangx-donx nyei mienh,
• aengx mietc yiem deic-bung nyei mienh jomc mienh wuov deix,
• muangx naaiv deix waac maah!

⁵ “Meih mbuo gorngv,

• ‘Siang-Hlaax nyei Zipv haaix zanc jiex mingh
• weic bun yie mbuo aengx duqv maaic laangh ziqc?
• Dingh Gong Hnoi haaix zanc jiex mingh,
• yie mbuo ziouc aengx duqv maaic mbiauh witv?’
• Maaic cuotv meih mbuo longc ga'naaiv-faix hlaau yaac bun jaax-zinh hlang,
• aengx longc waengc mienh nyei nziangx pienx mienh.
• ⁶ Meih mbuo longc nyaanh maaiz mienh jomc mienh,
• longc laengc heh yienc dauh dangx-donx mienh,
• yaac zorqv maiv benx nyei mbiauh witv maaic bun mienh.

⁷ Ziouv, dongh Yaakopv taaih wuov dauh Tin-Hungh, houv waac gorngv, “Ninh mbuo zoux nyei yietc zungv waaic sic yie yietc liuz maiv la'kuqv.

• ⁸ “Ndau maiv zeiz weic naaiv deix sic ndanc dongz fai?
• Yiem deic-bung gu'nyuoz nyei mienh yaac oix zuqc nzauh nyiemv.
• Ziangh norm deic-bung oix faaux hnangv Nai^aa Ndaaih nor,
• yaac zuqc mietv mingh mietv daaih aengx haapv njiec hnangv I^yipv nyei Nai^aa Ndaaih haapv njiec.”

⁹ Ziouv Tin-Hungh gorngv, “Taux wuov hnoi,

• “Lungh ziangx aanx nyei ziangh hoc yie oix bun mba'hnoi ndortv mingh.
• Dorngz njang nyei ziangh hoc yie bun ndau-beih hmuangx nzengc.
• ¹⁰ Yie oix bun meih mbuo jiex zipv nyei yinh wuic
• tiuv benx nzauh nyiemv nyei ziangh hoc,
• yaac bun meih mbuo baaux nzung nyei yietc zungv qiex
• tiuv benx naanc zingh nzung.
• Yie oix bun meih mbuo yietc zungv sai jienv la'maah ndie-cou,
• bun dauh dauh zuqc teix nzengc m'nqorngv. * Hipv^lu waac gorngv “Bun dauh dauh nyei m'nqorngv njang.”
• Yie yaac oix bun meih mbuo nzauh nyiemv
• hnangv ganh nyei ndoqc dorn daic nor,
• bun setv mueiz nyei ziangh hoc hnangv kouv haic nyei hnoi.”

¹¹ Ziouv Tin-Hungh gorngv,

• mangc maah! Hnoi-nyieqc zungv oix taux,
• yie oix bun deic-bung buangh zuqc domh ngorc.
• Maiv zeiz ngorc hnaangx yaac maiv zeiz ngorc wuom.
• Ninh mbuo oix ngorc maiv duqv muangx Ziouv nyei waac.
• ¹² Ninh mbuo oix yiem naaiv diuh koiv
• youh jienv mingh taux wuov diuh koiv,
• yiem baqv bung mingh taux dong bung,
• tiux jiex naaiv, tiux jiex wuov lorz Ziouv nyei waac,
• mv baac ninh mbuo lorz maiv buatc aqv.
• ¹³ “Taux wuov hnoi,
• “Nzueic haic nyei sieqv caux henv nyei houh saeng
• laaix jaang nqaatv ziouc meih muangv nzengc.
• ¹⁴ Ziangv jienv Saa^maa^lie nyei zienh nyeiz, Aa^si^maa, houv waac wuov deix,
• fai gorngv, ‘O Ndaan aac, yie ziangv jienv meih ziangh jienv nyei zienh houv waac,
• fai ‘O Mbe^e^qe^mbaa aac, yie ziangv jienv meih ziangh jienv nyei zienh * Fai jauv fai doz. houv waac,
• naaiv deix mienh oix king njiec,
• yietc liuz maiv haih jiez sin.”