¹ Naaiv se yietc laanh mienh, mbuox heuc Aamotv, gorngv nyei waac. Ninh yiem Te^ko^aa, goux ba'gi yungh mienh mbu'ndongx. Ndau maiv gaengh dongz zinh ndaangc i hnyangx, dongh Utc^si^yaa zoux Yu^ndaa nyei hungh, * 2 Hungh Douh 15:1-7 ; 2 Zunh Doic Douh 26:1-23 Yo^aatc * Yo^aatc fai heuc Ye^ho^aatc. nyei dorn, Ye^lo^mbo^am, zoux I^saa^laa^en nyei hungh wuov zanc, * 2 Hungh Douh 14:23-29 Aamotv buatc laauc yaangh nyei sic gorngv I^saa^laa^en nyei jauv.

Tin-Hungh Dingc Weih Gormx
I^saa^laa^en Wuov Deix Guoqv
Nyei Zuiz

² Aamotv gorngv,

• “Ziouv yiem Si^on heuc mbui,
• yiem Ye^lu^saa^lem heuc hnangv mba'ong, * Yo^en 3:16
• goux ba'gi yungh mienh nyei miev-ciangv nqaai nzengc, * Fai “goux ba'gi yungh mienh nzauh nyiemv”.
• Kaanmen Mbong-ningv nyei miev yaac nyaux mi'aqv.”

Silie Guoqv

³ Ziouv hnangv naaiv gorngv,

• “Weic Ndaa^matv^gatc baamz zuiz buo nzunc,
• aengx baamz biei nzunc,
  yie zungv dingc zuiz, maiv guangc.
• Weic zuqc ninh mbuo longc mborqv mbiauh nyei jaa-sic * Maaih deix longc ndiangx fai hlieqv-biaav mborqv mbiauh. Maaih deix longc ganh nyungc jaa-sic. Naaiv deix jaa-sic longc ndiangx-benv zoux daaih, ga'ndiev maengx maaih hlieqv fai la'bieiv bun ninh laic. Ngongh ziouc tor jienv mingh nyueih mbiauh.
• mborqv Gi^le^aatc Mienh. * I^saa^yaa 17:1-3 ; Ye^le^mi 49:23-27 ; Se^kaa^li^yaa 9:1
• ⁴ Yie ziouc bun douz njiec Haa^saa^en nyei biauv,
• douz ziouc buov qui Mben Haa^ndatc wuonv haic nyei dinc.
• ⁵ Yie oix mborqv baaic Ndaa^matv^gatc nyei zingh gaengh,
• yaac mietc nzengc Aawen Horngz * Aawen nyei eix leiz se waaic haic. nyei baeqc fingx, * Maaih deix sou gorngv hungh diex.
• Caux yiem Mbetc E^nden nanv jienv hungh biaav wuov dauh.
• Silie Mienh yaac oix zuqc guaatv mingh taux Ki^aa.”

Naaiv se Ziouv gorngv nyei waac.

Fi^li^saa^die Guoqv

⁶ Ziouv hnangv naaiv gorngv,

• “Weic Gaasaa baamz zuiz buo nzunc,
• aengx baamz biei nzunc, yie zungv dingc zuiz, maiv guangc.
• Weic zuqc ninh mbuo guaatv yietc zungv baeqc fingx mingh
• yaac jiu bun E^ndom Mienh. * I^saa^yaa 14:29-31 ; Ye^le^mi 47:1-7 ; E^se^ken 25:15-17 ; Yo^en 3:4-8 ; Se^fan^yaa 2:4-7 ;
  Se^kaa^li^yaa 9:5-7
• ⁷ Yie ziouc bun douz njiec Gaasaa nyei zingh laatc,
• douz ziouc buov qui ninh mbuo weih wuonv nyei dinc.
• ⁸ Yie oix mietc nzengc Atc^ndotc nyei mienh, * Fai hungh.
• caux yiem Atc^ke^lon Zingh maaih lingc gunv wuov dauh. * Faan zaqc Hipv^lu waac gorngv “nanv hungh biaav wuov dauh”.
• Yie oix longc buoz dingc E^ko^lon Zingh nyei zuiz,
• zengc njiec nyei Fi^li^saa^die Mienh yaac oix zuqc mietc.”

Naaiv se Ziouv Tin-Hungh gorngv nyei waac.

Tailaqv Zingh

⁹ Ziouv hnangv naaiv gorngv,

• “Weic Tailaqv baamz zuiz buo nzunc,
• aengx baamz biei nzunc, yie zungv dingc zuiz, maiv guangc,
• weic zuqc ninh zorqv yietc zungv baeqc fingx jiu bun E^ndom,
• yaac maiv jangx gorx-youz caux gorx-youz liepc nyei ngaengc waac. * I^saa^yaa 23:1-18 ; E^se^ken 26:1-28:19 ; Yo^en 3:4-8 ;
  Se^kaa^li^yaa 9:1-4 ; Matv^taai 11:21-22 ; Lugaa 10:13-14
• ¹⁰ Yie ziouc bun douz njiec Tailaqv nyei zingh laatc,
• douz ziouc buov qui ninh wuonv nyei dinc.”

E^ndom

¹¹ Ziouv hnangv naaiv gorngv,

• “Weic E^ndom baamz zuiz buo nzunc,
• aengx baamz biei nzunc, yie zungv dingc zuiz, maiv guangc.
• Weic zuqc ninh longc nzuqc ndaauv zunc ninh nyei youz, * Yaakopv zoux Esaau nyei youz. Esaau zoux E^ndom Mienh nyei ong-taaix-ngaeqv. Yaakopv zoux I^saa^laa^en Mienh nyei ong-taaix-ngaeqv.
• yaac maiv korv-lienh yietc deix.
• Ninh zanc-zanc qiex jiez jienv,
• yietc liuz maiv bungx guangc. * I^saa^yaa 34:5-17 ; 63:1-6 ;
  Ye^le^mi 49:7-22 ; E^se^ken 25:12-14 ; 35:1-15 ; O^mbaa^ndi 1-14; Maa^laa^ki 1:2-5
• ¹² Yie ziouc bun douz njiec Temaan Zingh,
• douz ziouc buov qui Mbo^saa^laa weih wuonv nyei dinc.”

Ammon

¹³ Ziouv hnangv naaiv gorngv,

• “Weic Ammon Mienh baamz zuiz buo nzunc,
• aengx baamz biei nzunc,
  yie zungv dingc zuiz, maiv guangc.
• Weic zuqc ninh mbuo yiem
  Gi^le^aatc piqv maaih jienv gu'nguaaz nyei m'sieqv dorn nyei ga'sie,
• weic bun ninh mbuo nyei gapv-jaaix jangv cuotv. * Ye^le^mi 49:1-6 ; E^se^ken 21:28-32 ; 25:1-7 ; Se^fan^yaa 2:8-11
• ¹⁴ Yie ziouc diemv douz buov
  
• Lapv^mbaa nyei zingh laatc.
• Douz ziouc buov qui zingh gu'nyuoz weih wuonv nyei dinc.
• Wuov hnoi maaih mborqv jaax nyei qiex mbui,
• hnangv borngz domh nziaaux-zunc.
• ¹⁵ Ninh mbuo nyei hungh oix zuqc guaatv mingh,
• liemh ninh caux ninh nyei domh jien.”

Naaiv se Ziouv gorngv nyei waac.