Ndaawitv Nyei Setv Mueiz Waac

¹ Naaiv se Ndaawitv nyei setv mueiz waac.

• “Se Jetc^si nyei dorn, Ndaawitv,
• dongh duqv liepc faaux hlang wuov dauh gorngv.
• Se Yaakopv nyei Tin-Hungh longc youh orn ninh daaih,
• ninh weic I^saa^laa^en zoc kuh muangx nyei nzung gorngv,
• ² “Ziouv nyei Singx Lingh longc yie gorngv,
• ninh nyei waac yiem yie nyei nzuih.
• ³ I^saa^laa^en nyei Tin-Hungh gorngv,
• se beu I^saa^laa^en wuov dauh * Hipv^lu waac gorngv I^saa^laa^en nyei La'bieiv. gorngv mbuox yie,
• ‘Haaix dauh longc baengh fim nyei jauv gunv mienh,
• se ninh taaih Tin-Hungh nyei waac gunv, * Hipv^lu waac gorngv “taaih Tin-Hungh nyei lingc gunv” fai gamh nziex Tin-Hungh.
• ⁴ ninh gunv mienh hnangv lungh ndorm mba'hnoi cuotv nyei njang,
• hnangv lungh ndorm nziouv, maiv maaih mbuonx,
• hnangv duih baac mbiungc nyei njang,
• hnangv mbiungc bun miev yiem ndau cuotv.’
• ⁵ “Yie nyei zeiv-fun caux Tin-Hungh horpc maiv zeiz?
• Weic zuqc ninh caux yie liepc yietc liuz nyei ngaengc waac,
• yietc zungv maaih yietc nyeic yaac wuonv nyei.
• Yie nyei njoux en caux yietc zungv maaih lamh hnamv nyei,
• ninh zungv oix zoux ziangx maiv zeiz?
• ⁶ Mv baac yietc zungv maiv lamh longc nyei mienh * Fai “maiv gan Tin-Hungh nyei mienh”.
• hnangv njimv nor, zuqc zoi guangc,
• maiv haih longc buoz zorqv.
• ⁷ Mv baac haaix dauh mienh muoqv,
• oix zuqc dorh jienv hlieqv-jaa-sic caux cang-baengx,
• yaac longc douz buov qui nzengc.” * Fai “yaac yiem ninh mbuo nyei dorngx buov qui nzengc”.

Ndaawitv Henv Haic Nyei
Jun-Zeiv Mienh

(Beiv mangc 1 Zunh Doic Douh 11:10-41 )

⁸ Naaiv se Ndaawitv henv haic nyei jun-zeiv mienh nyei mbuox. Maaih Takv^mo^ni Mienh, Yoqepv Mbatc^qe^mbetc. Ninh zoux wuov deix “Buo Dauh” nyei bieiv zeiv. Ninh mborqv yietc nzunc jaax, ninh longc cang nzopv daic betv baeqv dauh mienh.

⁹ Naaiv deix “Buo Dauh”nyei da'nyeic dauh se Aa^hox^hai Mienh, Ndo^ndo * Maaih deix sou gorngv Ndo^ndai. nyei dorn, E^le^aa^saa. Maaih nzunc ninh caux Ndaawitv ndouv Fi^li^saa^die Mienh, dongh Fi^li^saa^die Mienh gapv zunv daaih mborqv jaax wuov zanc. I^saa^laa^en nyei baeng ziouc tuix nzengc. ¹⁰ Mv baac E^le^aa^saa souv jienv wuov daix Fi^li^saa^die Mienh taux ninh nyei buoz nyuix, zungv naetv jienv nzuqc ndaauv jouv. Wuov hnoi Ziouv bun I^saa^laa^en Mienh hingh jiex nzengc. Mborqv baac jaax, baeng nzuonx E^le^aa^saa wuov, mv baac kungx weic nzauz zuqc daix daic wuov deix mienh nyei ga'naaiv hnangv.

¹¹ Wuov deix “Buo Dauh”nyei da'faam dauh se Haalaa Mienh, Aa^ge nyei dorn, Sammaa. Fi^li^saa^die Mienh gapv zunv yiem nzong ndeic maaih dopc siqv buangv nzengc. I^saa^laa^en Mienh nyei baeng tiux biaux Fi^li^saa^die Mienh. ¹² Mv baac Sammaa souv jienv wuov nzong ndeic gu'nyuoz nzaeng wuov nzong ndeic yaac daix Fi^li^saa^die Mienh. Ziouv tengx I^saa^laa^en Mienh za'gengh! hingh jiex.

¹³ Maaih “Faah Ziepc Dauh”wuov deix henv haic nyei jun-zeiv mienh nyei buo dauh njiec taux Aa^ndun^lam nyei mbaengx-kuotv lorz Ndaawitv. Aengx maaih guanh Fi^li^saa^die Mienh liepc ciangv yiem Le^faa^im Horngz. ¹⁴ Wuov zanc Ndaawitv yiem norm weih wuonv nyei dorngx, Fi^li^saa^die Mienh liepc ciangv yiem Mbetc^le^hem. ¹⁵ Ndaawitv haiz ngorc wuom ziouc gorngv cuotv nzuih, “Feix duqv maaih mienh mingh ndamv deix yiem Mbetc^le^hem zingh gaengh ga'hlen nyei wuom-kuotv nyei wuom daaih bun yie hopv.” ¹⁶ Naaiv deix buo dauh henv haic nyei jun-baeng ziouc nimc bieqc Fi^li^saa^die Mienh nyei ciangv, ndamv deix yiem Mbetc^le^hem zingh gaengh ga'hlen nyei wuom-kuotv nyei wuom dorh nzuonx bun Ndaawitv. Mv baac ninh maiv kangv hopv. Daaux nzuonx ninh dox cuotv yiem Ziouv nyei nza'hmien. ¹⁷ Ninh gorngv, “O Ziouv aac, yie fungc haih hopv naaiv deix wuom? Se hnangv hopv naaiv deix mienh nyei nziaamv weic zuqc ninh mbuo maiv longc maengc nyei mingh ndamv daaih.” Weic naaiv Ndaawitv maiv hopv.

Naaiv se wuov deix buo dauh henv haic nyei jun-baeng zoux nyei sic.

¹⁸ Se^lu^yaa nyei dorn, Yo^aapc nyei youz, Aa^mbi^qai, zoux wuov deix “Faah Ziepc Dauh” * Fai “Buo Dauh.” Beiv mangc 1 Zunh Doic Douh 11:20 . nyei bieiv zeiv. Ninh longc cang daix nzengc faam-baeqv dauh mienh ziouc duqv mengh dauh hnangv wuov deix “Buo Dauh” hlo. ¹⁹ Yiem wuov deix “Faah Ziepc Dauh”gu'nyuoz ninh duqv mienh taaih gauh camv. * Maaih deix sou gorngv Buo Dauh. Beiv mangc 1 Zunh Doic Douh 11:25 . Ninh duqv zoux ninh mbuo nyei bieiv zeiv maiv gunv ninh maiv zeiz wuov deix “Buo Dauh”nyei yietc dauh. Mv baac beiv maiv taux wuov deix “Buo Dauh.”

²⁰ Ye^ho^yaa^ndaa nyei dorn, Mbe^nai^yaa, se yietc dauh yiem Kapc^se^en daaih mborqv jaax henv nyei jun-zeiv mienh. Ninh zoux ziex nyungc hlo nyei sic. Ninh daix i dauh Mo^apc Mienh mborqv jaax henv haic nyei baeng. Aengx maaih nzunc doix duih sorng nyei ziangh hoc ninh njiec norm kuotv daix dauh sienh daic. ²¹ Ninh aengx daix dauh hlo hlang * Fai nzueic. nyei
I^yipv Mienh. Wuov dauh I^yipv Mienh nanv jienv cang mv baac Mbe^nai^yaa longc ndiangx-ndonx njiec mingh lorz. Ninh caangv I^yipv Mienh nyei cang daaih, longc wuov diuh cang daix ninh aqv. ²² Naaiv se Ye^ho^yaa^ndaa nyei dorn, Mbe^nai^yaa, zoux nyei sic. Ninh yaac duqv mengh dauh hnangv wuov deix buo dauh henv haic nyei jun-zeiv mienh hlo. ²³ Ninh duqv mengh dauh gauh hlo wuov deix “Faah Ziepc Dauh” mv baac maiv ndongc wuov deix “Buo Dauh.”Ndaawitv yaac paaiv ninh zoux ninh nyei sin-hlen mienh nyei bieiv zeiv.

²⁴ Yiem wuov deix “Faah Ziepc Dauh”gu'nyuoz maaih

• Yo^aapc nyei youz, Aa^saax^hen,
• Mbetc^le^hem Mienh, Ndo^ndo nyei dorn, En^haa^nan,
• ²⁵ Haalotv Mienh, Sammaa,
• Haalotv Mienh, E^li^kaa,
• ²⁶ Peletv Mienh, He^letv^te,
• Te^ko^aa Mienh, Ikc^ketc nyei dorn, I^laa,
• ²⁷ Aa^naa^totv Mienh, Aa^mbi^ye^se,
• Husaa Mienh, Me^mbun^nai, * Hipv^lu waac nyei sou gauh camv jiex fiev Sipc^mbe^kai. Beiv mangc
  1 Zunh Doic Douh 11:29 .
• ²⁸ Aa^hox^hai Mienh, Sanx^mon,
• Ne^to^faa Mienh, Maa^haa^lai,
• ²⁹ Ne^to^faa Mienh, Mbaa^aa^naa nyei dorn, Heletv, * Hipv^lu waac gauh camv jiex gorngv Helepv. Beiv mangc
  1 Zunh Doic Douh 11:30 .
• Mben^yaa^min Fingx, Gi^mbe^aa Mienh, Li^mbai nyei dorn,
  Itc^tai,
• ³⁰ Bi^laa^ton Mienh, Mbe^nai^yaa,
• Gaa^atc Horngz nyei mienh,
  Hitv^ndai, * Maaih deix Gikc sou gorngv Hulai. Beiv mangc
  1 Zunh Doic Douh 11:32 .
• ³¹ Aa^laa^mbaa Mienh, Aa^mbi^yan^mbon,
• Mbaa^hu^lim Mienh, Atc^maa^wetv,
• ³² Saa^an^mbon Mienh, E^li^yaa^mbaa,
• Gimso Mienh, Haasem, nyei zeiv-fun,
• Yaasen nyei dorn mbuo,
• Yo^naa^taan, * Maaih deix gorngv “Haalaan Mienh, Saamaa nyei dorn, Yo^naa^taan”.
• ³³ Haalaa Mienh, Saamaa nyei dorn,
• Haalaa Mienh, Qaalaa, * Maaih deix Gikc waac nyei sou gorngv Saalaa. Beiv mangc
  1 Zunh Doic Douh 11:35 . nyei dorn, Aa^hi^yam,
• ³⁴ Maa^aa^kaa Mienh, Aa^hatc^mbai nyei dorn, E^li^fe^letv,
• Gilon Mienh, Aa^hi^to^fen nyei dorn, E^li^am,
• ³⁵ Kaanmen Mienh, Hetv^lo,
• Aalaapv Mienh, Baalai,
• ³⁶ So^mbaa Mienh, Naatan nyei dorn, I^gaan,
• Gatc Mienh, Mbaani,
• ³⁷ Ammon Mienh, Selekv,
• Mbe^e^lotv Mienh, Naa^haa^lai, se tengx Se^lu^yaa nyei dorn,
  Yo^aapc, dorh mborqv jaax nyei wuoqc ginc wuov dauh.
• ³⁸ Itc^lai Mienh, I^laa,
• Itc^lai Mienh, Gaalepv,
• ³⁹ Hitv^tai Mienh, U^li^yaa,

Yietc zungv maaih faah ziepc cietv dauh.