1 “ວົ້ວ ຮນອຍ ອ໋ອຍ ມ່າຍ ນອມ ວວມ-ຕສີ໊ງ ຄອຍ ອກອຍ ເຫວີ່ຍ ດາ^ວິດ ເຍີຍ ເຕສີ໊ຍ-ຟຸນ ເຖສົາ ເຢ^ລູ^ຊາ^ເລມ ເຍີຍ ມ່ຽນ ດສ໋າວ ຕສຸ໌ຍ, ສາ ຫວຸຍ.”
2 ເນິ່ນ ເຈ໋ຍ ເຍີຍ ຕສ໊ຽວ ກ໊ອງ, “ວົ້ວ ຮນອຍ ເຢຍ ອ໋ອຍ ໄພ ກວັ່ງ ຢຽມ ເຕີ່ຍ-ປູງ ເຍີຍ ໝິ່ວ-ຝັງ ເຍີຍ ບົ໋ວ, ເຫວີ່ຍ ໄມ້ ປຸນ ຫາຍ ເຕົ້າ ແອ໋ງ ໄຮ່ ຈັ໋ງ ຕຸ໊ ນິ່ນ ບົວ. ເຢຍ ອ໋ອຍ ຕສຸ່ນ ອກອຍ ຈ໊າ ໂຕ່ວ ຫວ່າ ມ່ຽນ ເຖສົາ ໂຮຍ້ວ ໄມ້ ທສີງ-ເດສ່ງ ເຍີຍ ມ່ຽນ, ໄມ້ ປຸນ ຢຽມ ເຕີ່ຍ-ປູງ. 3 ເຊ ກ໊ອງ ມ່າຍ ນ້າຍ ຫຍູ່ງ ໂຕ່ວ ຫວ່າ ມ່ຽນ ແອ໋ງ ທສວດ ຕ້າຍ, ນິ່ນ ເຍີຍ ທສຽນ ເຕຍ ມາ ອ໋ອຍ ຕສຸ ບົ໋ວ ນິ່ນ, ‘ເມີ່ຍ ອ໋ອຍ ຕສຸ ໄຕ່ ອ໊ະ, ເຫວີ່ຍ ຕສຸ ເມີ່ຍ ເຕ໊ງ ຕສ໊ຽວ ເຍີຍ ເມ່ງ ກ໊ອງ-ແປະ.’ ນິ່ນ ໂຕ່ວ ຫວ່າ ເຍີຍ ຕສຢັ້ງ ໂຫ່ ນິ່ນ ກັ້ນ ເຍີຍ ເຕຍ ມາ ອ໋ອຍ ຕສຸ ດສົ໊ບ ທົງ ນິ່ນ.
4 “ວົ້ວ ຮນອຍ ເຕົ້າໆ ໂຕ່ວ ຫວ່າ ມ່ຽນ ຫລາຍ ນິ່ນ ບົວ ໂຕ່ວ ຫວ່າ ກ໊ອງ ຫລ່າວ ຢ້າງ ເຍີຍ ສີ່ ຕສຸ ໄຍ້. ນິ່ນ ບົວ ຕສ່ຽວ ໄມ້ ຕສຸ໊ ມ່າຍ ເປຢີຍ ເຍີຍ ລຸຍ ເຫວີ່ຍ ດົ໊ວ ມ່ຽນ. * 5 ນິ່ນ ຕສູ໊ງ ອ໋ອຍ ກ໊ອງ, ‘ເຢຍ ໄມ້ ເຕສີ໌ຍ ໂຕ່ວ ຫວ່າ ມ່ຽນ. ເຢຍ ເຊ ໂຕສ໋ວ ຫລຢັງ-ເດີ່ຍ ເຍີຍ ມ່ຽນ, ເຫວີ່ຍ ຕສຸ ຢຽມ ເຢຍ ຫລຸນ ເຍີຍ ຕສຢັ້ງ ໂຫ່ ນ້າຍ ເຕີ໋ຍ ເດົາ ມຕ້າຍ ເປ໋ນ ເຢຍ ເຍີຍ.’ * 6 ເຊ ກ໊ອງ ມ່າຍ ມ່ຽນ ໜ່າຍ ນິ່ນ, ‘ເມີ່ຍ ເຍີຍ ຫລະຄວດ * ໂຕສ໋ວ ຫາຍ ຫຍູ່ງ ມ່າຍ ໜານ?’ ນິ່ນ ຕສ່ຽວ ເຕົາ, ‘ນ້າຍ ເຕີ໋ຍ ໜານ ເຢຍ ຢຽມ ເຢຍ ເຍີຍ ຕ່ອຍ ເຍີຍ ເປຢົ໊າ ຕສຸ ຕ້າຍ.’”
7 ເນິ່ນ ເຈ໋ຍ ເຍີຍ ຕສ໊ຽວ ກ໊ອງ,