ສີງ ດສູງ 70

ເຕົ໋າ ເກົ໋າ ໂທ້ ທິນ-ຮູ່ງ ເຖງ

(ເປີ໊ຍ ໝັ່ງ ສີງ ດສູງ 40:13-17 )

ຈິວ ປຸນ ຕໍ້ ດສູງ ເຍີຍ ມ່ຽນ. ດາ^ວິດ ໂຕສ່ ເຍີຍ ສີງ ດສູງ. ຫລົ່ງ ເຫວີ່ຍ ຝົ່ງ ຫໍ່ ເຕສ່ຍ ຈັ໋ງ ເຍີຍ ປ່ວນ. * ເປີ໊ຍ ໝັ່ງ ເລ^ວີ 2:2 .

• ¹ ໂອ ທິນ-ຮູ່ງ ອ້າ! ໂທ້ ກ໊ານ ຕ້າຍ ໂອຈ໋ວ ເຢຍ.
• ໂອ ຕສ໊ຽວ ອ້າ! ໂທ້ ຊຽບໆ ເຍີຍ ເຖງ ເຢຍ.
• ² ໂທ້ ປຸນ ອ໋ອຍ ເຕສ໊າະ ເຢຍ ເຍີຍ ແໝ່ງ
• ວົ້ວ ເຕີ໋ຍ ມ່ຽນ ຕສຸ ໄຍ້ ຕສຸ ຫລຸ່ນ.
• ໂທ້ ປຸນ ຕົ້ງ ອະເຮນີ້ຍ ເຢຍ ຕສຸ ໂຄ້ວ ວົ້ວ ເຕີ໋ຍ
• ຕສຸ ຖຸຍ ດສ໋ວນ ອກະຮ້າ ຢ່າ ຕສຸ ປ່າຍ ຮມຽນ.
• ³ ໂທ້ ປຸນ ກ໊ອງ, “ຮ້າ! ຮ້າ!” ວົ້ວ ເຕີ໋ຍ,
• ຕສຸ ໄຍ້ ຕສຸ ປ່າຍ.
• ⁴ ໂທ້ ປຸນ ຢຽດ ຕສູ໊ງ ຕ້າຍ ລໍ໌ ເມີ່ຍ ວົ້ວ ເຕີ໋ຍ,
• ອຈຽນ-ໂຢ້ວ ອອນ-ເຫລາະ,
• ໂທ້ ປຸນ ຮນ້ຳ ເມີ່ຍ ເຍີຍ ໂອຈ໋ວ ເອນ ວົ້ວ ເຕີ໋ຍ,
• ຕສັ່ນໆ ກ໊ອງ, “ທິນ-ຮູ່ງ ຕສະເກ້ງ ໂຮລ ໄຫ່.”
• ⁵ ມປ່າ ເຢຍ ໂຄ້ວ ຢ່າ ຈົ່ມ ໄຫ່.
• ໂອ ທິນ-ຮູ່ງ ອ້າ! ໂທ້ ຊຽບໆ ເຍີຍ ຕ້າຍ ເຢຍ ນ້າຍ.
• ເມີ່ຍ ເຊ ຕົ້ງ ເຖງ ເຢຍ, ໂອຈ໋ວ ເຢຍ ວົ້ວ ເຕົ້າ.
• ໂອ ຕສ໊ຽວ ອ້າ! ໂທ້ ໄມ້ ຕູ໋ງ ໄງ່.