ສີງ ດສູງ 53

ປ້າມ ມ່ຽນ ຫຮງົງ, ຂູງ ໂຕສ໋ວ ຫວ່າຍ ສີ່

ຈິວ ປຸນ ຕໍ້ ດສູງ ເຍີຍ ມ່ຽນ. ຕສິ໋ວ ມາ^ຫະ^ລັດ. ດາ^ວິດ ໂຕສ່ ເຍີຍ ມັດ^ຄິນ ດສູງ.

(ເປີ໊ຍ ໝັ່ງ ສີງ ດສູງ 14 ຕສາງ)

• ¹ ມ່ຽນ ຫຮງົງ ມ່ຽນ * ຢຽມ ສີງ ດສູງ ມ່ຽນ ຫຮງົງ ມ່ຽນ ນ້າຍ ໂຈ໋ວ ຫວ່າ ກ໊ອງ ຕສຸ ໂຕສ໋ວ ຫວ່າຍ ເຍີຍ ມ່ຽນ, ເຊ ໄມ້ ມ່າຍ ທິນ-ຮູ່ງ ເຍີຍ ມ່ຽນ. ຢຽມ ໂຮຍ້ວ ກ໊ອງ,
• “ໄມ້ ມ່າຍ ທິນ-ຮູ່ງ ເຫລາະ.”
• ນິ່ນ ບົວ ຫວ່າຍ ໄຫ່, ໂຕສ໋ວ ກ້ຳ ເດສ໊ຍ ໄຫ່ ເຍີຍ ຕສຸ໌ຍ,
• ໄມ້ ມ່າຍ ຢຽດ ເຕົ້າ ໂຕສ໋ວ ຫລົງ. * ໂລ^ມາ 3:10-12
• ² ທິນ-ຮູ່ງ ຢຽມ ທິນ-ຕ້ອງ ໝັ່ງ ເອຈ່ຍ,
• ໝັ່ງ ປ້າມ ມ່ຽນ.
• ອ໋ອຍ ໝັ່ງ ກ໋າ, ມ່າຍ ຫາຍ ເຕົ້າ ມ່າຍ ທສົງ-ເມ່ງ,
• ມ່າຍ ຫາຍ ເຕົ້າ ລໍ໌ ທິນ-ຮູ່ງ.
• ³ ໂມ໌ວ ເຕົ້າ ມ່ຽນ ຖຸຍ ອກາງ,
• ເຕົ້າໆ ຟີ່ ຮນັ້ງ ເຍີຍ ຫວ່າຍ ເດສ່ງ.
• ໄມ້ ມ່າຍ ຫາຍ ເຕົ້າ ໂຕສ໋ວ ຫລົງ,
• ຢຽດ ເຕົ້າ ຢ່າ ໄມ້ ມ່າຍ.
• ⁴ ໂຕສ໋ວ ເອ໊າະ ເຍີຍ ມ່ຽນ ໄມ້ ຮິ້ວ ຫາຍ ຫຍູ່ງ ໄຟ?
• ນິ່ນ ບົວ ນະ ເຢຍ ເຍີຍ ແປະ ຝີງ ຮນັ້ງ ນິ່ນ ບົວ ຫຍັ່ນ ຫຮນາງ ນໍ.
• ນິ່ນ ບົວ ຢ່າ ໄມ້ ໂທ້ ທິນ-ຮູ່ງ.
• ⁵ ນິ່ນ ບົວ ຢຽມ ວົ້ວ ຕສະເກ້ງ! ກ້ຳ ເດສ໋ຍ ໄຫ່.
• ໄມ້ ມ່າຍ ເຈ໋ຍ ດົ່ງ ນ້າຍ ກ້ຳ ເດສ໋ຍ.
• ເຫວີ່ຍ ຕສຸ ທິນ-ຮູ່ງ ອ໋ອຍ ເຕສ໊າະ ຕົ້ງ ຫລຽບ ທສຢັ້ງ ຕ້າຍ
• ເບ໊າະ ເມີ່ຍ ວົ້ວ ເຕີ໋ຍ ມ່ຽນ ເຍີຍ ບູ໊ງ ຟາດ ດສ໋ານ ເດສ່ງ.
• ເມີ່ຍ ອ໋ອຍ ປຸນ ນິ່ນ ບົວ ຕສຸ ໄຍ້ ເຫວີ່ຍ ຕສຸ ທິນ-ຮູ່ງ ເອກ້ມ ນິ່ນ ບົວ.
• ⁶ ໂທ້ ປຸນ ອິ^ສະ^ລາ^ເອນ ມ່ຽນ ເຍີຍ ໂອຈ໋ວ ເອນ ຢຽມ ສິ^ໂອນ ທສວດ.
• ທິນ-ຮູ່ງ ປຸນ ນິ່ນ ເຍີຍ ແປະ ຝີງ ດສ໋ວນ ຕ້າຍ ຕຸ໊ ຫລົງ ຮນັ້ງ ຕສິ້ນ ດ່າງ ວົ້ວ ຕສັ່ນ,
• ຢາ^ໂຄບ ເຍີຍ ເຕສີ໊ຍ-ຟຸນ ຕສ່ຽວ ມ່າຍ ອອນ-ເຫລາະ,
• ອິ^ສະ^ລາ^ເອນ ມ່ຽນ ອ໋ອຍ ອຈຽນ-ໂຢ້ວ.