ສີງ ດສູງ 121

ເປວ ເຢຍ ບົວ ວົ້ວ ເຕົ້າ ເຊ ຕສ໊ຽວ

ຢັ້ງ ຝາວ ເຍີຍ ດສູງ.

• ¹ ເຢຍ ເທສົາ ຮມຽນ ໝັ່ງ ບົງ,
• ເຖງ ເຢຍ ວົ້ວ ເຕົ້າ ອ໋ອຍ ຢຽມ ຫາຍ ຕ້າຍ?
• ² ເຖງ ເຢຍ ວົ້ວ ເຕົ້າ ເຊ ຕສ໊ຽວ,
• ຕົ້ງ ເຕສີ໋ຍ ລູ່ງ ເຕສີ໋ຍ ເດົາ ວົ້ວ ເຕົ້າ.
• ³ ນິ່ນ ຕສູ໊ງ ໄມ້ ປຸນ ເມີ່ຍ ເຍີຍ ເຕສົ໋າ ທສ້າຍ ພຢັດ,
• ເປວ ເມີ່ຍ ວົ້ວ ເຕົ້າ ໄມ້ ອຈ້ອມ ຕະຮງັດ.
• ⁴ ເປວ ອິ^ສະ^ລາ^ເອນ ວົ້ວ ເຕົ້າ
• ຕສູ໊ງ ໄມ້ ອຈ້ອມ ຕະຮງັດ ຢ່າ ໄມ້ ເປວີ໋ຍ ມອຈ້ອມ.
• ⁵ ຕສ໊ຽວ ເປວ ຈ໊ຽນ ເມີ່ຍ,
• ຕສ໊ຽວ ຢຽມ ເມີ່ຍ ເຍີຍ ບຢ່າວ ປູງ ເຖງ ເມີ່ຍ ທ້ອງ ລ່າງ.
• ⁶ ລູ່ງ ຮນອຍ ຕສັ່ນ ບະຮນອຍ ໄມ້ ຫ່ອຍ ເມີ່ຍ,
• ລູ່ງ ມ໌ວນ ຕສັ່ນ ຫຮລາ ຢ່າ ໄມ້ ຫ່ອຍ ເມີ່ຍ.
• ⁷ ຕສ໊ຽວ ອ໋ອຍ ເປວ ຈ໊ຽນ ເມີ່ຍ, ໄມ້ ປຸນ ຕສຸ ຫາຍ ຫຍູ່ງ ເຕສະ ໜ່ານ.
• ນິ່ນ ອ໋ອຍ ເປວ ຈ໊ຽນ ເມີ່ຍ ເຍີຍ ແໝ່ງ.
• ⁸ ເມີ່ຍ ເປັຍໆ ທສວດໆ, ຕສ໊ຽວ ອ໋ອຍ ເປວ ຈ໊ຽນ ເມີ່ຍ
• ຢຽມ ນ້າຍ ມີ່ງ ເຖົາ ຢຽດ ລິ໌ວ.