1 ອັດ^ຊີ^ເລຍ ເຍີຍ ຮູ່ງ, ຊາ^ກອນ, ພ້າຍ ນິ່ນ ເຍີຍ ຕົ້ມ ແປງ-ເປຢີ໊ຍ ມີ່ງ ອັດ^ດົດ ວົ້ວ ຫຮຍັງ, ນິ່ນ ຕສ່ຽວ ມີ່ງ ເບ໊າະ ແອ໋ງ ທສ້າງ ຕຸ໊ ວົ້ວ ນອມ ຕສີ້ງ ໝີ່ ອ໊ະ. 2 ວົ້ວ ຕສັ່ນ, ຕສ໊ຽວ ຫລົ່ງ ອາ^ມອດ ເຍີຍ ຕອນ, ອິ^ສະ^ຢາ, ໂຕ່ວ ຫວ່າ. ຕສ໊ຽວ ບົ໋ວ ນິ່ນ, “ເມີ່ຍ ໄຈ໊ ອກອຍ ເມີ່ຍ ໄຊ ຈ໊າຍ ເຍີຍ ຫລະມ່າ ເດຍ-ໂທສວ ຢ່າ ທຸດ ອກອຍ ເຮ່.” ອິ^ສະ^ຢາ ຕສ່ຽວ ເອີຍ ຈ໊ຽນ ໂຕສ໋ວ, ຊິນ ແລ່ງ ແກ໊ງ ເຍີຍ, ເຮ່ ຢ່າ ໄມ້ ຕາບ, ເຈ໋ຍ ນ້າຍ ເຈ໋ຍ ວົ້ວ.”
3 ຕສ໊ຽວ ກ໊ອງ, “ຮນັ້ງ ເຢຍ ເຍີຍ ໂປວ, ອິ^ສະ^ຢາ, ຊິນ ແລ່ງ ແກ໊ງ ເຍີຍ, ເຮ່ ຢ່າ ໄມ້ ຕາບ, ເຈ໋ຍ ນ້າຍ ເຈ໋ຍ ວົ້ວ ປົວ ຫຮຍັງ ເຫວີ່ຍ ໂຕສ໋ວ ຈັ໋ງ-ໂຫ່ ເຖສົາ ເປີ໊ຍ ເຍີຍ ເຈົ໊າ * ຕົ໊ນ ອີ^ຢິ໊ບ ເຖສົາ ເອ^ທີ^ໂອ^ເປຍ, * 4 ຮນັ້ງ ໜ່າຍ ອັດ^ຊີ^ເລຍ ຮູ່ງ ອ໋ອຍ ກວ໊າດ ອີ^ຢິ໊ບ ມ່ຽນ ມີ່ງ ຢ່າ ທສ້າງ ເອ^ທີ^ໂອ^ເປຍ ມ່ຽນ, ໄມ້ ກຸ໊ນ ໂກ໋ ຫລຸນ, ຊິນ ແລ່ງ ແກ໊ງ ເຍີຍ, ເຮ່ ຢ່າ ໄມ້ ຕາບ, ກູ້ ຄວດ-ນອມ ທສວດ, ປຸນ ອີ^ຢິ໊ບ ມ່ຽນ ຕສຸ ໄຍ້. 5 ເຂົາ ເອ^ທີ^ໂອ^ເປຍ ມ່າຍ ລ່ຳ ຮນ້ຳ ຢ່າ ປູ໋ງ ຫວ່າ-ເໝົາ ອີ^ຢິ໊ບ ວົ້ວ ເຕີ໋ຍ ຕສ່ຽວ ກ້ຳ ເດສ໋ຍ ຢ່າ ຕສຸ ໄຍ້. 6 ວົ້ວ ຮນອຍ ຢຽມ ນ້າຍ ຕິ້ວ ຄ້ອຍ-ເຮລນ ເຍີຍ ມ່ຽນ ຕສ່ຽວ ກ໊ອງ, ‘ໝັ່ງ ມ່າະ! ເຢຍ ບົວ ມ່າຍ ລ່ຳ ຮນ້ຳ ເຍີຍ ຢ່າ ເປຢົ໋າ ມີ່ງ ລໍ໌ ເຖງ ເຢຍ ບົວ ເປຢົ໋າ ດຸ໊ດ ອັດ^ຊີ^ເລຍ ມ່ຽນ ວົ້ວ ເຕີ໋ຍ ປວັ້ງ ເຍີຍ ສີ່. ວົ້ວ ຫຍູ່ງ, ເຢຍ ບົວ ນີ? ເຢຍ ບົວ ຮນັ້ງ ຫາຍ ນໍ ໄຮ່ ເປຢົ໋າ ຕຸ໊ ດຸ໊ດ?’”