1 ຢຽມ ນ້າຍ ເສີຍ ຕສັ່ງ ເຢຍ ປວັດ ຫຍູ່ງ ຮຢ້ຽນ ໄຫ່ ເຍີຍ ສີ່. ນ້າຍ ເຕີ໋ຍ ສີ່ ເຊ ເຮນ້ຍ ເຍີຍ, ງັດ ຈ໊ຽນ ມ່ຽນ. 2 ທິນ-ຮູ່ງ ປຸນ ຫາຍ ເຕົ້າ ມ່ຽນ ປຸ໊ດ ຕສ້ອຍ, ເປ໋ນ ເຍີຍ, ມ່າຍ ມ່ຽນ ທ່າຍ ເຍີຍ, ປຸນ ຕົ້ງ ນິ່ນ ເຍີຍ ໂຮຍ້ວ ອ໋ອຍ ຫລົ່ງ ເຍີຍ, ໄມ້ ທສາ ຫາຍ ຫຍູ່ງ, ມປ່າ ທິນ-ຮູ່ງ ໄມ້ ປຸນ ນິ່ນ ອຈຽນ-ໂຢ້ວ ເຍີຍ ຫລົ່ງ. ມ່າຍ ກັ້ນ ເຕົ້າ ມ່ຽນ ຕຸ໊ ຫລົ່ງ. ນ້າຍ ເຊ ຂູງ-ມ່ອງ, ຕສະເກ້ງ ຮຢ້ຽນ ໄຫ່ ເຍີຍ ສີ່.
3 ເຊ ກ໊ອງ ມ່ຽນ ມ່າຍ ຢຽດ ແປ໊ະ ເຕົ້າ ຝຸຈ໊ວຍ, ນິ່ນ ຢ່າ ຕສຢັ້ງ ຕຸ໊ ສ່ຽວ ຍ່ວນ ດ໊າວ, ນິ່ນ ຮນອຍ-ເຫຍັຍ ເຍີຍ ຫຮຍັງ-ໂສວ ຢ່າ ທສ້ຳ ມປ່າ ໄມ້ ຕຸ໊ ອຈຽນ-ໂຢ້ວ ເຍີຍ ຫລົ່ງ ນ້າຍ ເສີຍ ຕສັ່ງ ຢ່າວ ເຍີຍ ສີ່, ໄຕ່ ມີ່ງ ຢ່າ ໄມ້ ມ່າຍ ມ່ຽນ ປຢົ໊ບ, ເຢຍ ກ໊ອງ, ມ່າຍ ໄມ້ ເກົ໋າ, ບາງ-ຢູ໌ງ ເຍີຍ ກູ້ ງວ໌າ ຕສູ໊ງ ເກົ້າ ຫລົງ ນິ່ນ. 4 ເຫວີ່ຍ ຕສຸ ວົ້ວ ເຕົ້າ ກູ້ ງວ໌າ ທສວດ ເສີຍ ຕ້າຍ ເຊ ຂູງ-ມ່ອງ ເຍີຍ ສີ່. ກູ້ ງວ໌າ ຢ່າ ຢຽມ ຫຮມວັງ ກະຍົ໌ວ ໄຕ່. ຢຽມ ຫຮມວັງ ກະຍົ໌ວ ຢ່າ ໄມ້ ມ່າຍ ຫາຍ ເຕົ້າ ຈັ໋ງ ນິ່ນ ເຍີຍ ບົ໋ວ. 5 ນິ່ນ ໄມ້ ປວັດ ເຈ໋ຍ ບະຮນອຍ ຢ່າ ໄມ້ ຮິ້ວ ຫາຍ ຫຍູ່ງ ມປ່າ ຕຸ໊ ຮິດ ຂວນ ເກົ້າ ທສ້ຳ ວົ້ວ ເຕົ້າ ມ່ຽນ. 6 ໄມ້ ກຸ໊ນ ວົ້ວ ເຕົ້າ ມ່ຽນ ຕສຢັ້ງ ຢຽດ ທສິນ ອີ ທສິນ ຫຮຍັງ, ນິ່ນ ເຍີຍ ແໝ່ງ ໄມ້ ຕຸ໊ ອຈຽນ-ໂຢ້ວ. ຕສວັ໋ງ ມ່ຽນ ໄມ້ ເຕສີ໌ຍ ຈວັ່ງ ຢຽດ ນອມ ຕ໋ອງ ມີ່ງ ໄຟ?
12 ຫາຍ ເຕົ້າ ຮິ້ວ ຕຸ໊ ຫາຍ ຫຍູ່ງ ຫລົງ ເຫວີ່ຍ ມ່ຽນ ຢຽມ ນ້າຍ ເສີຍ ຕສັ່ງ ຂູງ-ມ່ອງ ເຍີຍ ແໝ່ງ? ເຊ ເຈ໋ຍ ນັ້ງ ເຍີຍ ຮນອຍ-ເຫຍັຍ, ຮນັ້ງ ຕົ້ງ ລິ່ນ ເຈ໋ຍ ນໍ? ຫາຍ ເຕົ້າ ໄຮ່ ບົ໋ວ ນິ່ນ, ຕສົ໊ວ ນິ່ນ ເກວີຍ ເສີຍ ລິ໌ວ, ອກະຮ້າ ຢຽມ ລູ່ງ ເດ໊ຍ ອ໋ອຍ ມ່າຍ ຫາຍ ຫຍູ່ງ ສີ່ ທສວດ?