1 ນ້າຍ ເຊ ອາ^ລົນ ເຍີຍ ເຕສີ໊ຍ-ຟຸນ ຕສິ໋ວ ນິ່ນ ບົວ ປຸນ ອກອຍ ເຍີຍ ເຈົ໊າ. ອາ^ລົນ ເຍີຍ ຕອນ ມ່າຍ ນາ^ດັບ, ອາ^ບີ^ຮູ, ເອ^ເລ^ອາ^ຊາ ເຖສົາ ອິ^ທາ^ມາ. 2 ມປ່າ ນາ^ດັບ ເຖສົາ ອາ^ບີ^ຮູ ໄຕ່ ດ່າງ ນິ່ນ ບົວ ເຍີຍ ເຕຍ, ຢ່າ ໄມ້ ມ່າຍ ຝຸຈ໊ວຍ. ເອ^ເລ^ອາ^ຊາ ເຖສົາ ອິ^ທາ^ມາ ຕສ່ຽວ ໂຕສ໋ວ ໄຊ ມ່ຽນ ເຍີຍ ກົງ. * 3 ເອ^ເລ^ອາ^ຊາ ເຍີຍ ເຕສີ໊ຍ-ຟຸນ, ສາ^ດົກ, ເຖສົາ ອິ^ທາ^ມາ ເຍີຍ ເຕສີ໊ຍ-ຟຸນ, ອາ^ຫິ^ເມ^ເລກ, ເຖງ ດາ^ວິດ ເຕສ໊າະ ນິ່ນ ບົວ ຈວັ່ງ ຝີງ ເຍີຍ ກໍ໋-ໂຢ໌ວ ປຸນ ອກອຍ ເປ໋ນ ຢຽດ ກວັ້ນ ຢຽດ ກວັ້ນ ຕສິ໋ວ ພ້າຍ ຕສຢັ໋ງ ອ໋ອຍ ຕສຸ ຟູ-ສູ ເຍີຍ ກົງ. 4 ຢຽມ ເອ^ເລ^ອາ^ຊາ ເຍີຍ ເຕສີ໊ຍ-ຟຸນ ມ່າຍ ປູ້ງ ປ່ວນ ເຍີຍ ເປຢີ໊ຍ ເຕສີ໊ຍ ເກົ້າ ທສ້ຳ ຢຽມ ອິ^ທາ^ມາ ເຍີຍ ເຕສີ໊ຍ-ຟຸນ. ນິ່ນ ບົວ ຕສິ໋ວ ໜ່າຍ ປຸນ ອກອຍ. ເອ^ເລ^ອາ^ຊາ ເຍີຍ ເຕສີ໊ຍ-ຟຸນ ມ່າຍ ຕສຽບ ຫລົວະ ເຕົ້າ ເປຢີ໊ຍ ເຕສີ໊ຍ, ອິ^ທາ^ມາ ເຍີຍ ເຕສີ໊ຍ-ຟຸນ ມ່າຍ ຫຮຢຽດ ເຕົ້າ. 5 ນິ່ນ ບົວ ຕສ່ຽວ ຕີ່ງ ແໝ່ງ ໝັ່ງ, ປຸນ ອກອຍ ກົງ ຟີ່ ຮນັ້ງ ເດສ່ງ ເຫວີ່ຍ ຕສຸ ເອ^ເລ^ອາ^ຊາ ເຍີຍ ເຕສີ໊ຍ-ຟຸນ ເຖສົາ ອິ^ທາ^ມາ ເຍີຍ ເຕສີ໊ຍ-ຟຸນ ມ່າຍ ສີງ ຕິ່ນ ເຍີຍ ເປຢີ໊ຍ ເຕສີ໊ຍ ເຖສົາ ທິນ-ຮູ່ງ ເຍີຍ ເປຢີ໊ຍ ເຕສີ໊ຍ.
6 ເລ^ວີ ມ່ຽນ, ເນ^ທັນ^ເອນ ເຍີຍ ຕອນ, ເຊ^ໄມ^ອາ ໂຊວ-ປິ໊ວ, ຕອງ ຈ໊ຽນ ຮູ່ງ ເຕ໋ຍ ເຖສົາ ຈຽນ ເຟ້ຍ ນິ່ນ ບົວ ເຍີຍ ບົ໋ວ. ມ່າຍ ສາ^ດົກ ໄຊ ມ່ຽນ ເຖສົາ ອາ^ບີ^ຢາ^ທາ ເຍີຍ ຕອນ, ອາ^ຫິ^ເມ^ເລກ, ເຖສົາ ເລ^ວີ ມ່ຽນ ເຖສົາ ໄຊ ມ່ຽນ ເຍີຍ ປູ້ງ ປ່ວນ ເປຢີ໊ຍ ເຕສີ໊ຍ ໝັ່ງ ຈ໊ຽນ. ນິ່ນ ບົວ ທິ້ວ ຈ໊ຽນ ກິ໊ນ ເຕົ້າ ເອ^ເລ^ອາ^ຊາ ວົ້ວ ເຈົ໊າ ເຍີຍ ເປຢີ໊ຍ ເຕສີ໊ຍ ແອ໋ງ ກິ໊ນ ເຕົ້າ ອິ^ທາ^ມາ ວົ້ວ ເຈົ໊າ ເຍີຍ ປູ້ງ ປ່ວນ ເປຢີ໊ຍ ເຕສີ໊ຍ. 7 ຕີ່ງ ແໝ່ງ ໝັ່ງ ກິ໊ນ ຕະຢ໊ຽດ ເຕົ້າ ມ່າຍ ເຢ^ໂຮ^ຢາ^ລິບ,
ຕະເຫຍີ່ຍ ເຕົ້າ, ເຢ^ດາ^ຢາ, 8 ຕະຟາມ ເຕົ້າ, ຮາ^ລິມ,
ຕະເຝີຍ ເຕົ້າ, ເສ^ໂອ^ລິມ, 9 ຕະຮມ໌ ເຕົ້າ, ມັນ^ຄິ^ຢາ,
ຕະຫລົວະ ເຕົ້າ, ມິ^ຢາ^ມິນ, 10 ຕະທສຽດ ເຕົ້າ, ຮັກ^ຂົດ,
ຕະເປ໊ດ ເຕົ້າ, ອາ^ບີ^ຢາ, 11 ຕະຈົ໊ວ ເຕົ້າ, ເຢ^ຊູ^ອາ,
ຕະຕສຽບ ເຕົ້າ, ເຊ^ຄາ^ນິ^ຢາ,
12 ຕສຽບ ຢ໊ຽດ ວົ້ວ ເຕົ້າ,
ເອ^ລີ^ຢາ^ຊິບ,
ຕສຽບ ເຫຍີ່ຍ ວົ້ວ ເຕົ້າ,
ຢາ^ຄິມ,
13 ຕສຽບ ຟາມ ວົ້ວ ເຕົ້າ,
ຫຸບ^ປາ,
ຕສຽບ ເຝີຍ ວົ້ວ ເຕົ້າ,
ເຢ^ເຊ^ເບ^ອັບ,
14 ຕສຽບ ຮມ໌ ວົ້ວ ເຕົ້າ,
ບິນ^ກາ,
ຕສຽບ ຫລົວະ ວົ້ວ ເຕົ້າ, ອິມ^ເມ, 15 ຕສຽບ ທສຽດ ວົ້ວ ເຕົ້າ, ເຮ^ຊີ,
ຕສຽບ ເປ໊ດ ວົ້ວ ເຕົ້າ,
ຫັບ^ປິດ^ເຊດ,
16 ຕສຽບ ຈົ໊ວ ວົ້ວ ເຕົ້າ,
ເປ^ທາ^ຫິ^ຢາ,
ຫຍີ່ ຕສຽບ ວົ້ວ ເຕົ້າ,
ເຢ^ເຮ^ເຊ^ເຄນ,
17 ຫຍີ່ ຕສຽບ ຢ໊ຽດ ວົ້ວ ເຕົ້າ, ຢາ^ຄີນ,
ຫຍີ່ ຕສຽບ ເຫຍີ່ຍ ວົ້ວ ເຕົ້າ, ກາ^ມຸນ, 18 ຫຍີ່ ຕສຽບ ຟາມ ວົ້ວ ເຕົ້າ, ເດ^ໄລ^ຢາ,
ຫຍີ່ ຕສຽບ ເຝີຍ ວົ້ວ ເຕົ້າ,
ມາ^ອາ^ຊິ^ຢາ.
19 ນ້າຍ ເຕີ໋ຍ ມ່ຽນ ເຊ ຕສິ໋ວ ພ້າຍ ຕ້າຍ ເຍີຍ ກົງ-ປ່ວນ ເປັຍ ຕສັ່ງ ຕສ໊ຽວ ເຍີຍ ເປຢົ໊າ ຟູ-ສູ. ນິ່ນ ບົວ ເອີຍ ນິ່ນ ບົວ ເຍີຍ ອົງ-ຖາຍ, ອາ^ລົນ, ຫລຽບ ຕ້າຍ ເຍີຍ ເລີ໌ຍ, ເຊ ຕສິ໋ວ ຕສ໊ຽວ, ອິ^ສະ^ລາ^ເອນ ມ່ຽນ ເຍີຍ ທິນ-ຮູ່ງ, ຫັດ ນິ່ນ ເຍີຍ ຫວ່າ.
20 ນ້າຍ ເຊ ເລ^ວີ ມ່ຽນ ເຕສ່ງ ເອຈ່ຍ ເຍີຍ ເຕສີ໊ຍ-ຟຸນ. ອຳ^ລາມ ເຍີຍ ເຕສີ໊ຍ-ຟຸນ ມ່າຍ ເຊ^ບູ^ເອນ, ເຊ^ບູ^ເອນ ເຍີຍ ເຕສີ໊ຍ-ຟຸນ ມ່າຍ ເຢ^ເດ^ຢາ. 21 ເລ^ຫັບ^ຢາ ເຍີຍ ເຕສີ໊ຍ-ຟຸນ ຕະຢ໊ຽດ ເຕົ້າ, ອິດ^ຊີ^ຢາ. 22 ອິດ^ຮາ ມ່ຽນ ເຍີຍ ເຕສີ໊ຍ-ຟຸນ ມ່າຍ ເຊ^ໂລ^ມົດ, ເຊ^ໂລ^ມົດ ເຍີຍ ເຕສີ໊ຍ-ຟຸນ ມ່າຍ ຢາ^ຫາດ. 23 ເຮ^ໂບ^ລົນ ເຍີຍ ເຕສີ໊ຍ-ຟຸນ, ມ່າຍ ເຢ^ລີ^ຢາ ໂຕສ໋ວ ຕະຢ໊ຽດ, ອາ^ມາ^ລິ^ຢາ ໂຕສ໋ວ ຕະເຫຍີ່ຍ, ຢາ^ຮາ^ຊີ^ເອນ ໂຕສ໋ວ ຕະຟາມ, ເຢ^ຄາ^ເມ^ອຳ ໂຕສ໋ວ ຕະເຝີຍ. 24 ອຸດ^ຊີ^ເອນ ເຍີຍ ເຕສີ໊ຍ-ຟຸນ ມ່າຍ ມີ^ຄາ, ມີ^ຄາ ເຍີຍ ເຕສີ໊ຍ-ຟຸນ ມ່າຍ ຊາ^ມີ. 25 ມີ^ຄາ ເຍີຍ ໂຢ໌ວ ເຊ ອິດ^ຊີ^ຢາ, ອິດ^ຊີ^ຢາ ເຍີຍ ເຕສີ໊ຍ-ຟຸນ ມ່າຍ ເສ^ຄາ^ລິ^ຢາ. 26 ເມ^ລາ^ລີ ເຍີຍ ຕອນ ມ່າຍ ມາ^ລີ ເຖສົາ ມູ^ຊີ. ຢາ^ອາ^ຊີ^ຢາ ເຍີຍ ຕອນ ມ່າຍ ເບ^ໂນ. 27 ເມ^ລາ^ລີ ເຍີຍ ເຕສີ໊ຍ-ຟຸນ ມ່າຍ ຢາ^ອາ^ຊີ^ຢາ ເຍີຍ ເຕສີ໊ຍ-ຟຸນ ເບ^ໂນ, ໂຊ^ຮຳ, ສັກ^ເກ ເຖສົາ ອິບ^ລີ. 28 ມາ^ລີ ເຍີຍ ເຕສີ໊ຍ-ຟຸນ ມ່າຍ ເອ^ເລ^ອາ^ຊາ. ເອ^ເລ^ອາ^ຊາ ໄມ້ ມ່າຍ ຕອນ. 29 ມ່າຍ ຄີດ ເຍີຍ ຕອນ, ເຢ^ລາ^ເມ^ເອນ. 30 ມູ^ຊີ ເຍີຍ ເຕສີ໊ຍ-ຟຸນ ມ່າຍ ມາ^ລີ, ເອ^ເດ ເຖສົາ ເຢ^ລີ^ມົດ. *
ນ້າຍ ເຊ ເລ^ວີ ມ່ຽນ ຕສິ໋ວ ນິ່ນ ບົວ ເຍີຍ ປູ້ງ ປ່ວນ. 31 ຕອນ-ໂຮລ ເຖສົາ ຕອນ-ໄຝ ເຍີຍ ປູ້ງ ປ່ວນ ເປຢີ໊ຍ ເຕສີ໊ຍ ຟີ່ ຮນັ້ງ ນິ່ນ ບົວ ເຍີຍ ກໍ໋-ໂຢ໌ວ, ອາ^ລົນ ເຍີຍ ເຕສີ໊ຍ-ຟຸນ, ຕອງ ຈ໊ຽນ ດາ^ວິດ ຮູ່ງ, ສາ^ດົກ, ອາ^ຫິ^ເມ^ເລກ ເຖສົາ ເລ^ວີ ຝີງ ເຍີຍ ຕສວັ໋ງ ມ່ຽນ ເຖສົາ ໄຊ ມ່ຽນ ເຍີຍ ປູ້ງ ປ່ວນ ເປຢີ໊ຍ ເຕສີ໊ຍ ຕີ່ງ ແໝ່ງ ໝັ່ງ.